Methiu 21:44 - Iwo Surua Mua Wie Pha Bible

⁴⁴ Hanyie è ji pha lubao lakhung shii chiih arone, ji pha lubao è aishii ne dum dum khiia thiak dun phro; chiih-è, hanyie lakhung shii ji pha lubao chiih ruii nede, ji pha bran ne lubao ji è doh ne nyiak phlab rey dun phro.

Methiu 21:44 Iomraidhean Croise

Methiu 21:43

Isu è yao din, “Ji-è, gune nathek shii yao phro,” “Hamangkhung-aphuii ro Sajathua ne nathek è riao srane hanyie bran è iwoithek wie woi pha ji shii phi muii phro.”

Methiu 21:45

Boh phabithek nane Pharisithek ne Isu è najangthek yao pha ji ne ithek chiang yao phrone thieg dun.

Methiu 26:24

Jigigam shii yao pha duiine Bran Dufuii ne iy dun phro, Jishii, Bran dufuii shii zum yi pha bran ji shii ne khama buii thog ruii phro! Jipha bran ne agiak liag arone wie liag phro!”

Methiu 27:25

Zab ibrog è chang, “Ai iy pha gaja gathek nane gathek pha aniphiing shii chiih yi bo!”

LUG ro Muawie 2:34

Ji è rek magunde Simeon è ithek shii khirzey phi ne, ai amuii, Mery shii yao, “Hì pha arone Hamangkhung-aphuii è Israel phothek buii rek pha nane giawo rek phi pha guajong ro. Ai ne Hamangkhung-aphuii è cheb jia mua mage ne bajo branthek è aishii gidieg rek ruii phro.

LUG ro Muawie 20:18

Hanyie magunde ji pha lubao lakhung shii chiih arone ismed rey dun phro; chiih-è ji pha lubao è hanyie lakhung shii chiih magunde, aishii ihab rey dang pha chao dun phro.”

JON ro Muawie 19:11

Isu è chang, “Na è gu lakhung shii riichai rek pha ji ne nyieliieshii Hamangkhung-aphuii è na shii phi. Ji-è bran hanyie è gu shii na wad shii phi muii pha ji ne awie pha layog ichiig shii phi muii.”

Romanthek 9:33

Jigigam shii yao: “Riigbo, gu Zion shii lubao ruii pha ro jine branthek shii kham yi pha ro, ji pha sak ne ithek shii chiih yi pha rab phro. Jishii hanyie magunde aishii migi rek arone aishii ne azo yi phro.”

1 Thesalonithek 2:16

Ithek ne mua è giawo yie pha gaibranthek shii yua pha ji shii rangde gathek shii gak pha bidiang. Ji duiine ithek è idang rek pha layogthek shii jongdang pha rek ro. Chiih-è thuh Hamangkhung-aphuii ro lijieg ne iidohè ithek shii thog ruii phro.

1 Phithar 2:8

Chiih-è gai jigigam shii yao, “Hì pha lubao ne bran shii kham yi, chiih-è lubaoboh shii ne ithek shii chiih yi pha ro.” Ithek ne kham dun nyieliieshii ithek ne miyaogam shii migi arek ro; hìne zai Hamangkhung-aphuii è ithek ro yang pha ji ro.