Romanthek 3:4 - Iwo Surua Mua Wie Pha Bible

⁴ Khuchunde asi phro! Hamangkhung-aphuii ne izai ro, jigigam shii yao pha duiine. Zab pha branthek rang de biidiie ro, “Nathek è yao shii nathek ro izai doh ruii phro.” “Nathek bidiang shii nathek ro maley ne yang ruii phro.”

Romanthek 3:4 Iomraidhean Croise

Methiu 11:19

Jishii, Bran dufuii wuii thog shii ai ne chie ne niing, chiih-è yao, hì pha bran shii Riig mage bo! Ai ne sgow ne niingpho ro, mijin thanphothek nane iriing ìu pho thek pha ijak ro! “Hamangkhung-aphuii khani ne blia è izai chak rone doh yi.”

LUG ro Muawie 20:16

“Ai ne wuii srane ji pha branthek shii ua muii phro, chiih-è angur raig yi gai raig chei phothek wad shii phi muii phro.” Ithek è ji yoi mage shii, ithek è yao, “Ji duiine arey dang rabo!”

JON ro Muawie 3:33

Jishii hanyie è ai mua ji yoi arone ai ne Hamangkhung-aphuii è izai rone yaothiakjong ro.

Romanthek 11:1

Gu sai, chiihphado: Hamangkhung-aphuii è awai ro bran shii snai nebey? Khuchungde asi ro! Gune gui de Israelith ro, Abraham pha riing ro, chiih-è Benjamin jad pha bran ro.

Romanthek 11:11

Gu sai, chiihphado: Jewthek ne kham mage shii, ithek ne zab muadun habey? Khuchungde asi phro! Nyieliieshii ithek è layog rek, giawo Jewthek shii miegriie yi pha Gaibranthek shii phi phro.

Romanthek 3:31

Gethek rek pha hì pha isiie ne Iphey rog thaluii rey phrone yao nebey? Asi, zab asi; ji pha chiang shii gethek ne Iphey shii chuh kho chid.

Romanthek 6:15

Nyie, chiihphado? Nyieliieshii gethek ne Iphey iliing shii asi jishii gethek ne Hamangkhung-aphuii ro bushun iliing shii, ji è gethek ne layog rek habey? Khuchung de asi!

Romanthek 6:2

Khuchung magunde asi, gethek ne layog shii iyjong—chiihphado khi-èrek ne sieng ne rai mua phlei?

Romanthek 7:13

Jishii chiihphado hì-ne wie bey? Gu shii iy yi pha ji ne, khuchung de asi phro! Hì pha layog ne nyie wie ji è khoh srane rek ne, layog è gu shii iy pha phi ne, izai pha Iphey jine doh yi pha rek. Chiih-è, muyung è layog ne dinne de bajo awie pha layog doh yi.

Romanthek 7:7

Chiihphado, Iphey awai ne layog rone, gethek ne yao habey? Khuchung magunde asi! Jishii Iphey è layog ne nyie ga, jine gu shii thieg yi. Iphey è gu shii ayao arone, Gai ro nyie um pha ji ne agiichak rabo è yao pha ji ne gune athieg mua.

Romanthek 9:14

Chiihphado, Hamangkhung-aphuii ne awie ro, gethek ne yao habey? Khuchungde asi ro.

1 Khorinthek 6:15

Nathek ne thieg nathek ro siu ne Masi ro siu pha thang ro. Gu ne Masi ro siu ichua shii yie ne chiih-è siulao pha siu ichua rab muii habey? Arey muii!

2 Khorinthek 1:18

Hamangkhung-aphuii izai yao pha duiine, gu è nathek shii sbang rek pha ji ne “Oh,” nane “Asi” ne asi ro;

Galathithek 2:17

Chiihphado, gethek ne Isu Masi rog shii ò rek pha ji è Hamangkhung-aphuii rog shii rangsua ruii pha bidiang arone, gethek ne Gaibranthek duiine layogthek doh dun—Jipha miyaosiu è Masi ne layog pha chiang blia rek ne bey? Ji ne asi ro!

Galathithek 2:21

Gu ne Hamangkhung-aphuii pha bushun shii snai pha anuii phro. Jimagungde branthek yi Hamangkhung-aphuii rog shii Iphey ji è rangsua rey arone, Masi iy pha miyaosiuthek ne nyie de oi pha rey dun ro!

Galathithek 6:14

Jimagungde gune, gethek ro Ithong Isu Masi ro bai chiang shii wiangwie rek bie ro; airo bai chiang è sohjambling ne gu shii iy-iy ro, chiih-è gu chiang sohkhung ne iy-iy ro.

1 Thimothi 3:16

Khama Bajobo pha ug nane gethek ro giang shii ne hanyie jia de asnai mua phro: ai ne tharohthamang rey ne dong khlei, Ragung re-è rangsua rone doh yie, chiih-è khliiethek è aishii doh. Ai chiang shii ne soh duchoi shii yua, Zab pha sohjambling è aishii migi rek, chiih-è aishii ne hamangkhung hà noh dun.

Thaidas 1:2

Nyie yi idang pha chai luthong ji shii rai ro. Hamangkhung-aphuii hanyie ne biidiie asi pha ji ne, gethek shii hì pha chai ne ishak jao pha ibi è sbang rek,

Hebriuthek 6:18

Chiihphado, hì shii ne nyi miyaothek ro, jine khuchung de alai muii chiih-è Hamangkhung-aphuii ne ji pha chiang è biidiie arey phro. Ji-è gethek ne ai rog shii ragia doh ne gethek ibi shii ruii phi pha luthong ji shii chuh khoh bone boh lububo rek phi ro.

1 Jon 5:10

Ji-è hanyie è Hamangkhung-aphuii ro Dufuii shii migi rek ai ne hìpha khagi shii awaithek lubu hà ruii; jishii hanyie è Hamangkhung-aphuii shii migi arek, ai ne Hamangkhung-aphuii shii khlam pha rab ro, nyieliieshii ithek ne Hamangkhung-aphuii è awai Dufuii chiang shii yao pha ji shii migi arek ro.

1 Jon 5:20

Gethek ne ìd Hamangkhung-aphuii Dufuii wuii chiih-è gethek shii gao yi pha phi, ji è gethek ne izai Hamangkhung-aphuii shii ìd ro. Gethek ne zai Hamangkhung-aphuii rog ò shii rai—Airo Dufuii Isu Masi rog ò shii rai. Jine zai Hamangkhung-aphuii ro, chiih-è jine idang pha chai ro.

Dong 3:7

“Philadelphia hà, churh pha hamangkhliiethek shii zey: “Hì pha mua ne hanyie yi so nane izai pha jia ji è ro. Dawid shii um pha ziuwad ne aishii um ro, chiih-è ai habin hong mage shii, hanyie jia è abin mua phro, ai è bin mage shii hanyie è ahong mua ro.