Methiu 26:18 - Iwo Surua Mua Wie Pha Bible

¹⁸ “Ai è ithek shii yao, Jipha rajan hà bran jia shii wuii” srane “aishii yao mage bo: masdo è yao ramuii ro; guro ishak ne thog sha ro; gu nane guro samoythek è Hiìadun pha ji ne na hò shii sai pha ro.”

Methiu 26:18 Iomraidhean Croise

Methiu 21:3

Chiih-è hanyie è nyie yao ruii arone, aishii yao bo, ‘Masdo è chiid muii ro’; chiih-è chiihphado ai è nasa shii bambao jithek jog phi ne thoh ge phro.”

Methiu 23:10

Chiih-è, nawaithek chung dumuii de aho rabo, nyieliieshii, ithek ne ò bie ro, chiih-è, nathek pha dumuii ne Masi bie ro.

Methiu 23:8

Nawaithek chung ne Masdo Nyieliieshii ithek ne khuiinothek ro chiih-è ithek masdo ne jia bie ro.

Methiu 26:19

Samoythek è Isu è khi è yao pha ji rek ne Hiìadun pha michie sai pha saro phi.

Methiu 26:2

Nathek ne thieg, “Danyi pha idoh shii, ne Hiìadun pha idoh ro, chiih-è, Bran Dufuii shii bai shii zun pha phi muii phro.”

Methiu 26:49

Judas è Isu shii miang wuii srane, Masdo! Na rog shii “liijiing um bo è yao srane aishii khichiug phi.”

Marg 5:35

Isu è jithek pha miyao yao ramuii shii, Jairuis hò è muaphothek wuii thog srane Jairus shii yao, “Na dimi ne iy jong dun ro, nyie rek ne Masdo shii nyama diig phi phlei?”

LUG ro Muawie 22:53

Gu ne idang nathek rog Misiahò shii rai, jishii nathek è gu shii zum pha abidiang. Igiia pha blu è bokho mage shii, jishii nathek ishak ne hì bey?

JON ro Muawie 11:28

Martha è ji yao ched pha iidoh shii, iidoh wuii ne ai ikhuii Mery shii de ug ne ho srane yao, “Masdo ne ichiih shii um ro,” “Chiih-è ai è na shii sai ramuii ro.”

JON ro Muawie 12:23

Isu è isa shii chang, “Bran dufuii ne boh biisiie mua pha ishak ne thog sha ro.

JON ro Muawie 13:1

Hiìadun Sai pha inai ibi shii, Isu ne thieg ai ne sohjambling shii thoh marui srane Aphuii shii dun pha ishak rey sha. Ai è awairo sohjambling pha bran shii ne idang miie rek, chiih-è ai ne iidohhè thog magungde ithek shii bajo miie rek.

JON ro Muawie 17:1

Chiihphado Isu ji yao ched shii, ai Hamangkhung hà riig srane yao, “Aphuii ishak ne thog sha, na dufuii shii biisiie ji phi sha bo, ji arone Dufuii de na shii biisiie ji phi mua.”

JON ro Muawie 20:16

Isu è hò-amuii ji shii yao, “Mery!” Ai è aishii rei srane Hebriu nyuak è yao, “Robboni” (Hì è yao pha ji ne “Masdo” ro è yao).

JON ro Muawie 7:30

Chiihphado ai yao ramuii pha ishak shii ai è aishii zum pha rek, jimagungde ai hanyie è de aishii azum, nyieliieshii airo ishak ne arey ba.

JON ro Muawie 7:6

Isu è aishii yao, “Guro isbang ishak ne thuh de athog ba ro. Nyie ishak magunde nathek rone rangsua ro.

JON ro Muawie 7:8

Na ne ji pha Sai pha ji shii wuii bo. Gune ji pha Sai pha ji shii awuii ro, nyieliieshii guro rangsua ishak ne athog ba ro.”