Dong 6:11 - Iwo Surua Mua Wie Pha Bible

¹¹ Ithek zab shii ne imo yung phi, chiih-è ithek shii ua pha duiine nathek ro gai khiaothek nane migiphothek shii ua pha nathek ro izey ji azab sapho shii ne ìujia thung ne rai bone yao.

Dong 6:11 Iomraidhean Croise

Methiu 10:21

“Branthek awaithek khuiino shii ua muii pha ithek shii phi muii phro chiih-è Aphuii è awaithek aniphiing shii duiine rek phro, Aniphiing de awaithek pha Aphuii-amuii shii gidieg rek ne iy yi pha phi muii phro.”

LUG ro Muawie 15:22

‘Jishii aphuii è awai khiao shii khthiie ho srane!’ Ai è yao! yung wie yie srane aishii guii phi bo. Ai wad bieng shii giinad nad phi srane lai shii e lakhia khia phi bo.

JON ro Muawie 16:2

Nathek shii Jewthek misiahò è khia mua phro, jimagungde ji re-è rek pha ishak thog ruii phro, ithek è nathek shii ua srane hì è now phro ithek mirek ji ne Hamangkhung-aphuii ro blia ro.

Bliathek 20:24

Jishii, gune gui sieng pha chai ne boh anow; gune Ithong Isu è phi ne rek yi pha blia ji rek ched bi pha noh ro, ji pha blia ne Hamangkhung-aphuii pha bushun pha Mua Wie ji yao pha ji ro.

2 Thesalonithek 1:7

chiih-è ai è nathek hanyie diig pho shii ichad rek phi chiih-è gathek zab shii ichad rek phi. Ai ne Ithong Isu yi hamangkhung è awairo riichaiboh pha hamangkhliiethek rog

2 Thimothi 4:7

Gu ran muii pha ji shii, gu ne ranjong, gu ne khama ran chid pha ji shii ranjong ne, chiih-è gu ne migi shii ruiijong.

Hebriuthek 11:40

Nyieliieshii Hamangkhung-aphuii è gethek shii ne ji è de wie phakjong. Ai è gethek rog shii ò rek ne ithek shii khriig rab pha ji chid bie ro.

Hebriuthek 12:23

Hamangkhung hà hanyie ro ibeng zeyjong pha, Hamangkhung-aphuii ro ibi giak pha lubo khrab bsa hà nathek wuii ro. Nathek ne hanyie yi zab bran shii chua pha Hamangkhung-aphuii shii wuii ge ro, chiih-è khriig bran shii isiie rabjong pha ragungthek hà wuii ro.

Hebriuthek 4:10

Hanyie magunde Hamangkhung-aphuii ro thung pha sbang shii choi pho ne Hamangkhung-aphuii è awairo blia è thung pha duiine ithek de awaithek ro blia è de thung muii ro.

Dong 10:6

chiih-è Hamangkhung-aphuii pha ibeng shii surua thak, hanyie yi idang nane idang sieng, chiih-è hanyie yi hamangkhung, sohnyiak, nane khamuii chiih-è zabthek shii zen. Hamangkhliie è yao, “Achia sha ruii phro!

Dong 13:15

Nyichiieng pha buii ibeymuthung è igobi pha buii ibeymuthung pha jangbang shii misey phi ne yao, ji è jangbang yao mua chiih-è hanyie è aishii misiasia asia pho shii ua muii.

Dong 14:13

Chiihphado hamangkhung re-è goh yao pha gu è yoi, “Hì zey bo: Hanyie ne thuh re-è Ithong ro blia rek ne iy pho ne sang bo!” “Zai ro!” Ragung è chang. “Ithek ne awaithek ro lei blia shii thung pha ji shii ne lubo rek ruii phro, nyieliieshii ithek ro blia iwoi ne ithek rog shii dun ruii phro.”

Dong 17:6

Chiih-è ji pha hò-amuii ne Hamangkhung-aphuii ro branthek nane nyieliieshii hanyie yi Isu shii migi rek pha chiang ne ua pha branthek ro ifai niing ne phuiithiig pha gu è doh ro. Gu è hò-amuii ji shii riig mage shii gu ne zab anomuluii pha rey dun.

Dong 7:14

Gu è chang, masdo. “Gu ne athieg ro,” nawai ne thieg. Ai è gu shii yao, “Hì ne hanyie è bajo buii diigchiao shii re-è ragia rey pha bran ro. Ithek ne awaithek yung yi shiishaiduii ifai cham srane imo rabjong ro.”

Dong 7:9

Ji pha iidoh shii gu è riig, chiih-è thiisa ne bajo iphiing ro—Hanyie è de zab pha bran shii atham mua ro! Ithek ne zab pha iiriing, jad, zab pha soh, nane nyuakthek pha ro, chiih-è ithek ne biang nane shiishaiduii moe shii riu ne, yungthek imo guii ne ithek wadthek shii chiong idiphakthek khoh ro.