Matthieu 19:16 - Mina ma Nzambe 1947

¹⁶ Moto ayakaki o ma Jésus, alobaki bwe: ”Mokuba, nga takiela matoma manyòngò tonga n’idwa bomwè butenela bwe?”

Matthieu 19:16 Iomraidhean Croise

Matthieu 19:15

Na wango ayakaki mabòkò ikolo na bango, na chima wango alangwaki ondo.

Matthieu 19:26

Jésus akiekaki bango, alobaki bwe: ”Bato oyicha bokiele kobona ka, ko, Nzambe ayiche bokiele beka bichò.”

Matthieu 19:29

Na moto, wango elangwaki o ma banyango baphele, iyò banyango ba bato, iyò chango, iyò nyango, iyò bana ba wango, iyò makuba, iyò mandako tonga na kombo a nga, wango tayamba beka mayamba makama, byango bilèki ba bocho, na wango tayamba bomwè butenela.

Matthieu 25:46

Bato ba takiè o ichèbo biteneli, ko, bato banyòngò takiè o bomwè butenela.”

Jean 10:28

Na nga phè bango bomwè ba biteneli, na bango dyò tichumbani biteneli, na edi moto nyò mò iyicha bokatule bango o ch’èbòkò a nga twa.

Jean 12:25

Koncha wango edinge bomwè ba wango, bwango tochumbana na wango, koncha wango eyine bomwè ba wango o che woni, wango tadwa bwango, na tadwa bomwè ba biteneli.

Jean 3:15

tonga na moto ikika wango echingane, tadwa bomwè ba biteneli mutu wango.”

Jean 4:14

ko, koncha wango enywe may mango nga phè wango, wango tadyala dyò phocha may twa, tonga may mango nga phè wango tachekwa motwatwa nchomba aphuchwane may o cha wango kokoko ncho o bomwè ba biteneli.

Jean 5:39

Boni botokolo mawò ma Nzambe tonga beni bochimunye bwe, beni bodi na bomwè ba biteneli o cha mango; edi mango koncha ekubole tonga na nga.

Jean 6:47

Nènè, nènè, nga lobe na beni bwe: ”Koncha wango echingane, wango adi na bomwè ba biteneli.

Jean 6:68

Simon Pierre ayambolaki wango bwe: ”Mokonchi, ne banga tokiè o ma nda? Edi ke ko kò koncha edi na mawò ma bomwè ba biteneli,

Matoma ma Bapôtres 16:30

Chima wango atubizaki bango, alobaki bwe: ”Beni mikonchi, nga takiela bwe, enongo idwa ichungiba?”

Baromain 2:7

Wango taphè bakoncha bango badi n’ètungu o matoma manyòngò bomwè butenela, na o cha mango bango bayenge bokalebane na botochibe na beka ba biteneli.

Baromain 5:21

Ko bochuma bobèki na chwa na botubizaki bowe bona, elenge ko yango nà grâce edi na chwa itubiza echwa na bomwè butenela mutu Mokonchi ma bèni Jésus Christ.

1 Timothée 1:16

Ko, nga biyamba elumba echoko Jésus Christ tadikiza ndèphè a wango echò na nga koncha eleki edyobolo yango, tonga n’itika nga ndembo o phanyak’a bakoncha bango tachingana wango, tonga n’iyamba bomwè butenela.

1 Timothée 6:12

Omanaka bita binyòngò b’èchingane, obaka bomwè butenela, k’obwangibaki tonga n’iwò dyango, okomo k’òchakolaki Jésus o michò ma bandèngè bakama.

1 Timothée 6:19

bakonginyaka kobona nchalela enyòngò o machu mango taya, echoko bango taba bomwe butenela yango.

Tite 1:2

atindibaki tonga n’ichen’a bomwè butenela edi bwango Nzambe, koncha wango edi oyicha bokiele bwanya ka, alakaki o wango abach’otula che ka.

Tite 3:7

echoko bèni bango wango anyèzaki na grâce a wango todyala bakwe ba beka b’itike ko ichen’a bèni idi bona bomwè butenela yango.

1 Jean 1:2

Tonga Bomwè boyènibaki na banga, na banga bobiyènè na banga bobimwanyola bwango, na banga bochakole beni Bomwè butenela, bwango bobèki na Chango na boyènibaki na banga,

1 Jean 2:25

Ilakako di edi dyango wango alakaki bèni, bomwè butenela.

1 Jean 5:20

Na bèni boyebe bwe, Mwan’a bole a Nzambe ayakaki, abiphè bèni bokièngu b’iyeba Koncha wango edi nènè, na bèni bodi o ch’a Koncha wango edi nènè, o ch’a Mwan’a bole a wango, Jésus Christ. Wango adi Nzambe a nènè, na Bomwè butenela.

Jude 1:21

na botenelaka o ch’èlumb’a Nzambe, na boyèngizaka elumb’a Mokonchi ma bèni Jésus Christ kokoko ncho bomwè butenela.