Galathithek 1:21 - Iwo Surua Mua Wie Pha Bible

²¹ Chiihphado shii gu Syria nane Silikhia pha ithuathek hà wuii dun.

Galathithek 1:21 Iomraidhean Croise

Methiu 4:24

Ji è rek phi pha airo muathek chiang ne Syria pha zab soh shii yoi dun. Ji-è hanyie radpho, zab pha miiriie è diigpho nane nyie arek muluii pho shii: Ibuiithek um pha bran; chiih-è lai khi-ègthek, chiih-è siugpho zab aishii nohthog, chiih-è ai è ithek shii gang phi.

Bliathek 13:1

Anthioch pha charch hà de giak chaigthek nane masdothek um iang: Ithek ne Barnabas, Simeon (Isiie beng pha), Khyrene pha Lusius, Manaen (hanyie shii Badri Herod rog shii noh pha bran) nane Saul ro.

Bliathek 15:23

srane ithek shii zey pha jigigam ji phi ne thoh ge: “Gathek ne guaphasamoy nane dukhothek è hanyie Anthioch, nathek pha khuiinothek è, Syria nane Khilisia hà rai pha Gaibranthek pha è giak pha khuiinothek shii salam yao ne thoh ge ro.

Bliathek 15:41

Ai ne Syria nane Khilisia dong ne lua srane charchthek shii gang rek marui.

Bliathek 18:18

Phaul ne migiphothek rog shii Khorinth hà inai bajo rai marui ne Phrisila nane Akhuila rog Syria hà riie ne in ne wuii dun. Ji hà wuii pha a-ìd ba pha ibi Khenchreae shii ai è ibi hà surua thak muii pha ji è khaziang khua muii.

Bliathek 21:3

Gathek ne Khyphrus doh muii pha ithua hà thog dun. Ji-è, gathek ne dinne hayang hà riie ne Syria hà wuii din dun. Gathek ne run pha manathek khiang sha pha Thyre pha khamuii ring shii wuii thog dun.

Bliathek 21:39

Phaul è chang, “Gune Jew ro, gune Tharsus hà Khilisia shii giak pha Jew ro, gune bajo boh pha rajan shii rai pha bran ro. Gu shii de branthek shii yao yi pha phi bo.”

Bliathek 22:3

“Gune Jew ro, gune Tharsus hà Khilisia pha ithua shii giak pha bran ro, jimagunde, gune ichiih Jerusalem hà Gamaliel pha jigigampho rek ne sieng pha bran ro. Gu de gethek riing mizen marui pha bajo giang pha Iphey ji pha muyua mua jong ne sudoh ichiih um pha nathek duiine Hamangkhung-aphuii shii phi jong ro.

Bliathek 23:34

Ji pha badri è ji pha jigigam tham ne riig srane Phaul shii sai, “Na ne khi pha du-ùa hà rai pha bran lei?” Badri ji è Phaul ne Khilisia ithua hà rai pha bran rone thieg mage shii,

Bliathek 6:9

Ji è rek ne rai magungde, thiichiih shii Jewthek misiahò pha sey ne thoh pha branthek è aishii gidieg rek noh dun (hì ne ho pha duiine). Ithek ne Syrene nane Alezendria pha Jewthek ro. Ithek nane Khilisia, Asia ithua hà rai pha Jewthek è wuii srane Sthephen shii khnaing noh.

Bliathek 9:30

Migipho è ji thieg mage ne Sual shii Khaesarea hà noh srane Tharsus hà thoh ge.