20 Dyango iphikibaki o che enyòngò, ebilobiba tonga na bakoncha bango bawoke mawò ma Nzambe na bayambe mango, na bango babote mbuka muna mako machato muna mako machamano na muna kama.
Edi odyala beni bakoncha o echòlòki nga ka, ko edi nga koncha o echòlòki beni; na nga bichòchò bwe, beni tòkiè tonga n’iyèbota mbuka, mbuka dyango itenele, na kobona Chango a nga taphè beni beka bichò, byango beni boyonge o kombo a nga.
O mataki machò mango madi tinge o ma nga, na itaki dyango idi obota mbuka ka, wango takièna dyango ko itaki dyango ibote mbuka, wango takbalola michendu myango midi o dyango, tonga n’ibotiza dyango mbuka ileki bokama.
Banyango ba baphele ba nga nà beni dyòkò elenge ko yango, beni bobibomiba ebati a miyeko tonga na nchoto a Christ, tonga n’ichekwa bato ba koncha wango ewumwaki o bowe echoko bèni tobota Nzambe mbuka yango.
na botambole ko etambole yango Mokonchi modinge bona, na kobona bochangize mwango o beka bichò, na bobote mpuka a matoma manyòngò machò, na bokate o ch’a bokièngu ba Nzambe,
Banyango ba baphele b’èbati a Nzambe, banga boyonge na banga boteye beni o ch’a Mokonchi Jésus bwe, ko beni boyekolaki na banga bona, tonga n’idyala n’ètambole yango edi enyèki o bocho ba Nzambe, na beni tolèka etambole kobona kokoko.
Mo beka bi bidi na beni na byango bikate o ch’a beni, byango ochekola beni bimèmè ka, odyala nyò ko bato bango badi odyala mpuka ka echoko iyeba bokièngu ba Jésus Christ Mokonchi ma bèni.