Methiu 2:23 - Iwo Surua Mua Wie Pha Bible

²³ Chiih-è Nazareth beng pha thawun shii hò rung ne raidun. Ji ne chaigthek è khi-èrek ne yao marui pha ji izai rey dun ro: “Ai ne Nazareth pho rone ho ruii phro.”

Methiu 2:23 Iomraidhean Croise

Methiu 1:22

Thuh hìthek rey ruii pha ji è Ithong è awai chaigthek è khi-èrek ne yao yi pha jithek zab rey sharuii pha ji ro.

Methiu 21:11

“Hì ne Galili pha Nazareth chaig Isu ji ro!” Bran ibrog è chang.

Methiu 26:71

chiih-è, ji pha sibiang shii khud muii pha ji è fuang khiadun. Gai khiaomuii è de aishii doh mage shii thiichiih um pha branthek shii yao, “Ai de Nazareth pha Isu rog shii um pha ji ro.”

Marg 1:24

“Na ne gu rog shii nyie blia um lei? Nazareth pha Isu, na ne gu shii diig phi pha wuii ne bey? Na ne hanyie lei? Ji gune thieg muii ro, nane Hamangkhung-aphuii pha So muapho ro.”

Marg 1:9

Achia dang pha idoh shii, Isu ne Nazareth beng pha ithua è Galili thiig hà wuii thog srane Jordan kho shii Jon wad re-è khowo yi.

LUG ro Muawie 1:26

Elezabeth yi ani wiig ne habie riig rey shii Hamangkhung-aphuii è hamangkhliie Gabyiel shii Galili pha bajarai hà Nazareth beng pha ithua hà thoh ge ro.

LUG ro Muawie 18:37

Ithek è aishii yao, “Nazareth pha Isu rek ramuii ro.”

LUG ro Muawie 2:39

Ithong pha Iphey shii nyie khi-èrek chid pha ji duiine rek ched marui srane, ithek idoh Galili pha Nazareth awairo thawun awaithek hò shii thog ro.

JON ro Muawie 18:5

Ithek è chang, “Nazareth pha Isu shii sow phro. Ai è yao, ji ne gu ro.” Judas, zum yi muii pha, de ithek rog shii riu ne um.

JON ro Muawie 18:7

Jishii Isu dinne ithek shii sai, “Nathek è sow muii pha ji ne hanyie lei?” “Nazareth pha Isu shii sow phro,” Ithek è yao.

JON ro Muawie 19:19

“Philath è zey srane ai zun pha bai shii miak phi.” Jewthek pha Saja, Nazareth pha “Isu,”

Bliathek 2:22

Hì pha miyaogamthek yoi mage bo, gu ijak Israelith pho wo! Nazareth pha Isu ne riichai so um pha bran rone doh pha ne Hamangkhung-aphuii è buangthek nane anomuluii pha bliathek rek pha è doh dun ro. Hìthek rey pha ne nawaithek duchoi shii rey pha ji è nawaithek de thiegjong.

Bliathek 24:5

Gathek è hì pha bran ne bajo buii bran rone doh muii ro; ai è zab sohjambling pha Jewthek shii awaithek chung gui rai yi ro; ai ne Nazarene pho pha dumuii ro.