Iphisithek 4:6 - Iwo Surua Mua Wie Pha Bible

⁶ Ichiih shii zab pha bran ro Hamangkhung-aphuii nane Aphuii ne jia bie ro, ai ne zab pha Ithong ro, zab re-è blia rek ne chiih-è zab shii um ro.

Iphisithek 4:6 Iomraidhean Croise

Methiu 6:13

Gathek shii buii achai yi rabo, chiih-è, gathek shii Awie Jia è ragia rek phi bo.>

Methiu 6:9

Hì ne, chiihphado, Nathek khi-èrek ne sia chiid pha ji ro:

JON ro Muawie 14:23

Isu è aishii chang, hanyie chai gu shii miie rek pho ne gu miyao ji nuii phro. Chiih-è gu Aphuii ne aishii miie rek ruii phro, chiih-è gu aphuii na ne gune ai rog shii rai ruii phro.

JON ro Muawie 17:26

Gu è ithek shii na shii thieg yi pha rab, chiih-è ne athodang pha ro, chiih-è naro miie gu shii um pha ji ne ithek shii de um, chiih-è gu de ithek shii um mua ro.”

JON ro Muawie 20:17

Jishii Isu è hò-amuii shii yao, “Gu shii akhoh rabo,” “Nyieliieshii gu thuh de iidoh lakhung hà Aphuii shii awuii ba ro. Jimagungde gu khuiithek shii wuii srane yao bo, gu ne gui Aphuii nathek ro chiih-è guro Hamangkhung-aphuii chiih-è nathek ro Hamangkhung-aphuii shii khid ramuii ro.”

Romanthek 11:36

Chiih-è zab pha manathek ne ai è rey phro, chiih-è zab pha manathek ne ai è khia ruii phro chiih-è zab ne airo ro. Hamangkhung-aphuii rone idang biisiie rey bo! Amen.

1 Khorinthek 12:6

Ichiih shii ne ichuathek blia rek pha chua um, jishii ò pha Hamangkhung-aphuii è zab shii awairo blia rek mua pha chua phi.

1 Khorinthek 8:6

Thuh ichiih shii gethek ro Hamangkhung-aphuii ne jia bie ro, Aphuii, hanyie yi zab pha mana shii rab pha nane nyie shii gethek sieng muii pha ji ro; chiih-è Ithong ne jia bie ro, Isu Masi, ai chiang è zab pha mana shii rab chiih-è ai chiang è gethek sieng ramuii pha ji ro.

2 Khorinthek 6:16

Nyiekhi-è Hamangkhung-aphuii ro Jewthek misiahò nane migi-arekpho ro jangbang ne nuii mage phlei? Chiih-è gethek ne isieng Hamangkhung-aphuii pha Jewthek misiahò ro! Hamangkhung-aphuii awai è yao pha duiine, “Gu ne gui bran rog shii gui hò rab pha ro chiih-è ithek duchoi shii rai pha ro; Gune ithek ro Hamangkhung-aphuii rey ruii phro, chiih-è ithek ne guro bran rey ruii phro.”

Iphisithek 1:21

Masi ne riichaithek, bluthek nane Ithongthek chiih-è zab pha hamangkhung pha bohkhohthek pha ji shii de khoh ro; ai ne ichiih sohkhung pha riichaithek nane dinpha riichai ibeng shii è de zab è boh ibeng ba ro.

Iphisithek 2:22

Masi Isu rog shii ò rek pha ji è na shii de zab pha gai rog shii Ragung è Hamangkhung-aphuii rai muii pha ji shii ò rung-ramuii ro.

Iphisithek 3:17

chiih-è gune sia phro Masi ne awairo hò ne migi ji è nathek lubu iliing shii rab bo, gune sia phro nathek shii ne iriingthek nane sarong um ne miie shii ò chuh rek mua.

Iphisithek 6:23

Hamangkhung-aphuii pha Aphuii nane Ithong Isu Masi è zab pha migipho shii liijiing nane migi rog pha miie ji phi bo.

1 Jon 3:24

Hamangkhung-aphuii muyungthek shii hanyie è nuii ai ne Hamangkhung-aphuii rog ò shii rai chiih-è Hamangkhung-aphuii ithek rog ò shii rai ro. Chiih-è nyieliieshii Hamangkhung-aphuii è gethek shii Ragung phi, ji è gethek ne ìd Hamangkhung-aphuii gethek rog ò shii rai.