Philiphithek 1:1 - Iwo Surua Mua Wie Pha Bible

¹ Masi Isu ro khiaothek Phaul nane Thimothi re-è—Hamangkhung-aphuii ro branthek Philiphi shii rai pho hanyie yi Masi Isu rog shii ò rek pha, Charch pha dumuiithek lao ne chiih-è nongphothek shii de:

Philiphithek 1:1 Iomraidhean Croise

Marg 13:34

Jipha inai ne ji duiine phro, Bran jia hanyie è awai khiaothek shii dumuii phi srane chiih-è zab pha khiao shii nyie rek chid pha ji yao ne chiih-è hò khan pha bran shii hò wie riig bo è yao ne awai hò thoh marui ne wuiidun.

JON ro Muawie 12:26

Hanyie gu shii nong pha yang arone gu iidoh shii luagieng bo, nyieliieshii gu khi hà um lei ne guro khiao de ji hà um ruii phro. Chiih-è hanyie è gu shii nong lei ne gu Aphuii è de aishii ilab rek phi.

Bliathek 1:20

Sthun siog shii zey ne um, “Yangne ai hò ne suloi rey dun phro; yangne ji pha hò shii ne hanyie de arai phi phro.” Chiih è, hì de zey ne um ro, Yangne bran gai è ai blia rek maphi phro.

Bliathek 20:28

Ji-è, nawaithek shii riigbthan ne rai iang bo, chiih-è, Ragung So è boh marui pha shiishai brog shii de wie riig ne rai iang bo. Hamangkhung-aphuii pha charch pha brogpho rek ne rai bo, ji ne awai ro ro, Ai è awai dufuii khlem ne iy yi pha è rab ne ruii ro.

Bliathek 9:13

Ananias è chang, “Ithong wo! Ji pha bran è Jerusalem pha naro branthek shii bajo diig phi phane branthek è gu shii yao jong ro.

Romanthek 1:1

Phaul è, Masi Isu ro khiao nane guaphasamoy gua chiih-è Hamangkhung-aphuii ro Mua Wie ji yua pha gua ne ho.

Romanthek 1:7

Chiih-è Rom hà nathek zab shii gu è zey hanyie shii Hamangkhung-aphuii è miie ne awai ro bran re yi pha ho: Hamangkhung-aphuii gethek Aphuii nane Ithong Isu Masi è nathek shii bushun nane liijiing phi bo.

1 Khorinthek 16:10

Thimothi yi nathek lumuii hà wuii ruii arone, nathek duchoi shii wie ho rone aishii than yi pha ho bo, nyieliieshii ai de gu duiine Ithong ro blia rek pha bran ro.

2 Khorinthek 1:1

Phaul è, Masi Isu ro guaphasamoy Hamangkhung-aphuii è yang, chiih-è gethek ro khuiino Thimothi re-è, Khorinth pha Hamangkhung-aphuii pha charch, chiih-è zab Akhaya pha Hamangkhung-aphuii pha branthek shii ro:

Galathithek 1:10

Gu è tharothamang è choi pha ji shii mua pha bidiang pha duiine bey? Khuchungde asi! Gu è nyie yang pha ji ne Hamangkhung-aphuii è choi pha ji ro! Gune bran rog shii boh rey yi pha bidiang ne bey? Gune thuh de ji rek pha bidiang bamuii arone, gune Masi ro khiao asi ro.

Galathithek 3:26

Hìne migi chiang è Isu Masi rog shii ò rek pha ji è nathek zab ne Hamangkhung-aphuii ro aniphiing rey ro.

Galathithek 3:28

Ji-è ichiih shii Jewthek nane Gaibranthek ne yo asi sha ro, chiih-è khiao nane ichad de, bufuii nane bimi de nathek zab ne Isu Masi rog shii ò pha ji è nathek ne jia bie ro.

Iphisithek 1:1

Phaul re-è, hanyie yi Hamangkhung-aphuii è yang pha Masi Isu ro guaphasamoy— Iphisus hà Hamangkhung-aphuii ro bran pha hanyie è ithek ro chai ne Isu Masi rog shii ò migi rek ro:

Iphisithek 1:15

Hì pha chiang, gu nyayoi dang ne nathek migi Ithong Isu shii um ne chiih-è nathek ro miie ne zab pha Hamangkhung-aphuii pha bran rog shii um pha ji,

Iphisithek 6:24

Hamangkhung-aphuii ro bushun ne zab hanyie è gathek Ithong Isu Masi rog pha miie ne khuchung de a-iy pha miie pho rog shii um bo.

Philiphithek 2:19

Hì yi Ithong è yang arone, gu ne luthong Thimothi shii khthiie gu ne nathek hà thoh mua, ji è gu ne nathek chiang pha mua è lububo rek.

Philiphithek 2:5

Nathek shii nyie ziig um pha ji ne Masi Isu shii um pha jia ji ro:

Philiphithek 3:12

Gu ne zab yang ge dinne zab khriig sha rone ayao ro. Gu ne nyie yi Isu Masi è awailum ne gu shii yangjong pha lasen ji yang pha bidiang ramuii ro.

Philiphithek 3:3

Hanyie è izai migiangkheg pha ji mua pha hì ne gethek ro, ithek asi ro, chiih-è gethek è airo Ragung è Hamangkhung-aphuii shii misiasia chiih-è gethek chai Masi Isu rog shii ò um pha ji shii sang ro. Gethek ne fuang pha migiangkheg pha ji shii ne migi arek ro.

