Galathithek 3:17 - Iwo Surua Mua Wie Pha Bible

¹⁷ Gu è nyie yao pha ji ne Hamangkhung-aphuii è Abraham rog shii shiinyie rab ne sbang ruii phro. Iphey yi wieng wi è sa-uom idam iidoh phi ne de ji pha shiinyie nane Hamangkhung-aphuii sbang shii alai muii phro.

Galathithek 3:17 Iomraidhean Croise

JON ro Muawie 1:17

Hamangkhung-aphuii Iphey ne Moses è phi phro, jishii izai nane bushun ne Isu Masi è phi thog phro.

Bliathek 7:6

Hì ne Hamangkhung-aphuii è aishii yao pha miyao ro: Na blangthek ne gai soh hà rai ruii phro, thiisa hà ithek ne khiao rek ne awie dang pha khui yi pha idam wieng wi thog pha rek ne rai dun phro.

Romanthek 3:25

Hamangkhung-aphuii aishii ne phi, ji è phi ne iy pha ji ne branthek migi è ithek layog ne khung ge ro. Hamangkhung-aphuii ne giang chak rone doh yi pha ji rek phi. Igobi è ai ne jum nane branthek layog shii sasab arek ro; jishii thuh pha ishak shii giang chak rone doh yi pha ai è ithek layogthek rog shii rai. Ji duiine Hamangkhung-aphuii è awai shii giang rone doh yi chiih-è hanyie Isu shii migi rek pho izai chak rone yao.

Romanthek 3:3

Jishii giak bran yi isiie arek arone nyie rey mage phlei? Ji pha miyao è Hamangkhung-aphuii ne isiie asi bey?

1 Khorinthek 1:12

Gu ne hì duiine nathek shii yao: Nathek zab jia jia ne yo yaodun. Jia è yao, “Gune Phaul rog luagieng” gai è yao, “Gune Apholos rog luagieng” gai è yao, “Gune Phithar rog luagieng” chiih-è gai è yao, “Gune Masi rog luagieng.”

1 Khorinthek 1:17

Masi è gu shii khowo phi pha athoh ro. Ai è gu shii ne Mua Wie ji yao pha thoh, chiih-è bran khani pha nyuak è rek ne yua pha asi ro, ji pha chiang shii izai rab ne Isu bai shii iy pha blu shii nathek è ariao yi rabo.

1 Khorinthek 10:19

Chiihphado, gu miyaosiu ne hì bey, jangbang chiih-è zid pha michie hì ne izai nyiemagunde igongthek bey?

1 Khorinthek 7:29

Gu ijakthek, gu è nyie yao pha ji ne hì ro: ishak ne muna oi sha ro, chiih-è thuh è yie ne yiygey pha bran ne ayiy pha duiine rai bo;

2 Khorinthek 1:20

Chiih-è ai ne Hamangkhung-aphuii pha zab sbang ne “Oh” ro. Hì ne nyieliieshii Isu Masi chiang è gethek ro “Amen” yao pha ji ne Hamangkhung-aphuii pha biisiie yao.

2 Khorinthek 9:6

Now bo bran hanyie è iriie ìu wey bie arone iwoi de ìu woi bie; hanyie magungde iriie bajo wey arone iwoi de bajo woi ruii phro.

Galathithek 3:15

Gu ijakthek wo, gu ne idang pha shan ji è yao: Bran nyi yi nuii srane shiinyie shii zey arone, hanyie de alai mua phro chiih-è nyie de achoh mua phro.

Galathithek 3:21

Chiihphado hì pha miyaosiu è Iphey Hamangkhung-aphuii ro sbangthek shii suang rek ne bey? Asi ro! Branthek è Iphey shii choi arone ithek ne chai yi ruii phro, chiihphado zab ne nuii pha ji è Hamangkhung-aphuii rog shii rangsua rai mua ruii phro.

Galathithek 5:16

Gu è nyie yao pha ji ne hì ro: Ragung è naro siengthek lua yi bo, chiih-è nane bran ziig jihà chiid pha ji ne liingsed arey yi phro.

Galathithek 5:4

Hanyie è nawaithek shii Iphey nuii pha ji è Hamangkhung-aphuii rog shii rangsua ruii pha bidiang pho ne Isu Masi è yo rey dun ro. Chiih-è gethek ne Hamangkhung-aphuii ro bushun è yo rey dun ro.

Iphisithek 2:12

Jipha ishak shii nathek ne Masi re-è yo rey dun ro. Nathek ne gai branthek ro chiih-è nathek ne Hamangkhung-aphuii è gua pha bran è asi ro. Hamangkhung-aphuii è awai branthek shii sbang rek pha shiinyie shii ne nathek ne mathang oi ro, chiih-è nathek ne ichiih sohkhung shii luthong oi ro chiih-è Hamangkhung-aphuii de oi pha rai ro.

Iphisithek 4:17

Chiihphado, Ithong beng è, gu nathek shii phriie phro: Migi-arekpho duiine asieng rabo, hanyie è nowthek yi pha ji ne adunmey pha ro

Kholosithek 2:4

Chiihphado, Gu nathek shii yao, ithek ne khama khie doh magunde hanyi è de nathek shii biidiie pha khnaing ji è khinrin arek yi rabo.

Hebriuthek 11:13

Migi ji è zab ji pha bran ne iy dun. Ithek ne Hamangkhung-aphuii è sbang rek pha manathek shii ayie mua ro, jishii ithek ne ruang è ithek shii doh chiih-è ithek shii wieho, ithek ne sohnyiak shii fuang pha branthek nane gai branthek shii rey ne rai pha ji shii nuii phi.

Hebriuthek 7:18

Chiihphado, Ihèg bohkho, ji shii ne yoh ruii muii, nyieliieshii jine zia nane blia adunmey ro.

1 Phithar 1:20

Aishii ne Hamangkhung-aphuii è sohjambling azen ba pha ibi gua chiih-è iidohè pha inai shii nathek chiang shii khia phi ro.