Methiu 6:10 - Iwo Surua Mua Wie Pha Bible

¹⁰ naro Sajathua ne thog yi bo; hamangkhung hà um pha naro yang ji ne ichiih sohnyiak shii de rey yi bo.

Methiu 6:10 Iomraidhean Croise

Methiu 12:50

Hanyie è hamangkhung hà um pha gu Aphuii è aishii nyie rek phi bo yang pha ji rek phi pho ne gu khuiinothek, gu bumuiithek chiih-è gu amuii ro.”

Methiu 16:28

“Gu è nathek shii izai yao dang phro, ichiih um pha giak branthek ne Bran Dufuii ji saja duiine wuii din ruii pha adoh sapho shii ne a-iy phro.”

Methiu 26:42

Isu ne din ne de wuii dinne sia, “Gu Aphuii wo! Diig pha gog hì ne gu è aniing sapho shii ne achiing mua phi arone nawai munow ji rek mage bo.”

Methiu 3:2

“Nawaithek layogthek re-è khid mage bo, ai è yao, nyieliieshii, hamangkhung pha Sajathua ne inui sha ro!”

Methiu 4:17

Jipha ishak è Isu awai mua ji jao ne yua: “Nawaithek layog re-è khed bo, nyieliieshii hamangkhung pha Sajathua ne inui sha ro!”

Methiu 7:21

“Hanyie è gu shii Ithong, Ithong, rone ho pho zabjia ne hamangkhung pha Sajathua hà akhud mua ruii phro, jimagunde hanyie è hamangkhung hà Aphuii è ithek shii nyie rek bo è yang pha ji rek pho è khud bie ruii phro.

Marg 11:10

Hamangkhung-aphuii è Aphuii saja Dawid aphuii pha Sajathua pha ji shii ne khirzey phi phro, Hamangkhung-aphuii na ne bajo wie ro!”

Marg 3:35

Gu amuiithek, gu khuiinothek chiih-è gu bumuii ne hanyiethek è Hamangkhung-aphuii è nyie chiid pha ji rek pho ji ro.”

LUG ro Muawie 19:11

Branthek yi nyanuii bamuii shii, Isu è athodang pha ji pha najang è dinne ithek shii yao. Ai yi Jerusalem hà thog sharuii, ithek è now shii Hamangkhung-aphuii pha Sajathua ji ne thog sha ruii ro.

LUG ro Muawie 19:38

“Hamangkhung-aphuii hanyie yi Ithong beng è wuii pho shii ne khirzey phi bo! Hamangkhung hà liijiing nane Hamangkhung-aphuii ro biisiie rey bo!”

LUG ro Muawie 22:42

Ai è yao, “Aphuii,” Na è yang arone hì pha diig gog ne gu è yie muii bo. Jishii gu miiyang è asi ro, na miiyang ji rey bo.

JON ro Muawie 4:34

Isu è aishii chang, “Gu michie ne ji ro,” hanyie è gu shii thoh ge pha airo miyao nuii ne lua, chiih-è ai è phi pha blia ji zab rek phi pha ji ro.

JON ro Muawie 6:40

Chiih-è gu Aphuii nyie now pha ji ne hì ro hanyie è Dufuii shii riig ne migi rek pho ne idang pha chai mua ruii phro. Chiih-è iidohhè pha inai shii gune aishii hòi ne sieng din yi pha ro.

JON ro Muawie 7:17

Ji-è hanyie maungde Hamangkhung-aphuii munow ji rek arone, hì pha miyao ne Hamangkhung-aphuii è yao bey ne asi pha gui lum ne yao bey ne ji thieg ruii phro.

Bliathek 13:22

Hamangkhung-aphuii è aishii thoh din srane Dawid shii saja rab din phi. Hì ne ai chiang è Hamangkhung-aphuii miyao: ‘Gune Jese pha dufuii Dawid ne gu è chid pha bran ji doh muii ro, gu è nyie rek bo ne phi pha ji rek phi pha bran jia ji ro.’

Bliathek 21:14

Gathek è aishii anyiu mua, ji-è, gathek ne agak pha sang yao din, “Yang ne hì ne Ithong pha munow ji rey yi bo.”

Bliathek 22:14

Ai è yao, ‘Gethek riing pha Hamangkhung-aphuii è na shii ai munow ji thieg bo ne gua jong ro, airo giang khiao ji thieg yi pha, chiih-è, aiwairo miyaogam ji yoi yi pha gua ne ruiijong ro.

