Matthieu 10:27 - Mina ma Nzambe 1947

²⁷ Mawò mango nga lobe o ch’a boyi, bochiakolaka mango o phololo, na mawò mango bango baphwèphèngene o matwe, bochiakolaka mango o miancha.

Matthieu 10:27 Iomraidhean Croise

Matthieu 24:17

na koncha edi ikolo na mwancha tichundi tonga n’iye kwa beka o ch’a ndako a wango.

Mina minyòngò myango Saint Luc akòtèki 12:3

Echoko beka bichò byango beni bolobaki o boyi tiwokiba o phololo, na mawò beni bophwephwengènèki o matwe o ch’a mandako, tachiakola mango o miancha yango.

Mina minyòngò myango Saint Luc akòtèki 8:10

Wango alobaki na bango bwe: ”Baphèki beni bolèngi b’iyeba beka ba yiche ba bokonchi b’ikolo, ko, bana bato bachiakwibe mawò o bikoko, echoko bakoncha bango badi michò phololo tiyèni, na bango badi matwe phololo tiyebi yango.

Jean 16:1

Nga lobaki na beni mawò ma edi tonga mòchi bwe, beni bodyale okwa ka.

Jean 16:13

Ko okomo Eyaye a nènè teya, yango tekamba beni otata nènè, tonga yango tilobi tonga na yango koncha, yango techakola ko beka byango yango ewokaki, na yango techakola beni beka byango otiya.

Jean 16:25

Kinòwa nga kwelelaki beni mawò ma o bikoko phencha, ko o bobiko bwango tòya dyò nga tikweleli beni mango o bikoko, nga takubola Chango na beni tètè kbongolo.

Jean 16:29

O bayekoli bawokaki iwò di, bango balobaki bwe: ”Kinòwa kò ukubola na banga tètè phololo, k’òdi oloba dyò o bikoko ka.

Matoma ma Bapôtres 17:17

Echoko wango adyokanaki na bajuif o ndako ichambela nà na bakoncha bango batilaki Nzambe yango, na wango adyokanaki na bakoncha bango wango ataki na bango o dyando bucha na bucha.

Matoma ma Bapôtres 5:20

Bokiè beni, botèmè chu o temple dyòkò, bochiakola bato mawò ma bomwè ma machò.

Matoma ma Bapôtres 5:28

Banga bobochimba beni mochimbako mokuli bwe, tòdikizake bato o kombo yena ka, ko, beni butondiza Jérusalem n’iyekol’a beni, na beni bodinge bokane banga o ch’iwò a malongo ma moto wona.

2 Corinthien 3:12

Okomo banga bodi n’ichena dina, owana banga bodi tètè na bokili bokama,