Dong 8:2 - Iwo Surua Mua Wie Pha Bible

² Chiihphado hanyie yi Hamangkhung-aphuii moe shii riu pha miley hamangkhliiethek shii doh, chiih-è ithek shii ne miley thu-ungthek phimuii.

Dong 8:2 Iomraidhean Croise

Methiu 18:10

Riig bo nathek ne ìuthek shii de snai arek rabo. Gu è nathek shii yao phro, aniphiing pha hamangkhliie ne idang hamangkhung pha Aphuii moe shii rai muiiro.

Methiu 24:31

Chiih-è ben rone, ai ne awairo hamangkhliiethek shii sohnyiak pha ijiu wi shii thoh ne, ithek è ai mugua pha bran shii ne soh jia jong pha ji è gai soh thog pha khrab ruii phro.

LUG ro Muawie 1:19

Hamangkhliie shii ji è chang, gu ne Gabyiel ro, “Gu ne hanyie è na shii hì thek pha miyao nane mua wie hì yao yi pha thoh pha Hamangkhung-aphuii rog riu muii ro,

LUG ro Muawie 21:36

Nowbthan ne idang sia ne chuh rey ne nyie rey ramuii pha ji è nathek yi ragia rek ne Bran Dufuii ibi shii riu mua pha rek bo.

1 Thesalonithek 4:16

Thiichiih ne khohamangkhliie ro goh ne, yung srane ziak ruii phro, Hamangkhung-aphuii pha thu-ung goh, chiih-è Ithong awai hamangkhung è thazam wuii ruii phro. Chiih-è hanyie Masi shii migi rek ne iy dun pho shii igobi chai hà hòi yi phro;

Dong 1:4

Asia du-ùa pha miley charch shii Jon re-è: Bushun nane liijiing ne nathek shii Hamangkhung-aphuii re-è ro, hanyie yi um, hanyie yi umjong, chiih-è yi wuii ramuii pha ji, chiih-è airo biang moe shii è miley ragung um pha ji è,

Dong 11:15

Chiihphado mileychiieng pha hamangkhliie re-è awairo thu-ung thud mage, chiih-è thiihchiih ne hamangkhung hà boh goh, è yao, “sohkhung shii khoh pha blu ne thuh gathek ro Ithong nane Masaiya airo rey dun ro, chiih-è ai ne idang nane idang khoh ruii phro!”

Dong 15:1

Chiihphado gu è hamang hà boh nane anomuluii pha gai pha cheb doh. Thiisa hà miley hamangkhliiethek rog shii awie pha muathek miley um ro, nyie jine iidohè pha ji ro, nyieliieshii ithek ne Hamangkhung-aphuii ro iidohè pha srobro ji ro.

Dong 16:1

Chiihphado gu è misiahò re-è miley hamangkhliiethek shii goh gang re-è yao pha yoi: “Wuii srane Hamangkhung-aphuii ro lijieg pha shiikhiiakhjamthek miley shii sohnyiak shii thoi mage bo!”

Dong 8:13

Chiihphado gu è riig, chiih-è hasam giu hà khey pha biichiing è gang goh è yao pha yoi, “Awiedang ishak! Awiedang ishak! Gai hamangkhliiethek um è thud ruii pha thu-ung ji è dinne wuii ruii shii zab hanyie sohnyiak shii rai pho ne khama diig rey ruii phro!”

Dong 8:6

Chiihphado miley hamangkhliiethek yi miley thu-ungthek ithek shii thud pha saro.

Dong 9:1

Chiihphado guiichiieng pha hamangkhliie è awairo thu-ung thud mage. Gu è dadiang yi sohnyiak hà chiih pha doh, chiih-è ji shii bajo jam ihiung pha ziuwad phi.