Romanthek 10:9 - Iwo Surua Mua Wie Pha Bible

⁹ Gethek è Isu Ithong shii Hamangkhung-aphuii è iy pha ji è hòi phi rone migi rek arone nathek ne ragia rey phro.

Romanthek 10:9 Iomraidhean Croise

LUG ro Muawie 12:8

Gu ithek shii ji yao hanyie magunde bran moe shii yaodang arone ai ne gu rog è chak ara, ji duiine Bran Dufuii de aishii Hamangkhung-aphuii hamangkhliie moe shii è rek phi phro.

JON ro Muawie 9:22

Ai aphuii amuii è iyao pha miyao ji ne nyieliieshii ai è Jew ro blu shii rum ne yao, nyieliieshii ithek ò jia rek iang srane hanyie è Isu ne Masi migi rek pho shii ne Jewthek misiahò è khia muii pha rek.

Bliathek 16:31

Ai è chang, “Ithong Isu shii migi now mage bo, ji-arone na nane nawai haliing pho de ragia rey ruii phro.”

Bliathek 2:24

Jimagunde Hamangkhung-aphuii è Isu shii awai blu è hòi din yi dun ro, nyieliieshii, iy pha riichai ne Isu shii phatheg rek ne achab mua phro.

Bliathek 2:32

Hamangkhung-aphuii è Isu ne hòi din phi, ji pha blia ne gethek è khagi rek jong dun.

Bliathek 8:36

Ji è yao ne lumuii hà luaramuii shii ithek ne kho um pha ithua jia shii thog ruii. Dumuii ji è Philiph shii yao, ichiih ne kho um haga! Gu shii nyie rek ne khowo aphi ba lei?

Romanthek 10:10

Hì ne gethek ro migi è Hamangkhung-aphuii rog shii giang ruii phro; chiih-è gethek sem è yao arone gethek ne ragia rey phro.

Romanthek 14:11

Jigigam shii yao, “Gune izai isieng Hamangkhung-aphuii ro, Ithong è yao, Zab gu ibi shii niing bo, chiih-è zab gune Hamangkhung-aphuii rone yao bo.”

Romanthek 14:9

Masi ne iy pha nane sieng pha Ithong ro, nyieliieshii ai ne iy ne hòi din.

Romanthek 4:24

Hì ne gethek hanyie è Ithong Isu ne iy pha ji è hòi din rone migi rek ne giang shii nuii phi pho shii de zey phro.

Romanthek 8:34

Chiihphado, hanyie aishii the pha lei, Masi Isu asi ba? Hanyie è iy srane, dinne hòi ne sieng chiih-è Hamangkhung-aphuii ro wad phazoi pha ithua shii rai ne gethek chiang aishii khung ne rai!

1 Khorinthek 12:3

Gu nathek shii thieg yi pha yang ro hanyie jia magungde Hamangkhung-aphuii ro Ragung è noh ne lua pho ne, “Isu shii athamai!” Chiih-è aishii ne Ragung So è ayua sapho shii ne, “Isu ne Ithong rone” hanyie magungde anuii mua phro.

Philiphithek 2:11

Chiih-è Hamangkhung-aphuii pha Aphuii ro biisiie pha, Isu Masi Ithong rone zab ne hong ne yao ruii phro.

1 Phithar 1:21

Ai chiang è nathek hamangkhung-aphuii shii migi rek, hanyie aishii iy pha ji è hòi yi ne aishii biisiie phi; chiih-è ji-è nathek ro migi nane luthong ne Hamangkhung-aphuii shii um ro.

1 Jon 4:15

Gethek è Isu shii Hamangkhung-aphuii ro Dufuii rone yaochak arone, gethek ne Hamangkhung-aphuii rog shii ò rai chiih-è Hamangkhung-aphuii ne gethek rog shii ò rai.

2 Jon 1:7

Khinrinpho ne sohjambling shii bajo thog ro, bran hanyie yi Isu Masi shii tharothamang rey ne wuii rone anuii pho, Ji pha branthek ne khlampha nane Masi ro Suangpho ro.