Thaidas 2:1 - Iwo Surua Mua Wie Pha Bible

¹ Jishii na ne nyie yi khriig muyua nuii pha ji yua chid phro.

Thaidas 2:1 Iomraidhean Croise

1 Thimothi 1:10

chiih-è awie pha, chiih-è siulao rek pho, chiih-è zumphothek chiih-è biidiie yao chiih-è biidiie khagi rek chiih-è wie yua pha ji shii suang rek pho shii rab phi ro.

1 Thimothi 6:3

Hanyie è yoh miyao shii yua chiih-è Ithong Masi Isu ro izai miyaogamthek rog shii anuii arone chiih-è gethek ro yua pha giang re-è yoh ro.

2 Thimothi 1:13

Na shii iikhiing shii luagieng yi pha duiine, gu è na shii yuajong pha izai miyaogamthek shii chuh re-è khoh bo, chiih-è gethek ro Masi Isu rog ò rek pha miie nane migi shii rey ne rai bo.

Thaidas 1:9

Ai ne nyie mua shii migi rek mua chiih-è nyie muyua shii nuii mua pha ji shii ne chuh è khoh chid. Ji duiine ai ne gai shii izai muyua ji è lububo rek mua chiih-è gidieg pho shii ne ithek ichiig doh mua yichid.

Thaidas 3:8

Hì ne zai yao. Gu nathek shii hì pha miyao è wie chuh phi pha yang ro, ji-è hanyiethek ne Hamangkhung-aphuii shii migi rek pho ne, nyie yi wie blia shii rek pha nyie yi wie nane zab è kho pha ji shii isiie rek mua ro.

1 Phithar 4:11

Hanyie yuapho ne Hamangkhung-aphuii ro muathek yua chid phro; hanyie è blia rekpho ne Hamangkhung-aphuii è ithek shii nyie phi pha ji shii chua rog shii blia rek chid phro, ji-è zab pha manathek ne hanyie shii biisiie nane blu idang nane idang um pha Isu Masi chiang è Hamangkhung-aphuii shii chiong mua phro. Amen.