Methiu 5:23 - Iwo Surua Mua Wie Pha Bible

²³ Ji-è khuchung magunde nathek è Hamangkhung-aphuii sraibao shii lasen zid pha rek ramuii shii nathek ikhuii shii nyie shuang um bamuii rone nowkhlei arone,

Methiu 5:23 Iomraidhean Croise

Methiu 23:19

Nathek ne khama pha miegthi pho ga? Khi pha muna yi bajo chid pha muna ga? Sraibao shii zid pha lasen ba bey? Asi pha yi lasen shii so rab pha sraibao ji bey?

Methiu 5:24

nawaithek ro lasen ji yi thiichiih sraibao ibi shii ruii srane, khthiie wuii ne nawaithek ikhuii rog shii liijiing rek bi rai bo, chiih-è chiihphado idoh wuii ne nathek ro lasen ji Hamangkhung-aphuii shii phi bo.

Methiu 8:4

Chiihphado Isu aishii yao, “Yoi bo! Hanyie shii de ayao rabo, jimagunde miang phabi hà wuii srane aishii riig yi bo, chiihphado na wie rey ge rone zab shii khagi rek ne, Moses muyung pha khlem ji zid phi bo.”

Marg 11:25

Nathek jai srane Hamangkhung-aphuii shii sia pha saro arone, misia sia pha ishak shii nathek shii hanyie magunde gidieg rek ne de aishii khung phi bi bo, chiihphado nathek ro asi pha blia rek pha ji de Hamangkhung-aphuii è khung phi phro.

LUG ro Muawie 19:8

Zakhaeus è riu srane Ithong shii yao, “Yoi bo, Masdo! Gu shii nyie um pha ji ne khoyo yie srane gu dushothek shii phi muii pha ro, chiih-è gu hanyie shii magunde nyie khlam ne yie magunde gu iidoh wirang rek ne rang din pha ro.”