Romanthek 12:2

Sohjambling pho duiine nawaishii arek rabo, jishii nawaithek ro khani yi zab lai arone Hamangkhung-aphuii è de nathek ro iliing pha de zab lai ruii phro. Nathek ne Hamangkhung-aphuii è nyie yang pha ji ne nyie wie chiih-è aishii ne sang ba chiih-è hì ne khriig ba ji nyathieg ruii phro.

Iphisithek 6:6

Nathek shii riig pha blia ji arek bie rabo, nyieliieshii nathek ne nathek nuii pha ji yang pha now phro. Jimagungde Masi pha khiao duiine Hamangkhung-aphuii è nyie yang pha ji ne nawaithek lubu è rek bo.

Kholosithek 1:13

Ai è gethek shii riichai igiia è ragia rek phi srane Sajathua pha awairo bushun Dufuii hà noh ne ragia rek phi,

Kholosithek 1:9

Chiih-è ji pha chiang è gathek ne nathek chiang yoi pha ji è yie ne idang nathek shii sia phi, gathek ne Hamangkhung-aphuii shii sia, nathek shii de airo Ragung phi pha awailum pha khani, gao nane khani ji zan phi bo.

1 Thesalonithek 4:3

Hamangkhung-aphuii ne nathek shii gang rey bo ne now ro chiih-è siulao è gang rey bo ne yang ro.

1 Thesalonithek 5:18

Isu Masi hà ne, Hamangkhung-aphuii ne nathek è hì chid pha ji ro, zab pha diig shii de sang shii de idang ishak shii laso phi bo.

Hebriuthek 1:14

Ji-anine, hamangkhliiethek ne nyie ga? Ithek ne ragungthek hanyie è Hamangkhung-aphuii ro blia rek chiih-è hanyie è giawo shii choi pho shii nong yi pha aishii thoh ge.

Hebriuthek 10:36

Hamangkhung-aphuii è yang pha ji shii blia rek pha nane chiih-è ai è nyie sbang rek pha ji shii choi pha Na ne jum rek bo.

Hebriuthek 10:7

Chiihphado gu ne yao, Hamangkhung-aphuii Wo, Iphey pha jigi shii gu shii zey pha duiine ro, nathek è yang pha ji rek pha ‘Gune ichiih um ro.’”

1 Phithar 2:15

Chiih-è Hamangkhung-aphuii è nathek shii ne nathek è wie rek pha ji è bi-ìephiing ro thaluii pha miyao shii aro yi pha rek yang ro.

1 Phithar 4:2

Chiihphado thuh è, nathek ro sohnyiak shii sieng pha gai jine tharothamang è chidthek shii asi pha Hamangkhung-aphuii è yang pha ji è phrai bo.

Dong 11:15

Chiihphado mileychiieng pha hamangkhliie re-è awairo thu-ung thud mage, chiih-è thiihchiih ne hamangkhung hà boh goh, è yao, “sohkhung shii khoh pha blu ne thuh gathek ro Ithong nane Masaiya airo rey dun ro, chiih-è ai ne idang nane idang khoh ruii phro!”

Dong 12:10

Chiihphado hamangkhung re-è gang goh yao pha gu è yoi, “Thuh shii Hamangkhung-aphuii ro giawo ne wuiithok sha ro! Thuh shii Hamangkhung-aphuii è awai blu re-è Saja rone doh yi ro! Thuh airo Masaiya re-è ne airo riichai doh yi ro! Chiih-è hanyie jia yi gethek ro Hamangkhung-aphuii ibi shii riu ne gethek ro migiphothek shii inai nane habiu nin pho shii ne hamangkhung re-è fuang hà fen muii ro.

Dong 19:6

Chiihphado gu è nyie yi iphiing re-è roh pha duiine, hakhliing chiie pha duiine chiih-è khasuang duiine khriie ro. Gu è ithek yao pha yoi, “Hamangkhung-aphuii shii chiong bo! Chiih-è Ithong, gethek ro Bohblu Hamangkhung-aphuii, ne Saja ro!

Dong 20:4

Chiihphado gu è biangthek shii doh, chiih-è thiisa hà dugpho ithek shii ne chua pha blu phijong ro. Gu è ithek shii Isu dong pha izai nane Hamangkhung-aphuii ro miyaogam ji yao pha chiang re-è hanyie ua muii pha ithek ro luruakthek shii gu è doh ro. Ithek ne buii ibeymuthung chiih-è ji pha jangbang shii misiasia asia ro, chiih-è awaithek khuwuangthek nane awaithek ro wadthek shii buii ibeymuthung cheb de arek ro. Ithek ne isieng rey ne Isu rog shii itham jia idamthek sajathek khoh ruii phro.