Dong 8:10 - Iwo Surua Mua Wie Pha Bible

¹⁰ Chiihphado uomchiieng pha hamangkhliie è awairo thu-ung thud mage. Boh dadiang yi muchuang duiine hang ne, hamang re-è chiih ne uomrang pha khobohthek re-è jiarang ne khaduii lakhung shii chiih dun.

Dong 8:10 Iomraidhean Croise

Methiu 25:1

“Jipha ishak shii hamangkhung pha Sajathua ne hì duiine phro. Luangjia hò-amuii miliao sua hanyie è awaithek ro ichuangthek pha thiiliie yi ne phiyiybufuii shii si pha wuii dun.

LUG ro Muawie 10:18

Isu è ithek shii chang, “Sakhathong ne hamangkhung è haliao duiine bliak ne chiih pha doh muii ro.

JUD ro Jigigam 1:13

Ithek ne khamuii pha khashao gang duiine ro, ithek ro awo pha blia duiine doh yi ro. Ithek ne mahaw pha dadiang duiine ro, hanyie shii ne Hamangkhung-aphuii è jam igiia pha iliing hà idang pha ithua khriig rab ne ruii.

Dong 1:20

Hì ne na è guro phazoi wad shii doh pha miley dadiangthek nane san pha miley bunthruakthek pha ug pha miyaosiu ro: Miley dadiangthek ne miley charch pha hamangkhliiethek ro, chiih-è miley san bunthruak ne miley charch ro.

Dong 12:4

Airo inyui re-è uomrang pha dadiangthek re-è jiarang hamang re-è ri srane ithek shii buzam sohnyiak hà fen muii. Ai yi hò-amuii ibi shii riu srane, airo ani ji khthiie giak dang shii chie pha rek.

Dong 14:7

Ai gang goh re-è yao, “Hamangkhung-aphuii shii ilab rek ne airo bajoboh shii chiong bo! Chiih-è zab bran shii chua pha ishak ne aishii thog sha ruii ro. Hanyie è hamangkhung, sohnyiak, khamuii, nane kho pha khasuang shii rab muii pha aishii misiasia bo!”

Dong 16:4

Chiihphado uomchiieng pha hamangkhliie è awairo shiikhiiakhjam yi khobohthek nane khokhrugthek hà thoi mage, chiih-è jithek ne ifai rey dun.

Dong 6:13

Dadiang yi hasam boh sam ne nai mage shii hingmuii è iphem isi chiih pha duiine dadiang ne sohnyiak shii chuh dun ro.

Dong 8:7

Igobi pha hamangkhliie è awairo thu-ung thud. Thumluii nane bai, Ifai rog shii lao ne, sohnyiak shii shund mage. Uomrang pha sohnyiak re-è jiarang ne hùb dun, chiih-è uomrang pha hingmuiithek nane saing rey pha irab re-è ne jiarang ne hùb dun.

Dong 9:1

Chiihphado guiichiieng pha hamangkhliie è awairo thu-ung thud mage. Gu è dadiang yi sohnyiak hà chiih pha doh, chiih-è ji shii bajo jam ihiung pha ziuwad phi.

Dong 9:15

Hamangkhliiethek wi shii ne sey ge; chiih-è ji pha ishak shii ji pha inai shii ji pha habie shii ji pha idam shii zab pha uomrang tharohthamang shii ua pha sarojong.

Dong 9:18

Uomrang pha tharohthamang re-è jiarang shii ne awie pha muathek uom ji è bai, miikham, nane barud ne sthuhthek semthek è khia khlei ne ua muii.