Hebriuthek 4:1 - Iwo Surua Mua Wie Pha Bible

¹ Thuh, ai è yao pha thung chiang shii Hamangkhung-aphuii gethek shii sbang mizid rek pha jine thuh de um, chiihphado, gethek shii mua yi pha gethek gayiig rai haro.

Hebriuthek 4:1 Iomraidhean Croise

Methiu 24:48

Jishii ai ne awie pha khiao arone, ai è awai shii yao muspho wuii pha ne ishak bajo athog sha ruii.

Bliathek 3:19

Nathek de zo srane Hamangkhung-aphuii shii khid din mage bo, chiihphado, nathek ro layogthek de khung phi phro.

Romanthek 11:20

Ji ne izai ro. Ithek ne chui dun ro nyieliieshii ithek ne migi arek, nathek thuh de led pha ji ne nyieliieshii nathek ne migi rek. Jishii wiangwe arek rabo; ji pha chiang shii rum bo.

Romanthek 3:23

Zab pha bran è layog rek chiih-è Hamangkhung-aphuii ro biisiie è ruang dun marui.

1 Khorinthek 10:12

Na è chuh è riu rone now arone, achiih yi pha gayiig pha ji ne wieliak ro.

2 Khorinthek 6:1

Hamangkhung-aphuii rog shii gethek ro ò blia, chiihphado, gu nathek shii khung phro hanyie è Hamangkhung-aphuii ro bushun mua maphi pho shiine amua yi rabo:

Galathithek 5:4

Hanyie è nawaithek shii Iphey nuii pha ji è Hamangkhung-aphuii rog shii rangsua ruii pha bidiang pho ne Isu Masi è yo rey dun ro. Chiih-è gethek ne Hamangkhung-aphuii ro bushun è yo rey dun ro.

2 Thimothi 2:13

Gethek ne isiie asi arone, ai ne isiie shii rai yi phro, nyieliieshii ai ne awai shii biidiie asi rone arek mua phro.

Hebriuthek 12:15

Hamangkhung-aphuii ro bushun è iidoh khid din yi pha suang shii ragia rek bo. Hanyie jia de misieng khow sieng pha ji duiine arey rabo chiih-è ai ro idiig ne bame diig rey ro.

Hebriuthek 12:25

Wie gayiig bo, chiihphado, hanyie è yao ji shii yoi pha asnai rabo. Hanyie è sohnyiak shii so mua yao pha ji ayoi rone ayao mua ro. Chiihphado, gethek ne hamangkhung è yao pha ji è khiddun arone gethek yoh pha lumuii ne bajo ìu ro!

Hebriuthek 13:7

Hanyie è nathek shii Hamangkhung-aphuii ro mua yao, nathek ro ibi pha dumuiithek shii now bo. Iidoh pha ji now bo ithek ne khi-è rek ne sieng ithek khi-è rek ne iy chiih-è ithek ro migi shii noi bo.

Hebriuthek 3:11

Gu ne lijieg dun chiih-è surua sbang rab: “Khi hà gu è ithek shii thung pha soh phi pha ji shii ne ithek ne khuchung de akhud mua ruii phro!”

Hebriuthek 4:11

Ji-anine, cho gethek ne, ji pha thung shii choi pha gethek khama rek mua pha ji rek haro, ji è nyieliieshii ithek è migi arek pha ji è ithek shii amua pha rek pha ji duiine gethek de jia de buyud arey yi haro.

Hebriuthek 4:9

Hì duiine, thiisa hàne thuh de Hamangkhung-aphuii ro damiley inai shii thung pha duiine Hamangkhung-aphuii ro branthek ne nyathung ba muii ro.