Iphisithek 3:1 - Iwo Surua Mua Wie Pha Bible

¹ Hì pha chiang è, gune, Phaul Gaibranthek nathek chiang gu ne Masi Isu pha phathegpho ro, gu ne Hamangkhung-aphuii shii sia.

Iphisithek 3:1 Iomraidhean Croise

LUG ro Muawie 21:12

Hì thek rey pha ibi shii, gu chiang è nathek shii zum srane diig phi ruii phro; Nathek shii Jewthek misiahò hà miyao che ne sai ruii phro chiih-è phatheg hà de chab muii phro; nathek shii sajathek nane bohkhohphothek ibi shii noh ruii phro.

Bliathek 21:33

Ji pha yungpho è Phaul moe shii wuii srane Phaul shii zum, chiih-è Phaul shii shiirnai nyi è joi pha yung. Ji è rek ched ne ai è sai, “Hì ne hanyie ga? Chiih-è ai è nyie rek muii ga?”

Bliathek 23:18

Arming rai pha hò ophispho ji è aishii noh ne wuii srane yungpho shii yao, “Phaul è gu shii ho ne hì pha bufuiiduii shii na moe shii noh ne wuii mage bo è yao dun ro, nyieliieshii, ai ne na shii miyao jia yao pha um ro.”

Bliathek 26:29

Phaul è chang din, “Ishak dum magungde, phiang magungde, shiirnai jia hì thoh bie ne Hamangkhung-aphuii shii gune na nane sudoh ichiih shii khinyama pha bran gu miyao hì nuii ne rai phothek ne gu duiine rey pha sia phro!”

Bliathek 9:15

Ithong è aishii yao din, “Wuii mage bo, nyieliieshii, aishii ne gu è gu blia rek pha, gu beng ne Gaibranthek nane sajathek, chiih-è, Israel phothek shii thieg yi pha gua jong ro.

2 Khorinthek 1:6

Gathek è diig mage arone, hì ne nathek shii nong pha nane giawo ro; gethek yi nong arone, chiihphado nathek shii nong mua ne gathek è zud mua pha ò diigthek shii chua phi ne jum è zud yi.

2 Khorinthek 10:1

Gu, Phaul, gui è nathek shii khung—gu nathek rog um shii gu hanyie gu ne jum nane bushun rek bo ne yao, jishii gu ruang rey mage shii nathek lubu shii duhug rek yi. Masi ro jum nane bushun è

2 Khorinthek 11:23

Ithek ne Masi ro khiao bey? Gu ne ibiu bran duiine yoi ro—jishii gune ithek è de wie khiao ba ro! Gu ne ithek è de bajo blia gang rek ba, gu ne ithek è de bajo ishak phatheg hà wuii, gu shii ithek è muna zuang, chiih-è gu ne ithek è muna iy bsa hà wuii dun.

Galathithek 5:11

Gu khuiinothek wo! Jimagungde gu shii ne, gu migiangkheg pha ji ne mugak rone idang yua arone, nyie rek ne gu ne thuh de diigchio muii ne bey? Jine izai arone, chiihphado gu muyua pha Masi ro bai chiang ne nyie diig arey phro.

Galathithek 5:2

Yoi bo! Gune Phaul nathek shii yao nathek è nawaithek è migiangkheg arone, hì pha miyaosiuthek è Isu ne nathek shii nyie blia oi rone rey dun ro.

Galathithek 5:24

Chiih-è hanyie yi Isu shii rey pho ne awai siu è ziig pha munow shii nane muchiid shii ne iy ba yi.

Iphisithek 3:11

Hamangkhung-aphuii è ji duiine rek pha ji ne awairo idang pha blia shii rek, nyie jine ai è gethek ro Ithong Masi Isu è rek ge.

Iphisithek 3:13

Chiihphado gu nathek shii khung, lubu-ìu arek rabo nyieliieshii gu è nathek chiang diig rekjong ro; hìthek zab ne nathek shii phua pha ro.

Iphisithek 3:8

Gune Hamangkhung-aphuii pha bran duchoi shii zab è ìu rey dun ro; thuh shii Hamangkhung-aphuii è gu shii Masi ne ajong pha lasen mathang rone Gaibranthek shii Mua Wie ji yi phi pha jo phi ro.

Iphisithek 4:1

Chiihphado gu nathek shii khung, nyieliieshii gu è Ithong blia rek pha chiang è gu shii phatheg hà chab muii pha ji ro: Nathek shii ho pha ishak shii Hamangkhung-aphuii è phrai ne ruii pha ji shii ji duiine chai sieng bo.

Iphisithek 6:20

Hìpha mua chiang è gune khliie ro, jimagunde thuh shii gune phatheg hà um magunde. Gune mua shii lububo è yao chiid pha ji shii yao mua pha sia mage bo.

Philiphithek 1:7

Nathek ne idang gu lubu shii um ro! Chiih-è gu rek pha nathek chiang shii than pha ne gu shii khriig um bie ro. Chiih-è Hamangkhung-aphuii è gu shii phi pha jo shii thuh gu ne phatheg hà um shii chiih-è fuang hàne mua shii ragia rek pha nane chuh è rab shii de nathek zab ne mathang um ro.

Kholosithek 1:24

Chiih-è thuh nathek chiang è diig rek pha ji ne sang ro, gu siu è diigthek rek pha miyao ne airo siu charch pha chiang shii Masi ro diigthek nyie yi led bamuii pha diigthek jijong yi pha gu ne nong ramuii ro.

Kholosithek 4:18

Hì ne gui wad mizey ro: Phaul re-è salamthek thoh ge ro. Guro shiirnaithek shii abileng rabo! Hamangkhung-aphuii ro bushun ne nathek rog shii um bo.

Kholosithek 4:3

Ji-è Hamangkhung-aphuii è gu shii ne Masi pha ug pha airo mua ji yua mua wie chua phi yi pha ji pha ishak shii gathek shii de sia phi bo. Ji è gu ne phatheg shii ro.

2 Thimothi 1:16

Onesiphorus haliingpho shii ne Ithong è bushun doh yi bo, nyieliieshii ai è gu shii ne bleb-bleb sang phi. Gu ne phatheg hà um pha ji shii de ai ne awo ro,

2 Thimothi 1:8

Chiihphado, gethek Ithong shii khagi rek pha awo rabo, din ne Isu Masi chiang gu phatheg hà rai pha ji shii awo rabo. Ji phachiang shii, Hamangkhung-aphuii re-è na shii chua phi pha duiine Mua Wie pha diig shii nawai ro ichua rek bo.

Philimon 1:1

Masi Isu chiang phatheg hà rai pha Phaul, chiih-è gethek khuiino Thimothi re-è. Gethek ijak nane gethek rog shii blia rek pha Philimon,

Philimon 1:23

Ephaphras, Masi Isu chiang, hanyie è gu rog diig rek ne phatheg hà um pha, ai è de nathek shii salam thoh ge ro,

Philimon 1:9

Jishii nyieliieshii gu na shii miie, ji pha chiang shii gu ne khung. Phaul, gune Masi Isu ro khliie ro, chiih-è thuh shii gune ai chiang shii phathegpho ro, jimagunde gu ne hì pha blia rekramuii.

Dong 2:10

Nathek ne nyie diig rey pha chiang ji shii arum rabo. Yoi bo! Sakhathong è nathek giak shii ne phatheg hà fen ne chai ruii phro, chiih-è nathek ro diigthek ne inai sua thog pha rey ruii phro. Gu shii migi rek bo, hì re-è iy bsa arone, chiih-è gu nathek shii yang pha lasen chai phi ruii phro.