Philiphithek 2:2 - Iwo Surua Mua Wie Pha Bible

² Chiihphado, gu nathek shii khung, ò nowthek, ò miie shii thang rai, chiih-è ragung nane khani shii ò rek ne gu shii zab sang yi pha rab mage bo.

Philiphithek 2:2 Iomraidhean Croise

JON ro Muawie 3:29

Hanyie shii phiyiy bufuii um, ai ne phiyiy bimi pha ro, jishii phiyiy bufuii ro ijak ne hanyie è riu ne nuii shii phiyiy bufuii gow yoi mage shii bajo sang ruii phro: Hì duiine gu è sang pha ji ne zab rey ge ro.

Bliathek 1:14

Ithek ne athodang pha khrab srane hò-amuiithek nane Isu pha amuii Mery nane Isu pha ikhuiithek rog shii sia ne rai gieng.

Bliathek 2:1

“Phenthekhos thogmage shii, migipho ne ithua jia shii khrab srane rai iang.”

Bliathek 2:46

Inai tham ne ithek ne Misiahò hà ò si rai, chiih è, awai hò hà jum rek ne sang ne michiethek chie ne rai.

Bliathek 5:12

Guaphasamoythek buangthek nane anomuluiithek dang pha bliathek ne branthek moe shii bajo rek ruii. Migiphothek ne Solomon murung marui pha hò bucho hà si ne rai.

Romanthek 12:16

Zab pha rog shii ò ruii bo. Wiangwe arek rabo, jishii zum blia shii nuii bo. Nawaishii thieg rone anow rabo.

1 Khorinthek 1:10

Gethek ro Ithong Isu Masi pha riichai è gu nathek zab shii yao, gu ijakthek, nathek è nyie yao pha ji shii ne nuii, jiè nathek duchoi shii ache ruii phro. Zab ò jia rai bo, jia now bie ne chiih-è jia rek bie bo.

2 Khorinthek 13:11

Thuh shii, gu ijakthek! Wie è rai bo! Khriig rey pha bidiang bo; Gu è khung shii nuii bo; nawaithek chung nuii rai bo; liijiing shii rai bo. Chiih-è Hamangkhung-aphuii pha miie nane liijiing ne nathek rog shii um ruii phro.

2 Khorinthek 2:3

Ji-è gu ne nathek shii ji pha jigigam zey—Gui shii duhug rey yi pha gu nathek shii awuii yang, nyieliieshii gu shii sang yi pha ji ne nathek ro, chiih-è gu ne thiegjong, gu ne sang mage shii, chiihphado nathek zab sang ruii phro.

2 Khorinthek 7:7

Hì ne ai wuii ruii phrone gathek sang bie pha asi ro, jishii nathek è aishii lububo rek phi pha phosro ji è sang. Ai è gathek shii yao, na ne gu shii khama riig yang, na lubu shii ne khama diig um, na ne gu shii ragia rek pha saro khama saro ara ro; chiih-è gu ne ji è de muna sang ro.

Philiphithek 1:4

Chiih-è gu zab ishak nathek zab shii sia shii, gu ne lubo rog shii sia

Philiphithek 2:16

Ji-è nathek rek arone, Masi pha Inai shii nathek shii wiangwe rek pha chiang um ruii phro, nyieliieshii hì è ne zab gu miwiang nane blia ne adobo arey rone doh yi phro.

Philiphithek 2:20

Ai ne jia ro hanyie è gu muthanthek shii thang chiih-è hanyie yi izai nathek chiang shii gayiig phi.

Philiphithek 4:2

Euodia nane Synthyche, gu nathek shii khung, Ithong shii ne bumuiithek duiine nuii phi bo.

Kholosithek 2:5

Chiih-è gu ne siu shii oi magungde, thuh de gu ne ragung shii ne nathek rog shii ro, chiih-è nathek ro migi ne Masi rog shii ò wie chuh rek pha ji riig ne gu ne sang ro.

2 Thesalonithek 2:13

Nathek hanyie shii Ithong è miie pha khuiinothek nane bumuiithek, gathek ne nathek chiang idang Hamangkhung-aphuii shii laso phi. Chiih-è nathek izai shii migi rek pha chiang è Hamangkhung-aphuii nathek shii igobi gua pha ji ne Ragung pha blu è ragia rey ne airo gang bran rab phi ro.

2 Thimothi 1:4

Gu ne naro miegkhothek shii now muii ro, chiih-è gu ne na shii bajo riig yang muii ro, ji è gu ne lubo rog shii ley mua ruii phro.

Philimon 1:20

Ji-è, guro khuiino, Ithong chiang shii gu haro shii hì rek phi bo; Masi shii khuiino duiine, gu shii sang yi bo!

2 Jon 1:4

Aphuii è gethek shii yung pha duiine nathek aniphiing khuyo shii zai hà rai pha doh, gu ne bajo sang ro.

3 Jon 1:4

Guro aniphiing zai shii rai ramuii ji yoi shii ji è yoh-yoh gu shii sang phi pha oi ro.