Methiu 26:14 - Iwo Surua Mua Wie Pha Bible

¹⁴ Chiihphado Samoy snanyi è jia—Judas Iskharioth beng phaji yi boh phabithek shii wuii ne sai,

Methiu 26:14 Iomraidhean Croise

Methiu 10:4

Soh shii miie pha Simon nane Isu shii zum yi pha Judas Iskharioth ithek ro.

Methiu 26:25

Zum yi, pha Judas è yao ruii. “Zai Masdo, ji ne gu shii yao pha asi bey?” Ai è sai. Isu è chang, “Nawai è yaodun ro.”

Methiu 26:47

Isu ji è yao ramuii shii samoy snanyi shii um pha Judas thiichiih wuii thog. Ai rog shii boh phabithek nane dukhothek mutho pha bran ibrog ne migiang rog khamriie nane muchangthek han ne wuii thog.

Methiu 27:3

Zum yi pha Judas è Isu shii nin muii pha yoi mage shii, lubukhid ne liiman sikhithek sa-uom ji idoh yie srane boh phabithek nane dukhothek shii phi muii.

JON ro Muawie 12:4

Isu ro samoy è jia, aishii zum pha rek muii pha Judas Iskharioth ji è yao,

JON ro Muawie 13:2

Isu nane airo samoy yi michie ji hà um shii, Isu shii zum pha now pha ji ne ibuii è khuchung mujo Simon Iskharioth ro dufuii Judas lubu iliing hà khudjong.

JON ro Muawie 13:26

Isu è chang, “Gu è iweb ji shii jo srane hanyie shii phi ruii, ji pha bran ne airo.” Ai è iweb khuyo ji yie ne, jo srane, Simon Iskharioth ro dufuii Judas shii phi.

JON ro Muawie 13:30

Judas è iweb ji choi srane khthiie fuang hà wuii dun, ji ne habiu shii ro.

JON ro Muawie 18:2

Judas, zum pha, de thieg ji pha ithua khi hà, nyieliieshii Isu ne idang ishak thiisa hà awai samoythek shii si.

Bliathek 1:16

“Gu ijakthek wo,” Ai è yao, “Jigigam shii nyie zey pha ji ne izai rey ruii phro, nyieliieshii Dawid Saja shii Ragung So è Isu shii zum yi pha Judas chiang chaig ne zey, ne ruii pha ji ne izai reyjong ro.

Bliathek 1:18

Bang rog shii Judas ne awie pha blia rek ne raig pheg ne ruii. Ji pha raig shii awai zun ne iy dun srane iy pha siu de zab shongphleg ne chiih dun.