Iphisithek 4:18 - Iwo Surua Mua Wie Pha Bible

¹⁸ chiih-è hanyie khani yi igiia hà um lei ne. Ithek ne Hamangkhung-aphuii è phi pha chai shii ne mathang oi ro, chiih-è ithek ne zab athieg pho nane lawasdai ro.

Iphisithek 4:18 Iomraidhean Croise

Methiu 13:15

nyieliieshii, ithek khanithek ne blan ro, chiih-è ithek ne awaithek khohthek ne chiieg muii Chiih-è awaithek mieg ne siiemuii ro. Asi arone, ithek mieg de doh ruii, ithek khoh de yoi ruii phro, chiih-è, ithek khanithek de gao ruii phro. Chiih-è, ithek de gu shii khid ruii, Hamangkhung-aphuii shii yao chiih-è gu ne ithek nyagang mua.

Marg 3:5

Isu è ithek ne lubu siie now ne rai pha thieg ne bajo zo dun, ji-è, ai ne lijieg srane ithek shii shan srane riig mage ne wad zi ne rad pha ji shii yao, “Na wad ne gu shii phia mage bo,” ai è wad phia mage shii, ji pha wad ne gang re dun.

JON ro Muawie 12:40

“Hamangkhung-aphuii è ithek ro miegthek ne kheb muii, chiih-è ithek ro khani ne bin muii, jiè ithek mieg ne ariig mua, chiih-è ithek ro khani ne agao mua, chiih-è ithek ne gu hà akhid ro, Hamangkhung-aphuii è yao, gune ithek shii wie rek phi pha.”

Bliathek 17:30

Branthek è Hamangkhung-aphuii shii adoh pha ishak ai è de branthek shii ariig phi, jishii ai è zab pha branthek shii awaithek buii rek pha lumuiithek è thado riie ne dun sha bo è yung ramuii ro.

Bliathek 3:17

“Ji-è, gu khuiinothek wo! Gune thieg muii ro nathek nane nathek pha ilkhi rek phothek è Isu shii nyie rek pha ji ne athieg pha rek muii ro.”

Romanthek 1:28

Nyieliieshii ji pha branthek ne Hamangkhung-aphuii ro isbang ji khani hà ruii pha anuii, Ai è ithek lakhung shii awie pha khani phi, ji è ithek ne arek pha blia ji rek.

Romanthek 11:25

Thiisa hàne ug pha izai um ro, gu khuiinothek, gu nathek shii thieg yi pha yang ro, hì è nathek shii ne khama thieg rone ragia rek ruii phro. Hì ne ji ro Israel pha bran ro lawasdai ne idang pha asi ro, jishii Gaibranthek yi zab Hamangkhung-aphuii shii awuii sbo shii thog pha bie ro.

Romanthek 11:7

Chiihphado nyiega? Israel pha branthek ne ithek nyie sow pha ji ne adoh ba. Hì e ìu ibrog hanyie Hamangkhung-aphuii è gua pho mudoh bie bey? Chiih-è gai thek ne Hamangkhung-aphuii è ho pha ji shii khophang rey dun ro.

Romanthek 2:19

Nathek è miegthi shii doh yi pha ji ne izai chak, chiih-è hanyie ne igiia shii um pho shii isang phi,

1 Khorinthek 1:21

Hamangkhung-aphuii è branthek shii awaithek khani è aishii athieg yi pha rab muii. Ji phachiang shii, gethek muyua pha mua ji ne thaluii “bi-ìe” rone yao pha ji ne, hanyie è migi rek pha ji shii ne ragia rey phrone Hamangkhung-aphuii è phakjong ro.

1 Khorinthek 2:8

Hì pha sohjambling pha bo khophothek hanyie de hì pha khani ne athieg ro. Ithek è thieg arone, ithek ne biisiie pha Ithong ne bai hà azun chid.

2 Khorinthek 3:14

Zai ithek khani de cheg dun; chiih-è ithek ne ihèg jigigam pha shiinyie ji tham mage shii, duchung pha ishak shii de ò yung è cheg muii ro. Bran jia yi Isu shii ò rey mage, ji pha yung ne thandun.

2 Khorinthek 4:4

Ithek ne migi arek, nyieliieshii ithek ro khanithek ne ichiih sohjambling pha awie pha hamangkhung-aphuii ro igiia shii ruii ba muii ro. Ibuii è ithek shii ne ithek shii chuang pha isang ji ariig mua yi pha ruii ro, isang pha Mua Wie ji è thog pha ji ne Masi ro biisiie rek bie ro, chiih-è hanyie ne Hamangkhung-aphuii ro duiine mia lei.

Galathithek 4:8

Doh ibi ne nathek ne Hamangkhung-aphuii shii ne athieg, jiè nathek ne biidiie pha hamangkhung-aphuii ro khiao rek.

Iphisithek 2:1

Ibi hà nathek ne luruak shii iy dun, nyieliieshii nathek è anuii pha ji è layogthek rey dun.

Iphisithek 2:12

Jipha ishak shii nathek ne Masi re-è yo rey dun ro. Nathek ne gai branthek ro chiih-è nathek ne Hamangkhung-aphuii è gua pha bran è asi ro. Hamangkhung-aphuii è awai branthek shii sbang rek pha shiinyie shii ne nathek ne mathang oi ro, chiih-è nathek ne ichiih sohkhung shii luthong oi ro chiih-è Hamangkhung-aphuii de oi pha rai ro.

Kholosithek 1:21

Luang jia shii nathek ne Hamangkhung-aphuii è ruang rey ne chiih-è nyieliieshii nathek è awie pha blia rek ne now pha chiang aishii suangthek rek.

1 Thesalonithek 4:5

Hamangkhung-aphuii shii athieg pha bran duiine siu è chid pha ji rog shii asi ro.

Hebriuthek 5:2

Ai awai ro bajo ichuathek shii zia ro, ai ne nyie de athieg pha branthek chiih-è asi pha rek pha bran ibi shii jum rek ro.

Hebriuthek 9:7

jishii iliing pha Haliig biicho hàne Kho Phabi è wuii bie, chiih-è idam jia shii luang jia rek bie. Ai ne awai chiang nane athieg pha layog rek pha branthek chiang ai ne ifai yie ne iliing wuii rone Hamangkhung-aphuii shii mizid phi.

Jems 4:4

Migi oi pha bran! Nathek ne ji athieg bey sohjambling shii iijiiak rek pha jine Hamangkhung-aphuii shii suang rek ro? Nathek sohjambling shii iijiiak rek yang pha now arone, nathek ne nawaithek shii Hamangkhung-aphuii ro suang rab phro.

1 Phithar 1:14

Hamangkhung-aphuii shii nuii bo, chiih-è nathek sieng pha jine nathek è athieg ba shii chidthek shii um pha jihà arab yi rabo.

1 Jon 2:11

Jishii gethek ne gaithek shii khiijai arone, gethek ne igiia hà ba ro; chiih-è igiia hà lua gethek khihà wuii pha jine a-ìd pha lua bamuii ro, nyieliieshii igiia ji è gethek shii miegthi rab ruii muii.