Philiphithek 4:4 - Iwo Surua Mua Wie Pha Bible

⁴ Nathek ro ò Ithong rog shii um pha ji ne idang lubo rek bo. Gu dinne yao: sang bo!

Philiphithek 4:4 Iomraidhean Croise

Methiu 5:12

Ji-è sang ne lised bo, chiih-è bajoboh lasen ne hamangkhung hà nathek shii ruiijong phi ro. Ji duiine nathek è ibi sieng pha chaigthek shii de ithek è diigkhui rek.

Bliathek 16:25

Ji pha habiu duchoi shii Phaul nane Silas ne Hamangkhung-aphuii shii sia ne ibai bai ne rai, chiih-è phatheg phothek de isa ibai ji nuii ne rai ramuii shii,

Bliathek 5:41

Guaphasamoythek ne limiang thoh ne fuang dun thog shii bajo sang dun, nyieliieshii, Isu chiang è diig rek phane Hamangkhung-aphuii è ithek ne bajo san dun.

Romanthek 12:12

Nathek ro luthong ne sang ne ruii bo, nathek ro diigthek shii jum rek bo, chiih-è idang sia bo.

2 Khorinthek 6:10

Duhug thog yi magungde, gathek ne idang lised ro; gathek shii dusho riig magungde, jishii gathek è bajo branthek shii bohkhoh rab phi; gathek shii nyie oi pha doh magungde, thuh gathek shii ne zab nuruii um ro.

Galathithek 1:8

Jimagungde gathek è yua pha muawie ji è yo hamangkhung hamangkhliie nane gathek è yua arone, aishii ne thumluii hà the dun ro!

Philiphithek 2:18

Ji duiine, nathek ne lised bo chiih-è nathek ro lubo ne gu rog shii thang bo.

Philiphithek 3:1

Jong sha, gu ijakthek, nawaithek ro Ithong shii ò pha ji shii lubo rek bo. Gu è igobi shii nyie zey pha ji zey din pha ne gu buii anow, chiih-è gu rek chak arone nathek shii ne ragia rek ruii phro.

1 Phithar 4:13

Ji pha chiang shii nathek ne Masi ro diigthek ji thang mua rone lised bo, ji-è airo biisiie khia mage shii nathek ley lubo um bo.