Hebriuthek 4:3 - Iwo Surua Mua Wie Pha Bible

³ Chiihphado, gethek hanyie è migi rekpho ne Hamangkhung-aphuii è sbang rek pha thung shii choi ro. Hì ne ai miyao duiine ro, “Gu ne lijieg dun chiih-è surua sbang rab: ‘Khi hà gu è ithek shii thung pha sohjambling phi pha ji shii ne ithek ne khuchung de akhud mua ro!’” Ai è hì yao magunde airo blia ne sohjambling rab pha ishak shii jong ge.

Hebriuthek 4:3 Iomraidhean Croise

Methiu 13:35

Ai è ji è rek pha ji è chaig è nyie yao marui pha jithek izai rey yi, “Gu è nathek shii yao ruii shii, najang yao ruii phro; Gu ne nathek shii sohjambling zen pha ishak è athieg pha miyaothek yao ruii phro.”

Methiu 25:34

Chiihphado Saja è awairo phazoi pha bran shii yao ruii phro, thawuii bo, nathek shii ne gu Aphuii è khirzey phi ro! Thawuii ne nyie yi soh rab pha ji è nathek shii saro phi pha Sajathua ji shii ong bo.

Iphisithek 1:4

Sohjambling rab pha ibi è rang de, gethek ro Masi rog shii ò pha ji è Hamangkhung-aphuii è gethek shii guajong ro, ji-è gethek ne ai ibi shii ichiig arek pha gang rek chid. Nyieliieshii airo miie

Hebriuthek 3:11

Gu ne lijieg dun chiih-è surua sbang rab: “Khi hà gu è ithek shii thung pha soh phi pha ji shii ne ithek ne khuchung de akhud mua ruii phro!”

Hebriuthek 3:14

Gethek ro migi ibi shii um pha ji yi iidohè thogdang pha chuh è khoh arone gethek ne zab Masi rog shii iijiiakthek ro.

Hebriuthek 9:26

chiihphado sohjambling nyarab dang è yie ne thuh thog pha bame diig rek iwa. Ji pha chiang shii, thuh iidohè pha ishak moe è yie ne zab idam shii, awai shii zid pha ji è zab layogthek shii sud phi pha, ai ne luang jia idang pha khia ro.

1 Phithar 1:20

Aishii ne Hamangkhung-aphuii è sohjambling azen ba pha ibi gua chiih-è iidohè pha inai shii nathek chiang shii khia phi ro.