Methiu 5:22 - Iwo Surua Mua Wie Pha Bible

²² Jishii thuh gu è nathek shii yao: Nathek è nawaithek khuiino shii lijieg noh arone chai ruii phro, nathek è nawaithek khuiino shii adunmey ro è yao arone!’ Limiang moe hà noh ruii phro, chiih-è nathek è nawaithek khuiino shii gun-achid pha bran bi-ìe rone yao arone ithek shii de thumuluii pha bai hà dun pha buii ro.

Methiu 5:22 Iomraidhean Croise

Methiu 10:17

Riig bthan bo. Hanyie è nathek shii zum ne limiang moe hà noh dun ne chiih-è nathek shii ne misiahòthek hà chia ruii phro.

Methiu 10:28

Hanyie è siu shii ua ne jimagunde ragung shii a-ua mua pho shii arum rabo; ji pha chiang shii, Hamangkhung-aphuii shii rum bo, hanyie ne siu nane ragung shii thumuluii hà mua maphi phro.

Methiu 12:24

Pharisithek è ji yoi mage shii, ithek è chang, “Ai è ibuiithek shii khia bie phi, nyieliieshii ithek ro bohkhoh pha Sakhathong è aishii blu phi ro.”

Methiu 17:5

Ai è yao ramuii shii khliengchuang pha sakhamiing è ithek shii thab ne jiangdun, chiih-è ji pha sakhamiing è goh jia è yao ruii, “Hì ne guro bushun pha Dufuii ro, aishii ne gu bajo sang muii ro, ai miyao yoi bo!”

Methiu 18:21

Chiihphado Phithar Isu shii wuii srane sai, “Ithong wo!” Gu ikhuii è athodang pha gu shii layog rek muii arone, gu ne aishii khama chiieng khung phi chid phiiga? Milechiieng khung phi habey?

Methiu 18:35

Isu è yao ched, “Ji duiine ithek è nawaithek khuiino shii lubu akhung phi arone Hamangkhung hà um pha gu Aphuii de, ji duiine ithek shii khuiino ruii phro.”

Methiu 23:15

Iphey yua pha masdothek nane Pharisithek! Lawasdai nathek! Nathek shii khama buii thog ruii phro! Nathek è jia shii yang ne noh pha, khamuiithek hiìa ne zab pha thiigthek hà wuii phro, chiih-è nathek è ji rek mua dun nede, nawai è ji pha bran shii nawaithek rog shii thumuluii hà dun sbo dinne de nyichiieng rek yi ro.

Methiu 23:33

Nathek phamthek nane phamthek pha anithek wo! Nathek ne thumuluii dun yi pha nin pha ji è khi-èrek ne yo mua pha luthong phlei?

Methiu 25:41

Chiihphado ai è awai phawig pha bran shii yao ruii, gu è dun dun bo, ithek zab ne Hamangkhung-aphuii ro thamiie pha iliing shii ro! Ibuii nane airo hamangkhliie shii saro pha idang pha bai shii fen muii phro!

Methiu 26:59

Boh Phabithek nane zab pha limiangthek è Isu shii nin ne ua muii pha lumuii so;

Methiu 3:17

Chiihphado gow yi hamangkhung re-è yao, “Hì ne guro bushun Dufuii ro, hanyie shii gu è nyu pha ji ro.”

Methiu 5:34

Jishii thuh gu è nathek shii yao: Nathek è sbang rek shii surua athak rabo. Hamangkhung pha de surua athak rabo, nyieliieshii jine Hamangkhung-aphuii ro biang ro;

Methiu 5:44

Jishii gu nathek shii yao: nawaithek ro shuangthek shii miie srane nathek shii hanyie è diigkhui pho shii sia bo,

Marg 14:55

Boh phabithek chiih-è zab limiangthek è Isu shii ua pha ichiig khagi sow shii, jishii ithek ne nyie de adoh mua ro.

Marg 15:1

Hamiang riang shii boh Phabithek è thiig pha dukhothek chiih-è Iphey yua pha masdothek chiih-è zab limiangthek ne khthiie si srane phak rai. Ithek è Isu shii shiirnai è zoi srane Philathus moe hà noh ne, ai wad shii phi muii phro.