Philiphithek 3:8

Jithek pha mana ji asi bie pha, nyie yi mana gunchid pha gu Ithong Masi Isu pha khani chiang è, gu ne zab ne adubo tham dun ro. Ai chiang è gu ne zab thoh muii; gu ne zab shii izea-ikho duiine now muii, nyieliieshii gu ne Masi shii yang mua

1 Thesalonithek 1:1

Phaul, Silas, nane Thimothi è, Thesalonikha charch pha bran shii, hanyie yi Aphuii Hamangkhung-aphuii nane Ithong Isu masi ro: Khirzey nane liijiing ne nathek ro ro.

1 Thesalonithek 2:2

Nathek ne thieg gathek ne Thesalonikha hà nathek shii awuii ba shii Philiphi hà gathek shii ne makhak-riing ne diigchiao reyjong ro. Chiih-è thiisa hàne bajo suang ne muna um magunde, gathek ro Hamangkhung-aphuii ai è thog pha Mua Wie ji nathek shii yua yi gathek shii lububo phi.

2 Thesalonithek 1:1

Phaul, Silas, nane Thimothi re-è, Hanyie yi Hamangkhung-aphuii gethek ro Aphuii nane Ithong Isu Masi ro Thesalonikha charch pha branthek shii:

2 Thesalonithek 1:10

ithek zab ne idang srobro pha lago shii diig ruii phro, chiih-è Ithong nane airo bohbiisiie pha miie è yoh yoh rek muii phro.

1 Thimothi 1:2

Thimothi shii, migi pha guro zai dufuii: Aphuii Hamangkhung-aphuii nane Masi Isu gathek ro Ithong re-è na shii ne bushun, nane liijiing phi ro.

1 Thimothi 3:8

Charch pha nongphothek ne ziig chiih-è isiie ne wie um chid; ithek ne phuii de aniing chiih-è bang de asgow chid;

Thaidas 1:1

Hamangkhung-aphuii ro khiao nane Isu Masi ro Guaphasamoy Phaul ro. Gu shii ne gua ne Hamangkhung-aphuii è gua pha bran ro migi shii nong phi ne ithek shii ne gathek ro migi pha Izai shii yua pha ji shii noh yi pha thoh ge,

Thaidas 1:7

Charch pha dukho nya rek dang ne Hamangkhung-aphuii ro blia pha ilkhi ro, ai ne athey phoh um chid. Ai ne wiangwe pho nane khthiie lijieg pho nane phuiithiig pho nane ichiigsow pho chiih-è bang giichak pho arey mua phro.

Philimon 1:1

Masi Isu chiang phatheg hà rai pha Phaul, chiih-è gethek khuiino Thimothi re-è. Gethek ijak nane gethek rog shii blia rek pha Philimon,

Hebriuthek 13:23

Gu ne nathek shii gethek khuiino Thimothi phatheg è khia ge pha ji shii ìd yi pha yang ro. Ai khthiie thog arone, aishii gurog noh srane nathek shii si pha wuii pha ro.

Jems 1:1

Hamangkhung-aphuii nane Ithong Isu Masi ro khiao Jems re-è: Zab pha Hamangkhung-aphuii ro bran sohjambling shii dayiingdayang rey dun pho shii salamthek yao ro.

1 Phithar 2:25

Nathek ne awaithek lumuii è san dun pha shiishai duiine ro, jishii thuh shii nathek ro Brogpho nane luruakthek shii Gayiig pha ji shii lua yi pha iidoh noh ro.

2 Phithar 1:1

Isu Masi ro khiao nane guaphasamoy, Simon Phithar re-è— Hanyie yi gathek ro Hamangkhung-aphuii nane Ragia Isu Masi pha rangsuathek ji è gathek ro igong migi duiine hanyie shii phi pha ji shii hìpha jigi phijong ro:

JUD ro Jigigam 1:1

Isu Masi ro khiao Jud, Jems ro khuiino re-è— Hamangkhung-aphuii è hanyie shii ho, chiih-è Aphuii Hamangkhung-aphuii ro miie nane Masi Isu ro ragia shii rai pho:

Dong 1:1

Hì pha jigigam ne Isu Masi è dong pha miyaothek ji sasab rek ne ruii. Khthiie nyie rey ramuii pha jine awai khiaothek shii doh yi pha Hamangkhung-aphuii hìpha dong aishii phi. Masi è hì thek pha manathek airo khiao Jon shii thieg yi pha airo hamangkhliie yi aishii thoh ge,

Dong 1:20

Hì ne na è guro phazoi wad shii doh pha miley dadiangthek nane san pha miley bunthruakthek pha ug pha miyaosiu ro: Miley dadiangthek ne miley charch pha hamangkhliiethek ro, chiih-è miley san bunthruak ne miley charch ro.

Dong 19:10

Gu ne aishii misiasia ai lai shii chiih, jishii ai è gu shii yao, “Ji arek rabo! gu de na rog shii khiao ro chiih-è gai migiphothek rog shii hanyie Isu è dong pha izai shii khoh muii pha rog shii khiao ro. Hamangkhung-aphuii shii misia bo!” Chiih-è ji pha izai Isu re-è dong pha jine chaigthek ro ragung ro.

Dong 2:12

Phergamum hà charch pha hamangkhliie shii zey: “Hì ne hanyie shii khamriie irey nyi um pha airo mua ro.”

Dong 2:8

“Smyrna charch pha hamangkhliie shii zey: “Hì pha mua ne hanyie yi igobi nane iidohè chiih-è hanyie iy ne dinne sieng din pha ji re-è ro.

Dong 22:9

Jimagunde ai è gu shii yao, “Ji arek rabo! Gu de na rog shii chiih-è naro khuiinothek chaigthek rog shii chiih-è zab hanyie è hìpha jigigamthek shii nuii pha rog shii ò khiao ro. Hamangkhung-aphuii shii misiasia bie bo!”