Philiphithek 4:3 - Iwo Surua Mua Wie Pha Bible

³ Chiih-è na shii de, guro isiie ijak, nathek ne hì pha hò-amuii shii nong phi bone gu yang muii ro; nyieliieshii isa ne Khlementh nane zab gai guro ijak bliaphothek hanyie ro ibeng yi Hamangkhung-aphuii ro chai pha siog shii um pha ji shii, chiih-è gu rog mua shiiy pha ji shii snak ne blia rek gieng.

Philiphithek 4:3 Iomraidhean Croise

LUG ro Muawie 10:20

Jishii ibuii ragungthek è ithek miyao nuii rone asang chid rabo; ithek beng hamangkhung pha siog hà zey ne um rone jishii sang bo.”

Romanthek 12:1

Ji-è chiihphado, gu khuiinothek nane bumuiithek, nyieliieshii Hamangkhung-aphuii ro boh bushun gethek shii rek phi, ji è gu nathek shii khung ne yao: nawaithek de Hamangkhung-aphuii shii isieng zid mage bo, airo blia shii phi muii srane aishii sang phi bo. Jine nathek è phi pha ji ne izai misia ro.

Romanthek 16:12

Thryphaene nane Thryphoso, hanyie è Ithong blia rek muii pha, chiih-è guro wie ijak hanyie è Ithong blia bajo rek muii pha Phersis shii de salamthek ro.

Romanthek 16:9

Guro wie ijak Sthachys shii de, chiih-è Masi ro blia rek pha gethek ro ijak Urbanus shii de guro salamthek ro.

Philiphithek 1:12

Gu nathek shii thieg yi pha yang ro, gu ijakthek, gu shii rey pha manathek ne izai mua shii ibi shii yi pha nong ro.

Philiphithek 1:16

Ji rek pha ji ne miie è ro, nyieliieshii ithek ne thieg Hamangkhung-aphuii è gu shii ne mua shii ragia rek pha blia phijong ro.

Philiphithek 1:27

Thuh, mugak pha mana ne hì ro nathek ro chai ne Masi ro mua duiine um chid, ji è dinne gu nathek shii riig pha awuii mua magunde, chiih-è jia chid pha ji shii nathek ne mua migi shii ò mak rek muii rone chiih-è nathek ne blia jia shii chuh è riu rone gu ne yoi ruii phro.

Philiphithek 1:5

nyieliieshii nathek è igobi è thuh thog pha mua pha blia shii nathek è gu shii nong phi ro.

Philiphithek 1:7

Nathek ne idang gu lubu shii um ro! Chiih-è gu rek pha nathek chiang shii than pha ne gu shii khriig um bie ro. Chiih-è Hamangkhung-aphuii è gu shii phi pha jo shii thuh gu ne phatheg hà um shii chiih-è fuang hàne mua shii ragia rek pha nane chuh è rab shii de nathek zab ne mathang um ro.

Philiphithek 4:2

Euodia nane Synthyche, gu nathek shii khung, Ithong shii ne bumuiithek duiine nuii phi bo.

Kholosithek 1:7

Nathek ne Hamangkhung-aphuii ro bushun ne, hanyie yi gathek duchoi pha Masi ro isiie bliapho Ephaphras, gathek ro ijak khiao ji è thieg ro.

Dong 13:8

Hanyie ro ibeng yi isieng jigigam shii sohjambling azen ba pha ibi shii zey ne, ua muii pha shiishaiduii ro rey pho asi bie pha zab sohnyiak shii rai pha branthek ne aishii misiasia.

Dong 17:8

Ji pha buii ibeymuthung ne luang jia shii ne isieng, jishii isieng asi sha ro; hìne bajo jam ihiung re-è wuii ruii srane srobro rey pha lakhung hà wuii pha rek pha ji ro. Branthek ichiih sohnyiak shii rai pho hanyie ro ibeng ne sohnyiak rab pha ji re-è yie ne isieng jigigam shii azey ba pho ne, ithek è buii ibeymuthung shii riig magey shii ithek ne anomuluii pha rey ruii phro. Hì ne luang jia ne isieng ro, thuh ne oi sha ro, jishii jine din ne khia ruii phro.

Dong 20:12

Chiih-è gu iyiy doh, boh nane ìu duiine, biang ibi shii riu. Jigithek ne hong ge, chiih-è chai pha gai jigi ne hongjong ro. Jigithek shii zey ne ruii pha duiine, Iy-iy shii ne awaithek è khi-èrek pha ji duiine chua muii ro.

Dong 20:15

Chai pha jigi shii hanyie ro ibeng zey ne oi pho shii ne bai pha khabang hà fen muii.

Dong 21:27

Jishii izea chiih-è hanyie è biwo manathek rek, chiih-è biidiie yao pho ne ji pha rajan shii akhud ruii phro. Hanyie ro ibeng ne shiishaiduii ro chai pha jigi shii zeyjong pho khud mua bie ruii phro.

Dong 3:5

Hanyie è yang pha ji shii mua pho ne imo ji duiine guii ruii phro, chiih-è gu ne ithek ro ibengthek ne sieng pha jigi re-è asad phro. Guro Aphuii nane airo hamangkhliiethek moe shii gu ne ithek shii guro chak rone hong ne yaothiak pha ro.