Methiu 15:11 - Iwo Surua Mua Wie Pha Bible

¹¹ Bran sem è bucho dun pha ji ne bran shii zea arab ro; “ji pha chiang shii nyie fuang khia pha ji è aishii zea rab ruii phro.”

Methiu 15:11 Iomraidhean Croise

Methiu 15:10

Chiihphado Isu è ibrogthek shii ho srane ithek shii yao, “Yoi ne gua bo!”

Methiu 15:12

Chiihphado samoythek è aishii wuii srane yao, “Pharisithek è de na miyao ji yoi ne lubu hà lijieg dun pha ji nawai de thieg chak bey?”

Marg 7:15

Nyie magunde, fuang è bucho dun phane Iphey shii zea azen ro. Zia rab phane bucho è fuang khia ruii pha ji è zea rab ruii phro. [

Romanthek 14:14

Gune Ithong rog shii ò pha ji è Isu è gu shii izai rab phi, nyie michie magungde zea asi ro; jishii branthek è michie yi zea rone migi rek arone, chiihphado jine aishii zea rey dun phro.

Romanthek 14:17

Hamangkhung-aphuii ro zab boh riichai jine chie niing pha miyao asi ro, jishii Ragung So è phi pha giang, liijiing, chiih-è lised ji ro.

Romanthek 14:20

Nyieliieshii michie è, Hamangkhung-aphuii nyie rek pha ji shii srobro arek rabo. Michie ne zab chie bo, jishii giak shii diig phi ne kham yi srane layog hà chiih yi pha ji ne nyie michie magungde awie ro.

1 Thimothi 4:3

Jithek pha branthek yua yiygey nane ji pha giak michiethek chie phane ichiig ro. Jishii Hamangkhung-aphuii è jithek pha michie ne hanyie yi migiphothek nane izai shii thiegpho ne lasothek misia pha iidoh ne chie pha rab phi ro.

Thaidas 1:15

Hanyie ne awai è awaishii igang lei ne zab awai shii igang ro; jishii hanyie yi zia nane migi arekpho, ithek ro khani nane siuthek ne zab zia ro.

Hebriuthek 13:9

Izai lumuii ji è nathek ne zab athieg pha muyua pha jihà adun yi rabo. Hì ne hanyie shii hìpha nuii pha ji è khoh ne ithek è anong pha michie chiang shii khoh nuii pha ji shii ne Hamangkhung-aphuii bushun è iliing pha chua shii choi pha ji wie ro.

2 Phithar 2:18

Ithek ne wiangwe nane bi-ìe miyaothek yao, chiih-è hanyie yi awie bsa hà rai pha ji è yo pha jao ramuii pha branthek shii awie pha siu pha ji chid pha ji shii bohkhoh ne ubong shii phang muii ro.