Iphisithek 2:13 - Iwo Surua Mua Wie Pha Bible

¹³ Jimagungde thuh shii, Masi Isu rog shii ò pha ji è chiih-è hanyie nathek è ruang rek pho shii Masi iy ne zid pha ji è inui hà noh ge ro.

Iphisithek 2:13 Iomraidhean Croise

JON ro Muawie 10:16

Ichiih rugo shii oi pha guro shiishai ne thiisa hà shiishai gaithek de um ba ro. Gune aishii de noh chid phro; ithek de guro gow yoi ruii phro, chiih-è ithek ibrog shii de brogpho jia pha shiishai brog pha shiishai rey ruii phro.

Bliathek 15:14

Khi è rek ne Hamangkhung-aphuii è igobi Gaibranthek shii de awai branthek duchoi è yie srane khagi rek phi pha ji Simon è yao jong pha duiine izai chak ro.

Bliathek 2:39

Nyieliieshii, Hamangkhung-aphuii pha sbang ne nathek shii de, chiih-è nathek pha aniphiing shii de, chiih è, bajo ruang phothek shii de, hanyie shii Hamangkhung-aphuii è awai rog shii rai pha ho pho shii de rek ne ruiijong ro.”

Bliathek 22:21

Ithong è gu shii yao, ‘Gune na shii ruang hà gai Gaibranthek shii wuii ge phro.’”

Bliathek 26:18

Nane ithek mieg hong phi ne igiia è isang hà rai yi chid phro, chiih-è Sakhathong pha blu è Hamangkhung-aphuii shii rai yi chid phro. Ji arone, awaithek è gu shii migi now pha ji è awaithek layog khung dun srane Hamangkhung-aphuii gua pha branthek rog rai pha ithua mua ruii phro.

Romanthek 8:1

Thuh shii hanyie ne Masi Isu rog shii ò rai pho ne the pha oi sha phro.

1 Khorinthek 1:30

Jishii Hamangkhung-aphuii è gethek shii Masi Isu rog shii ò rai yi pha noh, chiih-è Hamangkhung-aphuii è Masi shii gethek ro khani rab phi. Ai chiang è gethek ne Hamangkhung-aphuii rog shii giang ruii; gethek de Hamangkhung-aphuii ro so bran rey ro chiih-è gethek ne layog è ichad rey ge ro.

1 Khorinthek 12:13

Hì duiine, zab gethek ne, Jewthek chiih-è Gaibranthek magungde, khiao magunde ichad nede, chiih-è Ragung ò pha siu jia shii khowo yie, chiih-è gethek zab Ragung jia è niing pha phi.

1 Khorinthek 6:11

Nathek giak ne ji duiine ro. Jishii nathek shii ne layog è igang rekjong ro; nathek è Hamangkhung-aphuii shii phijong ro; nathek shii ne gathek ro Hamangkhung-aphuii ro Ragung nane Ithong Isu Masi è nathek shii ne Hamangkhung-aphuii rog shii rangsua ruiijong ro.

2 Khorinthek 5:17

Hanyie magungde Masi shii dog arone, ai ne iwo chai rey dun; ihèg chai ne dundun, chiih-è iwo chai ne thokjong ro.

Galathithek 3:28

Ji-è ichiih shii Jewthek nane Gaibranthek ne yo asi sha ro, chiih-è khiao nane ichad de, bufuii nane bimi de nathek zab ne Isu Masi rog shii ò pha ji è nathek ne jia bie ro.

Iphisithek 1:1

Phaul re-è, hanyie yi Hamangkhung-aphuii è yang pha Masi Isu ro guaphasamoy— Iphisus hà Hamangkhung-aphuii ro bran pha hanyie è ithek ro chai ne Isu Masi rog shii ò migi rek ro:

Iphisithek 1:7

Masi ifai chiang è gethek shii ichad rek phi, jine gethek ro layog ne khung ge ro. Hamangkhung-aphuii ro bushun ne bajo boh ro,

Iphisithek 2:10

Gethek ne nyie khi-èrek ne um pha ji Hamangkhung-aphuii awai è rab phi, chiih-è gethek ro Masi Isu rog shii ò pha ji è ai è gethek nyie rek yi pha saro ne ruiijong pha ji ne gethek shii wie blia rek pha chai rab phi.

Iphisithek 2:12

Jipha ishak shii nathek ne Masi re-è yo rey dun ro. Nathek ne gai branthek ro chiih-è nathek ne Hamangkhung-aphuii è gua pha bran è asi ro. Hamangkhung-aphuii è awai branthek shii sbang rek pha shiinyie shii ne nathek ne mathang oi ro, chiih-è nathek ne ichiih sohkhung shii luthong oi ro chiih-è Hamangkhung-aphuii de oi pha rai ro.

Iphisithek 2:2

Jipha ishak shii nathek ne sohjambling pha awie pha lumuii shii nuii ne lua; chiih-è nathek ne hamang hà ragung pha bluthek pha khohpho, ragung shii nuii, thuh shii ji pha ragung ne bran hanyie è Hamangkhung-aphuii shii anuii pho shii khoh ro.

Iphisithek 2:6

Gethek Masi Isu rog ò pha ji è ai è gethek shii Masi rog hòi phi ne ai rog hamangkhung pha sohjambling shii khoh yi.

Hebriuthek 9:18

Ji-è igobi pha shiinyie ne ifai rog shii kho ne chun bie ro.

1 Phithar 3:18

Nathek shii Hamangkhung-aphuii hà noh pha bran wie ne layogphothek lakhung shii Masi ne luang jia shii idang pha layog chiang shii iy dun. Ai ne siu shii ne iy dun, jimagunde ragung shii ne isieng rabjong ro,

Dong 5:9

Ithek ne iwo ibai bai: “Nane nim shii yie ne nabthek shii hong mua spho ro. Chiih-è na shii ne uamuii, chiih-è naro iy pha khlem re-è zab pha iiriing, nyuakthek zab pha branthek shii chiih-è jad shii ne Hamangkhung-aphuii pha pheg phi ro.