Galathithek 1:7 - Iwo Surua Mua Wie Pha Bible

⁷ Nyayao chak shii ne, “Gai muawie,” ne oi ro, jishii gu miyao hìne nyieliieshii ichiih ne giak bran ne nashii afak-afi rek ne chiih-è Masi ro muawie shii lai pha bidiang muii ro.

Galathithek 1:7 Iomraidhean Croise

Methiu 24:24

Chiih-è biidiie Masithek nane biidiie chaigthek dong ruii phro; rek mua arone, ithek ne boh buangthek nane wieng pha blia rek ne Hamangkhung-aphuii mugua pha bran shii khinrin ruii phro.

Bliathek 13:10

“Ibuii dufuii! Na ne zab wiethek pha suang ro, chiih-è, na ne zab khlam rek pha ji ro! Nane Ithong pha izai ji idang khlam rek ne rai pharek pha ji ro!

Bliathek 15:24

Gathek è yoi muii ro, gathek è che ne wuii dun pha giak bran è ithek shii ithek miyao è diig nane duhug rek yi dun ro; ithek shii ne gathek muyung asi ro.

Bliathek 20:30

Nawaithek duchoi è giak bran ne migiphothek shii khlam yao ne noh dun pha ishak thog ruii phro.

2 Khorinthek 11:13

Jithek pho ne izai guaphasamoy asi ro—ithek ne biidiie pha guaphasamoythek ro, hanyie yi awaithek shii khlam rek ne chiih-è Masi ro izai guaphasamoythek duiine doh yi pha awaithek mizia lai ne blia ne biidiie rone doh yi.

2 Khorinthek 2:17

Gethek ne hanyie è Hamangkhung-aphuii mua shii chongjai duiine thoh è yie bie pha gaithek duiine asi ro, Masi pha khiaothek duiine gethek ne ai moe shii wie è yao ro, nyieliieshii Hamangkhung-aphuii è gethek shii thoh phi ro.

2 Khorinthek 4:2

Gethek ro ug pha miyao nane biwo blia ne ruang ruii muii bo; chiih-è gethek ne awie pha blia arek rabo, chiih-è gethek ne Hamangkhung-aphuii ro miyaogam shii de biidiie ayao rabo. Gethek ne Hamangkhung-aphuii moe shii ne izai pha zab ley ichuang shii rai ne chiih-è zab gaithek shii wie thieg yi pha gethek shii wie rek pha bidiang bo.

Galathithek 1:6

Gune nathek shii wiengphleg muii ro! Ishak muna asi ba shii nathek ne hanyie shii bushun ne Masi è ho pha ji shii ne tho muii ara ro, chiih-è nathek ne gai muawie shii choi dun ara ro.

Galathithek 2:4

Jimagungde gai è ne rek yi pha yang ro. Migiphothek rone doh yi srane ji pha bran ne bujuii pha gathek duchoi è khud dun ro, nyieliieshii gethek Masi rog shii ò um pha ji è gethek ro ichad chiang ji shii sow pha rek ro. Ithek è gethek shii ne khiao rab pha yang ro,

Galathithek 4:17

Gai branthek è nathek shii jam miie doh yi, jimagungde nathek ro now pha ji ne wie asi ro. Zab ithek ro yang pha ji ne nathek shii gu-è yo rek pha yang phro, jiè nathek è ithek shii um yi pha ò miie nathek shii de um yi pha rek phro.

Galathithek 5:10

Jimagungde thuh thok pha gune nathek shii luthong ba ro. Gathek chai Ithong rog shii ò pha ji è Ithong è gu shii ne nathek gai now pha ji shii ne arab phrone thieg yi, chiih-è bran hanyie è nathek shii diig phi pha ji ne hanyie magungde aishii ne Hamangkhung-aphuii è lago phi ruii phro.

Galathithek 5:12

Gu ne hì è yang ro hanyie nathek shii zo yi pho ne zab pha dun srane awaithek ro soh muii bo!

Galathithek 6:17

Jong sha: Hanyie de gu shii muna diig aphi sha rabo, nyieliieshii gu siu shii um pha chebthek è ne gu ne Isu ro khiao rone doh yi ro.

