Matthieu 3:11 - Mina ma Nzambe 1947

¹¹ Nga baptise beni o may, tonga n’iyencha mitema ma beni, ko, wango eya o chima nga alèki nga nguli. Nga di odya monyòngò ichwa bachaphata ba wango ka, wango tabaptisa beni n’Eyaye Echwa na meya.

Matthieu 3:11 Iomraidhean Croise

Matthieu 3:6

Na bango bachiakolaki machuma ma bango, na wango abaptisaki bango o ebale Jourdain.

Marc 1:4

Jean ayakaki tonga na mawò mango, ayinaki bato o may o enongo a bobè, n’achakolaki mawò m’iyiniba iyencha mitema tonga n’idwa pardon a machuma.

Mina minyòngò myango Saint Luc akòtèki 1:17

Wango takiè Mokonchi bocho n’eyaye na nguli ko Elie bona, tonga n’ichekola mitema ma bachango o nch’a bana, na bango badi owoka mawò ma Mokonchi ka, wango tachekola bango bato banyòngò.”

Mina minyòngò myango Saint Luc akòtèki 3:16

Jean ayambolaki n’alobaki na bango bachò bwe: ”Nga baptise beni o may, ko, koncha wango eya alèki nga nguli, nga di onyè n’iwutola mondiki ma bachaphata ba wango ka; wango tabaptisa beni o Eyaye Echwa na meya.

Mina minyòngò myango Saint Luc akòtèki 3:3

Na Jean atambolaki o ngolo yango ebèki mpoli na Jourdain, achiakolaki bato bwe baptême tonga n’iyencha mitema, nà machuma ma bango mamichibe,

Jean 1:15

Jean achakole tonga na wango, wango alobe nikichi bwe: ”Yena edi koncha wango o nga lobaki bwe. Koncha wango eya o chim’a nga, wango adi nga bocho, tonga wango abèki nga bocho.”

Jean 1:30

Yena edi koncha wango o nga lobaki bwe: O chim’a nga eya moto mò, wango adi nga bocho, tonga wango abèki nga bocho.

Matoma ma Bapôtres 1:5

Tonga Jean ayinaki bato o may, ewuli machu maki bona o beni tòyiniba n’Eyaye Echwa.

Matoma ma Bapôtres 19:4

Paul alobaki bwe: ”Jean ayinaki bato iyiniba dyango iyencha mitema, alobaki na bato bwe, bango bachingane koncha wango eya o chima wango, edi Jésus.

Matoma ma Bapôtres 8:36

O bango babandamaki o ncha yango, bango bapholaki o may, na mwe Ethiopie alobaki bwe: Kieka may, ewunduze nga enongo iyiniba o may, eyeka kombo nda?

Matoma ma Bapôtres 8:38

Wango achimbizaki machini bwe, madyale otambola ka, na bango bachò babale bachundaki o may, na Philippe ayinaki wango o may.

1 Corinthien 12:13

Tongo banga bachò boyinibaki o ch’Eyaye ko yò, tonga n’idyala nchoto ko dyò, nyò edyale bajuif, nyò edyale bagrec, nyò edyale batamba nyò edyale bachomi, bèni bachò bobinywa Eyaye ko yò.

Ephésien 3:8

he, nga lèki etulele o phanyak’a bato b’èchwa bachò, baphèki nga grâce wango tonga n’ichakola bato bach’owoka mawò ma Nzambe ka mina minyòngò ma bomandi ba Christ, bwango bato bachò oyicha bomiche ka,

Tite 3:5

wango aphakolaki bèni, ebodyala iwò tonga na matoma manyèki mango bèni bokielaki ka, ko, tonga n’èlumb’a wango, n’iyinib’a mitema n’ènyechele yango Eyaye Echwa enyeze,

1 Pierre 5:5

Na beni bawoli, botulizaka manchoto ma beni na baphomba, na beni bachò bodikizana ndèphè tonga n’ikielizana, ”Tonga Nzambe abenge bakoncha bango bakondize manchoto, ko bakoncha bango batulize manchoto wango aphè bango grâce.”