LUG ro Muawie 12:5

Gu nathek shii riig yi hanyie shii rum chid: ua pha idoh, hanyie, shii thumluii hà fen pha blu um pha, Hamangkhung-aphuii shii rum bo. Gu shii migi now bo, nathek rum chid pha ne ai jia ro!

LUG ro Muawie 22:66

Hamiang rey mage shii, dukhothek, boh phabithek nane Iphey yua pha masdothek ò si, chiih-è Isu shii limiang moe hà noh.

JON ro Muawie 11:47

Ji-è Pharisithek nane boh phabithek laimiang shii si srane yao, “Gathek nyie khi-èrek sha pha lei? Riig mage bo hì pha bajo buangthek pha blia hì pha bran mirek ro!

JON ro Muawie 15:25

Hì ne nyie um rey pha ne Iphey shii nyie zey ne um pha ji ne zab izai rey pha ji rek ro: Jimagungde ithek è gu shii khiijai pha ne nyie ichiig de oi ro.

JON ro Muawie 7:20

“Na shii ne ibuii um ara!” Bran brog è aishii chang, nathek shii ne ua pha hanyie mirek lei?

JON ro Muawie 8:48

Ithek è Isu shii sai, “Na ne Samarithan rone chiih-è na shii ne ibuii um rone gathek shii yao pha rangsua oi bey?”

Bliathek 17:18

Ephikhurean nane Sthoikh pha masdothek de ai rog shii khnaing noh. Thiichiih um pha bran giak è de aishii sai, “Bi-iy hì nyie arey pha yao ne doh yi pha bidiang phlei?” Gaithek è de chang din, “Ai ne gai thiigpho pha hamangkhung-aphuii chiang yao ramuii pha duiine ro.” Ithek è ji yao phane nyieliieshii, Phaul è Isu nane Isu hòi pha miyao ji yao mage ne yao dun ro.

Bliathek 22:30

Jewthek ne nyie chiang è Phaul shii buii nin pha ji thieg yi pha ji pha yungpho boh è ji pha thimiang duiine è rey mage shii, shiirnai sey srane noh dun, phabi khothek nane limiangthek shii maley dug yi pha yung. Ji è rek srane ai è Phaul shii ithek ibi shii riu ba yi.

Bliathek 23:1

Phaul è limiangthek shii wie riig srane yao, “Gu ijak Israelpho wo! Gune sudoh thog dang pha Hamangkhung-aphuii shii so now ne rai.”

Bliathek 24:20

Gu è limiang moe shii riu mage shii nyie suruii blia rek ne biwo doh dun lei ne ichiih pha bran shii de yao yi bo—

Bliathek 4:15

Ji-è, ithek è isa shii ji pha limiang ùgud thoh ne fuang wuii ge srane awaithek chung phak ne sai rai,

Bliathek 5:21

Guaphasamoythek de ji nuii ne dun dun. Chiih è, hamiang hanai chiu shii, Misiahò hà wuii srane yua din. Kho Phabi nane ai ijakthek è Jewish pha dukhothek shii limiang jung yi pha ho ne maley rek. Maley rek ched ne ithek è ji pha phatheg bucho shii chab pha guaphasamoythek shii ithek moe shii noh mage bo ne yung ne thoh ge.

Bliathek 5:27

Ithek è guaphasamoythek shii bucho hà noh srane limiang moe shii riu ba yi, chiih-è, Kho Phabi è ithek shii sai,

Bliathek 6:12

Ji è rek ne ithek è branthek shii, thiig pha dukhothek shii, chiih-è, Iphey yua pho shii bajo hòi ne lijieg ba yi, ji-è, ithek ne Sthephen shii zum srane limiang moe shii noh thog dun.

Bliathek 6:15

Limiang moe shii dug pha branthek pha mieg ne Sthephen shii athodang pha isiie riig mage shii ai mizia ne hamangkhliie pha mizia duiine doh dun.

Bliathek 7:37

Moses ne ji pha bran ro, hanyie è Israel pho shii yao, ‘Gu shii khi-è rek ne thoh pha duiine Hamangkhung-aphuii è chaig phuii jia thoh ruii phro, ai ne nawaithek haliing pha bran phro.’