2 Thimothi 2:18

Ithek ne izai lumuii shii thoh marui rone gethek ro hòi pha ji ne reyjong rone yao ne izai pha gai migiphothek shii samdiig yi ro.

1 Jon 2:26

Gu ne hanyie è nathek shii khinrinpho chiang nathek shii zey.

1 Jon 4:1

Gu iijiiakthek wo, zab Ragung um rone yao pha ji shii migi arek rabo, jishii ithek ro ragung ne Hamangkhung-aphuii è thog pha bey ne ithek shii chai ne riig bo, khihà ne asi pha chaigthek ne bajo thog ro.

2 Jon 1:10

Ji-è gai hanyie yi nathek shii ji pha muyua ayie pha wuii arone aishii ne nathek hò hà aho rabo, “liijiing nathek rog um bo de ayao rabo.”

2 Jon 1:7

Khinrinpho ne sohjambling shii bajo thog ro, bran hanyie yi Isu Masi shii tharothamang rey ne wuii rone anuii pho, Ji pha branthek ne khlampha nane Masi ro Suangpho ro.

JUD ro Jigigam 1:4

Giak ne hamangkhung-aphuii oi pha bran ne hanyie de athieg pha gethek duchoi wuii ro, bran hanyie è awai ro awie pha lumuii shii khriig doh yi pha Hamangkhung-aphuii ro liijiing pha mua shii ne ithek è ikhliie rek muii ro, chiih-è gethek Masdo jia nane Ithong Isu Masi shii de snai ro. Ithek choi pha the ne buyo è jigi hà chaigjong ro.

Dong 12:9

Boh hakhliingmuii shii fen muii—Ji pha ihèg pham, Sakhathong rone ho, hanyie è zab pha sohjambling shii khinrin pha ji ro. Ai nane awairo zab hamangkhliiethek shii ne ai rog shii sohnyiak hà fen muii.

Dong 13:14

Chiih-è buangthek ne igobi pha buii ibeymuthung moe shii rek srane ai è sohnyiak shii rai pha zab branthek shii khinrin rek. Buii ibeymuthung chiih-è khamriie re-è saduii rek muii pha jine thuh de isieng ro ai beng shii ilab rek pha ibeymuthung è ithek shii jangbang rab bone yung ro.

Dong 19:20

Biidiie pha chaigthek hanyie è ai moe shii buangthek rek pha chiih-è buii ibeymuthung shii phatheg hà noh dun ro. (Hì ne ji pha buangthek re-è hanyie è buii ibeymuthung pha cheb rek yi ne chiih-è buii ibeymuthung ro jangbang shii misiasia yi pha khinrin pha ji ro.) Buii ibeymuthung nane biidiie chaig shii ne isieng barud rog shii bai pha khabang pha jihà fen muii.

Dong 2:2

Gu ne thieg nathek è nyie rekjong; gu ne thieg nathek ne khama thua re-è blia rek chiih-è nathek ne khama lubu phiang rek. Gu ne thieg nathek ne awie pha bran shii azud muii chiih-è ithek ne guaphasamoythek rone yao, jishii asi, pho shii de nathek è chua, chiih-è ithek ne biidiiethek ro.

Dong 2:20

Jishii gu ne nathek shii nyie suang rek pha ji ne: Nathek ne hanyie è awai shii, Hamangkhung-aphuii ro muapho rone ho pha hò-amuii Jezebel shii zud. Airo muyua re-è guro khiaothek shii siulao rek pha dab bsa hà chiih-è jangbangthek shii zid pha michie shii chie yi pha jihà noh ro.

Dong 2:6

Jishii nathek shii harohan pha jine hì re-è ro: gu è rek pha duiine, nathek è Nikholaithans è rek pha ji shii khiijai.

Dong 20:3

Hamangkhliie è aishii jam ihiung hà fen ne, bin muii, chiih-è nab rek, ji è ai ne idamthek itham ajong sapho shii ne sohthek pho hanyie shii khinrin arek mua phro. Ji pha iidoh shii aishii ne ìujia ishak sey ne thoh chid ruii phro.