Galathithek 2:17 - Iwo Surua Mua Wie Pha Bible

¹⁷ Chiihphado, gethek ne Isu Masi rog shii ò rek pha ji è Hamangkhung-aphuii rog shii rangsua ruii pha bidiang arone, gethek ne Gaibranthek duiine layogthek doh dun—Jipha miyaosiu è Masi ne layog pha chiang blia rek ne bey? Ji ne asi ro!

Galathithek 2:17 Iomraidhean Croise

Methiu 1:21

Ai è ani bufuii jia giak ruii phro, na ne ji pha ani shii Isu beng bo, nyieliieshii, ai è awai branthek shii awaithek layog è ragia rek phi ruii phro.”

LUG ro Muawie 20:16

“Ai ne wuii srane ji pha branthek shii ua muii phro, chiih-è angur raig yi gai raig chei phothek wad shii phi muii phro.” Ithek è ji yoi mage shii, ithek è yao, “Ji duiine arey dang rabo!”

Romanthek 11:7

Chiihphado nyiega? Israel pha branthek ne ithek nyie sow pha ji ne adoh ba. Hì e ìu ibrog hanyie Hamangkhung-aphuii è gua pho mudoh bie bey? Chiih-è gai thek ne Hamangkhung-aphuii è ho pha ji shii khophang rey dun ro.

Romanthek 15:8

Gu nathek shii yao Masi ro chai ne Jewthek duchoi shii blia rek pha ro, chiih-è awai blangthek shii sbang rek pha ji ne izai rek pha chiih-è Hamangkhung-aphuii ne isiie rone doh yi pha rek phro,

Romanthek 3:4

Khuchunde asi phro! Hamangkhung-aphuii ne izai ro, jigigam shii yao pha duiine. Zab pha branthek rang de biidiie ro, “Nathek è yao shii nathek ro izai doh ruii phro.” “Nathek bidiang shii nathek ro maley ne yang ruii phro.”

Romanthek 3:6

Khuchunde asi phro! Hamangkhung-aphuii è achua arone, nyie khi-èrek ne sohjambling shii chua mage phlei?

Galathithek 2:11

Jimagungde Phithar Anthioch wuiithok mage shii, gu è Phithar shii bran moe shii giung, nyieliieshii ai ne asi dang pha blia rek.

Galathithek 2:15

Zai, gu ne nyagiak dang pha ji è Jew ro chiih-è “Gaibran ne layogphothek rone ithek shii ho pha duiine gu ne asi ro”

Galathithek 3:21

Chiihphado hì pha miyaosiu è Iphey Hamangkhung-aphuii ro sbangthek shii suang rek ne bey? Asi ro! Branthek è Iphey shii choi arone ithek ne chai yi ruii phro, chiihphado zab ne nuii pha ji è Hamangkhung-aphuii rog shii rangsua rai mua ruii phro.

Galathithek 6:14

Jimagungde gune, gethek ro Ithong Isu Masi ro bai chiang shii wiangwie rek bie ro; airo bai chiang è sohjambling ne gu shii iy-iy ro, chiih-è gu chiang sohkhung ne iy-iy ro.

Hebriuthek 8:2

Ai ne Bajo So ithua Kho Phabi duiine blia rek, ji ne, haliig sbhang nyie yi tharothamang wad è asi pha Ithong è ruii pha ji ro.

1 Jon 3:5

Nathek ne ìd Masi ne layogthek shii khia rone yiedun pha thog, chiih-è aishii ne nyie de layog oi ro.