Methiu 10:1 - Iwo Surua Mua Wie Pha Bible

¹ Isu è awai samoy snanyi shii ò ho srane ibuii ragungthek khia pha nane ichua miiriie nane radthek shii gang phi pha riichai phi.

Methiu 10:1 Iomraidhean Croise

Methiu 19:28

Isu è ithek shii yao, “Gu ne nathek shii izai yao Bran Dufuii ji è ishak iwo shii saja biang hà dug mage shii, Israel pha iiriing snanyi shii bohkhoh pha guro samoythek snanyi ithek ne bukho biang shii dug ruii phro.”

Methiu 26:20

Habjuang rey mage shii, Isu nane Samoy snanyi ne chie pha dug.

Methiu 26:47

Isu ji è yao ramuii shii samoy snanyi shii um pha Judas thiichiih wuii thog. Ai rog shii boh phabithek nane dukhothek mutho pha bran ibrog ne migiang rog khamriie nane muchangthek han ne wuii thog.

Methiu 4:23

Isu è zab pha Galili hà wuii ne, Jewish misiahòthek shii yua, Sajathua pha chiang re-è Mua Wie ji yao, ne hanyie shii miiriie nane radthek um pha bran shii gang rek phi.

Methiu 6:13

Gathek shii buii achai yi rabo, chiih-è, gathek shii Awie Jia è ragia rek phi bo.>

Methiu 9:35

Isu è thawunthek nane thiigthek hà shan ne lua. Ai è Jewthek misiahòthek shii wuii ne yua, Sajathua chiang pha Mua Wie ji yua, chiih-è, miiriie nane radthek pha branthek shii gang phi.

Methiu 9:38

Ji è yamiing pha blia pho shii thoh ruii pha. “Yamiing pha muspho shii sia mage bo.”

LUG ro Muawie 10:19

Yoi mage bo, gu è nathek shii riichai phi ro, ji è ithek phamthek, nane ragungphiethek lakhung shii de nyalua mua phro, chiih-è shuang pha bluthek è de nyayang mua phro, chiih-è ithek shii nyie è achun phro.

LUG ro Muawie 21:15

nyieliieshii gu naro mak phothek è achang mua dang pha miyaogamthek nane khani phi ruii phro.

LUG ro Muawie 24:49

Chiih-è gu aphuii è gu shii nyie sbang rek pha ji ne gu nathek shii thohge phro. Jishii lakhung è thazam nathek lakhung shii blu athog sapho shii ne rajan shii khan bo.”

LUG ro Muawie 6:13

Hanai rey mage shii ai è awai samoythek shii awai moe hà ho srane snanyi shii gua, ai è ithek shii guaphasamoythek ro è beng ne ruii:

JON ro Muawie 17:2

Na è aishii zab pha bran lakhung shii riichaithek phi, jiè ai ne idang pha chai aishii phi pha nathek zab shii phi mua.

JON ro Muawie 3:27

Jon è chang, Hamangkhung-aphuii è aphi sapho shii ne hanyie shii magungde nyie de oi phro.

JON ro Muawie 3:35

Aphuii è awai Dufuii shii bajo miie rek jiè zab airo blu shii phi muii.

JON ro Muawie 6:70

Isu è aishii chang, “Gu nathek suanyi shii agua bey? Jimagunde ithek è bran jia ne ibuii ro!”

Bliathek 1:8

Jimagunde, khuchung shii nathek è Ragung So mua ruii arone nathek ne blu um ne gu shii izai rone yao pha Jerusalem shii, Judea pho shii nane Samaria pho shii, chiih è zab pha sohnyiak pho shii khagi rek ruii phro.”

Bliathek 19:15

Jishii, ibuii ragung è ithek shii yao din, “Gu de Isu shii thieg muii ro, chiih-è Phaul shii de thieg muii ro; jishii, nathek ne hanyie ga?”

Dong 12:1

Chiihphado hamang hà boh nane bajoboh cheb agao mua pha jia doh. Thiisa hàne hò-amuii, hanyie yi hasiang guii srane hanyie shii ne ai lai iliing shii habie um chiih-è ai khrug shii ne dadiangthek snanyi pha rago um ro.