Romanthek 12:10

Masipho khuiinothek nawaithek chung lua è miie rai bo, chiih-è nawaithek chung shii ilab phi rai pha yang bo.

1 Khorinthek 6:10

dinne hanyie mugo dinne giichak dinne phuiithiig pho hanyie è gai shii khlam dinne mugopho jithek ne Hamangkhung-aphuii ro Sajathua shii akhud mua phro.

1 Khorinthek 6:6

Ji phachiang shii, Masipho jia chua ò hà wuii ne gairo suang rek srane migi-arekphothek shii maley chua yi!

1 Thesalonithek 4:6

Hì pha miyao è, chiihphado bran ne awai khuiinothek Masiphothek shii ichiig arek rabo dinne ai è phua ayie rabo. Gathek è hì ne igobi yaojong ro, chiih-è gathek ne chiih-è nathek shii gang phriie hanyie è hì rek pho shii ne Ithong è lago phi ruii phro.

Thaidas 3:2

Hanyie shii de buii ayao yi rabo, jishii liijiing nane zab rog dung ne rai bo, chiih-è zab shii idang ziig mieng è doh yi bo.

Hebriuthek 12:25

Wie gayiig bo, chiihphado, hanyie è yao ji shii yoi pha asnai rabo. Hanyie è sohnyiak shii so mua yao pha ji ayoi rone ayao mua ro. Chiihphado, gethek ne hamangkhung è yao pha ji è khiddun arone gethek yoh pha lumuii ne bajo ìu ro!

Hebriuthek 5:9

Ai ne khriig rab magey shii ai ne hanyie è aishii nuiipho ro idang pha giawo pha ithua rey,

Jems 2:20

Nathek bi-ìe! Nathek ne blia arek pha migi rek pha ji adunmey rone doh yi pha yang bey?

Jems 3:6

Chiih-è ri de bai duiine ro. Hì ne ley ichiig gethek ro zab siu hà gang chiih-è gethek ro zab chai re-è zab awie pha shiie yi ro. Hì ne thumluii è thog ruii pha bai duiine gethek sieng pha chai shii ziao muii ro.

1 Phithar 2:23

Aishii magak-riing mage shii, ai è magak-riing rog shii achang; ai diig mage shii, ai è akhui ro, jishii airo luthongthek ne giang Chua pha Hamangkhung-aphuii shii ruii.

1 Phithar 3:9

Awie pha ji shii awie pha iidoh aphi rabo, chiih-è thamai pha ji shii iidoh athamai rabo; ji pha chiang shii khirzey phi bo, nyieliieshii ai è nathek shii ho mage shii Hamangkhung-aphuii è khirzey phi pha rone sbang rek pha jine hì ro.

1 Jon 2:9

Gethek ne muchuang shii rone yao srane khuiino nane bumuii shii khiijai ba arone gethek ne thuh de igiia hà ba ro.

1 Jon 3:10

Ichiih ne Hamangkhung-aphuii nane sakhathong aniphiing duchoi shii ne sang è yoh-yoh um ro: hanyie è izai shii arek chiih-è gaithek shii amiie, ithek ne Hamangkhung-aphuii ro aniphiing asi ro.

1 Jon 5:16

Nathek è migipho shii layog rek pha nane iy pha ji anow pha layog rek pha doh arone, nathek ne Hamangkhung-aphuii shii sia chid, hanyie è ji pha bran shii chai phi. Hì pha miyao ne ithek ro hanyie layog yi iy thog pha anoh. Jishii layog è ne iy pha jiha noh pha de um ro, chiih-è gu ne nathek shii ji pha chiang shii Hamangkhung-aphuii shii sia bone ayao ro.

JUD ro Jigigam 1:9

Hamangkhliie Michael è de hì arek ro. Michael nane Ibuii Moses ro siu shii hanyie yi phlei ne gui ramuii shii, Michael yi ibuii shii the pha lububo arek muii, “Ithong ne na shii giung rone yao!”

Dong 20:14

Chiihphado iy-iy nane iy-iy pha sohjambling shii ne bai khabang hà fen muii. (Hì pha bai khabang ne dinpha iy-iy ji ro.)