Matthieu 13:39 - Mina ma Nzambe 1947

³⁹ Ndoli aphikaki edi molèmba, bucha bitòlò edi bochiliche ba bobiko bu, bato bitòlò edi bangelo.

Matthieu 13:39 Iomraidhean Croise

Matthieu 12:32

Moto ikika ebiloba iwò na Mwan’a bole a moto, wango tayamba pardon, ko, moto ikika ebiloba iwò n’Eyaye Echwa tiyambi pardon, nyò bobiko owoni o che, nyò bobiko, bwango toya.

Matthieu 13:22

Dyango iphikibaki enongo a byèmbu ba milò, edi wango ewoke mawò ma Nzambe, ko, tonga n’iphanu a beka ba che, na bwanya b’idwa biyike mawò, wango obota mpuka ka.

Matthieu 13:25

Ko, o bato babèki o ma bilò, koncha ebèki boyino na wango, ayakaki, aphikaki mpoto a byèmbu otete a dyango, konch’a kuba aphikaki blès, n’akièki.

Matthieu 13:28

Wango alobaki na bango bwe: ”Ekielaki kobona koncha edi boyino na nga.” Baboy ba wango bayangaki wango bwe: ”K’òdinge banga bokie, bochala byèmbu?”

Matthieu 13:40

Ko bato bachale byèmbu tonga n’itumba o meya bona, nà bochiliche ba bobiko bu todyala kobona.

Matthieu 13:49

Na bokokele ba bobiko bu todyala kobona. Bangelo taya, nabango takakuza bato babè na bato banyòngò,

Matthieu 24:3

O Jésus adyaki bwa o bokoli ba Oliviers, bayekoli ba wango bayakaki o ma wango, bango phencha, balobaki bwe: ”Chiakola banga bucha bwango beka bichò bi tiya, na chiakola banga ndèmbo a bucha bwango kò tobutwa na bokokele na che.”

Matthieu 25:31

Okomo Mwan’a bole a moto taya o botochibe ba wango na bangelo bachò, wango tadyabwa o kiti a botochibe,

Matthieu 28:20

Boyekuzaka bango bakiele matoma machò, mango nga bitinda beni. Na bokieka! Nga dyale na beni machu machò kokoko ncho bokokele ba che.”

1 Corinthien 10:11

Ko, beka bichò bi biphilaki bango tonga n’idyala ndembo a mochimbako, na bakòtèki mawò mango tonga n’iyekuza banga, bakoncha bango badi na bochukele ba mabiko machò mpoli na bango.

2 Corinthien 11:3

Ko nga leki etilele tonga ko mochèmè mochukwizaki Eve n’ichena na bolengi ba mwango bona, ta na mitema ma beni midyobo na myango minakola o ch’èbati ètungu a Christ.

2 Corinthien 2:17

Banga bodi odyala ko bakoncha bango bayenche mawò ma Nzambe bona ka, ko, na mitema ma chèchè, myango Nzambe atambuze, banga bochakole mawò o cha Christ o bocho ba Nzambe.

Ephésien 2:2

Bocho beni botambolaki o ch’a mango ko edyalele a che na bobiko bu bona, beni bolondoki mokonchi ma nguli a enguchi, mokonchi ma nguli ’èyaye, yango ekiele mochalo o ch’a bato bango badi owoka ka.

Hébreu 1:2

ko, kinòwa machu ma chima wango alobaki na banga na Mwan’a bole, koncha wango wango abitika mokwe a beka bitike bichò, koncha wango wango atulaki che na wango,

Hébreu 9:26

Kobona ibe wango achèbèki machèbè makama o bophotiche ba che kokoko ncho kinòwa, ko kinòwa o bobiko botunywibaki, wango ayènizaki iyènicha ko dyò phencha o bowe ba wango, tonga n’imicha machuma ma bato.

1 Pierre 5:8

Bodyalaka kot’èdyalele na bobatelaka, ndoli a beni Molemba adyonge n’alonche ko lion bona, n’ayenge koncha wango wango ayiche bomine.

Jude 1:14

Na Enoch, partiarche, alakaki mawò tonga na bango dyòkò, koncha wango epholizaki mololongi m’Adam mochabali, alobaki bwe: ”Bokieka Mokonchi mobiya na bibuliki ba mwango b’èchwa, byango bidi oyicha bobalibe ka,

Bimwa 12:9

Dragon monè mokoto ma mochèmè etangibe bwe, Molemba, na Satana, bawuchaki wango o che, koncha wango elenguze bato bachò, bawuchaki wango o che elongo yò na bangelo ba wango.

Bimwa 13:14

Na wango alenguze bakoncha bango badi o che, tonga na matoma machimube, mango wango ayambaki chwa ikiela o michò ma nyama ibèli a tabocho, na wango alobe na bakoncha bango badi o che bwe, bakiele ndembo elenge a nyama ibèli atabocho wango bamaki mongowa ko abutwa na bomwè.

Bimwa 19:20

Na bakandaki nyama a ibèli na mobandi ma bwanya koncha wango ekielaki matoma machimube tonga n’ilenguza bakoncha bango bakòtibaki ndembo a kombo a nyama a ibèli, na awuchaki bango bachò babale na bomwè o ch’ibela a meya na soufre.