Marc 4:19 - Mina ma Nzambe 1947

¹⁹ ko, tonga n’iphanu a beka ba che, na bwanya b’idwa, na phocha beka bakbwi, byango bikole o cha mye ma bango na biyike mawò, kobona mango obota mbuka ka.

Marc 4:19 Iomraidhean Croise

Matthieu 13:22

Dyango iphikibaki enongo a byèmbu ba milò, edi wango ewoke mawò ma Nzambe, ko, tonga n’iphanu a beka ba che, na bwanya b’idwa biyike mawò, wango obota mpuka ka.

Matthieu 19:23

Jésus alobaki na bayekoli ba wango bwe: ”Nga lobe na beni nènè: Edi ikuli na moto a mandi echoko ikola o bokonchi b’ikolo.

Matthieu 3:10

Kinòwa chopha adi nywa o tin’a milange, molange mwango mobobota mpuka inyòngò ka, echoko takòtè mwango na tabwaka mwango o meya yango.

Marc 4:18

Yengu edi dyango iphikibaki o enongo a biyèmbu ba milò; ebilobiba tonga na bakoncha bango bawoke mawò ma Nzambe,

Mina minyòngò myango Saint Luc akòtèki 10:41

Jésus ayambolaki n’alobaki na wango bwe: ”Marthe, Marthe, k’òphè nchoto a kò koncha iphanu tonga na beka bikama,

Mina minyòngò myango Saint Luc akòtèki 21:34

Ko, bokiekaka n’ikièngu na beni makoncha, ta mitema ma beni midyala na chululu a bonywe ba maléku, na chululu a iphanu a bomwè, owana bucha bwango tophakiza beni,

Jean 15:2

O mataki machò mango madi tinge o ma nga, na itaki dyango idi obota mbuka ka, wango takièna dyango ko itaki dyango ibote mbuka, wango takbalola michendu myango midi o dyango, tonga n’ibotiza dyango mbuka ileki bokama.

Baromain 12:2

Tokielake ko ekielele yango bato ba che bakiele machu ma bona, bochekole mitema ma beni tonga n’idwa botemu ba Nzambe tonga n’iyeba beka, byango bidi bodingo ba Nzambe, byango bidi binyongò na binyèki na bilòngibaki.

Ephésien 2:2

Bocho beni botambolaki o ch’a mango ko edyalele a che na bobiko bu bona, beni bolondoki mokonchi ma nguli a enguchi, mokonchi ma nguli ’èyaye, yango ekiele mochalo o ch’a bato bango badi owoka ka.

Ephésien 6:12

Bèni bodi odyala na bita ba malongo na ba nchoto ka, ko, bèni bomane na mikonchi na bonè bochò na mikonchi ma boyi o che woni na nguli a biyaye bibè byango bidi o nch’a ch’ikolo.

Philippien 4:6

Todyalake n’iphanu o eyeka nyò yò, ko, tika madingo ma beni machò mayebibe o bocho ba Nzambe, boyongaka wango na bochomboko wango na bophè wango ingòko.

1 Timothée 6:17

Otindaka bato bango badi bamandi o bobiko bu tadyalake na nganga, na tadyalake n’ichena a bango o idwa, dyango idi oyicha botenele ka, ko, bochenizaka Nzambe koncha wango aphè bèni beka bichò bilèki bikama, tonga bèni todyala nyèmu na byango.

2 Timothée 4:10

Tonga Demas abilangwa ma nga, wango alèkaki edingele beka ba che, wango abikiè o Thessalonique. Cresens abikiè o Galatie na Tite o Dalmatie.

2 Pierre 1:8

Mo beka bi bidi na beni na byango bikate o ch’a beni, byango ochekola beni bimèmè ka, odyala nyò ko bato bango badi odyala mpuka ka echoko iyeba bokièngu ba Jésus Christ Mokonchi ma bèni.

Jude 1:12

Bango badi ko biphebo ba choni o mabonda m’èlumba ma beni, o bango badye beka ba beni, o bango badyeze bango makoncha, bobo twa, bango badi biphephelo byango bidi mè twa, byango enguchi edumbe na phe, na phe, bango badi ko milange myango midi kbangala, mpuka twa, babiwa mawa mabale, babibiliba na machongo,