Methiu 1:21 - Iwo Surua Mua Wie Pha Bible

²¹ Ai è ani bufuii jia giak ruii phro, na ne ji pha ani shii Isu beng bo, nyieliieshii, ai è awai branthek shii awaithek layog è ragia rek phi ruii phro.”

Methiu 1:21 Iomraidhean Croise

Methiu 1:25

Jishii, ji pha ani agiak sapho ne ai è ji pha Mery rog shii ò amen ro. Chiih-è Joseph è aishii Isu rone beng.

LUG ro Muawie 1:13

Ji shii hamangkhliie è aishii yao, Zekharia, na ne arum chid rabo! Hamangkhung-aphuii è na misia yoijong ro, chiih-è na yi Elizabeth è de dufuii jia giak ruii phro, na ne aishii Jon beng bo.

LUG ro Muawie 1:31

Na ne ani wiig ruii phro chiih-è dufuii giak ruii phro, chiih-è na aishii Isu beng bo.

LUG ro Muawie 2:11

Sudoh pha sud shii Dawid saja pha thiig shii, nathek shii ragia rek phi pha Ithong Masi giakjong ro!

LUG ro Muawie 2:21

Damiley pha idoh shii, ani ro migiangkheg pha ishak thog mage shii, aishii Isu beng, nyieliieshii ani awiig ba pha ibi shii hamangkhliie shii è yaojong.

JON ro Muawie 1:29

Ji è rek ched pha thimiang shii Jon è Isu yi aishii wuii pha ji doh, ichiih shii ne hanyie sohjambling pha layog shii so rek phi pha Hamangkhung-aphuii pha shiishaiduii um ro.

JON ro Muawie 4:42

Chiih-è bran è ji pha hò-amuii jishii yao na miyao ji jia è migi now bie pha asi ro, nyieliieshii gathek è de ai miyao ji yoijong ro, chiih-è gathek ne thieg jong hì ai ne sohjambling shii ragia rek pha izai ji chak ro.

Bliathek 13:23

Hì ne Isu ro, Dawid pha riing, hanyie shii Hamangkhung-aphuii è Israel pha branthek shii ragia rek ne sbang rek phi pha bran ji ro.

Bliathek 3:26

Ji-è, Hamangkhung-aphuii ne gua pha awai khiao jia doh bi ne nathek shii khirzey phi yi srane naithek shii nawaithek layog lumuii è thadoh dun yi phro.”

Bliathek 4:12

“Giawo ne awaiji shii um bie ro; Hamangkhung-aphuii è gethek shii ragia rek pha ichiih sohjambling shii hanyie shii de aphi ne aruii ro.”

Bliathek 5:31

Hamangkhung-aphuii è aishii hòi din phi srane awai phawig moe shii dumuii nane ragia rek pha bran rab ne ruii ro, nyieliieshii, Israel pho shii awaithek layog lumuii è thadoh riie ne dun yi ne layog khung phi phro.

Thaidas 2:14

Ai è gethek shii awie pha ji è ragia rek pha chiih-è gethek shii igang bran rab pha chiih-è awai ji pha bran rey yi pha chiih-è wie rek yang yi awaishii gethek chiang phi muii.

Hebriuthek 7:25

Chiih-è ji è, ai re-è hanyie Hamangkhung-aphuii shii wuii pha ji shii ragia rek phi pha, thuh nane idang rek mua ro, nyieliieshii ai ne idang isieng chiih-è ithek chiang ai ne Hamangkhung-aphuii rog shii khung phi ro.

1 Jon 1:7

Jishii thuh ai muchuang shii duiine—Gethek de muchuang shii rai arone—Ji-anine gethek zab jia rog òsia shii ro, chiih-è gethek ro zab layog shii ne airo Dufuii, Isu ro ifai è sud phi phro.

1 Jon 3:5

Nathek ne ìd Masi ne layogthek shii khia rone yiedun pha thog, chiih-è aishii ne nyie de layog oi ro.

Dong 7:14

Gu è chang, masdo. “Gu ne athieg ro,” nawai ne thieg. Ai è gu shii yao, “Hì ne hanyie è bajo buii diigchiao shii re-è ragia rey pha bran ro. Ithek ne awaithek yung yi shiishaiduii ifai cham srane imo rabjong ro.”