Dong 5:6 - Iwo Surua Mua Wie Pha Bible

⁶ Chiihphado Isieng miseypho nane dukhothek wi è shan pha biang duchoi shii shiishaiduii yi riu gu è doh. Shiishaiduii ne ua muii pha duiine doh. Aishii iriangthek miley nane imieg miley um, nyie jine Hamangkhung-aphuii ro miley ragungthek ro nyie jine zab pha sohnyiak hà thojong pha ji ro.

Dong 5:6 Iomraidhean Croise

LUG ro Muawie 1:69

Ai è gethek shii awai khiao Dawid pha riing è blu Ragia rek pha jia phijong ro.

JON ro Muawie 1:29

Ji è rek ched pha thimiang shii Jon è Isu yi aishii wuii pha ji doh, ichiih shii ne hanyie sohjambling pha layog shii so rek phi pha Hamangkhung-aphuii pha shiishaiduii um ro.

JON ro Muawie 1:36

ai è Isu luaramuii pha ji doh srane. “Ai è yao, the jine Hamangkhung aphuii ro shiishai ro.

Bliathek 8:32

Ai mutham pha Aijaya jigigam ne: “Ai ne ua ne zid pha shiishai duiine ro, ai ne imanthek guii phi shii aro pha shiishaiduii duiine ro. Ai ne miyaogam jia de ayao dang phi ro.

Dong 1:4

Asia du-ùa pha miley charch shii Jon re-è: Bushun nane liijiing ne nathek shii Hamangkhung-aphuii re-è ro, hanyie yi um, hanyie yi umjong, chiih-è yi wuii ramuii pha ji, chiih-è airo biang moe shii è miley ragung um pha ji è,

Dong 12:11

Ithek ne shiishaiduii ro ifai nane ithek è nyie yao pha izai è aishii ne yang ge ro; chiih-è ithek ne chaithek de thoh yang ne nya iy pha saro muii.

Dong 13:8

Hanyie ro ibeng yi isieng jigigam shii sohjambling azen ba pha ibi shii zey ne, ua muii pha shiishaiduii ro rey pho asi bie pha zab sohnyiak shii rai pha branthek ne aishii misiasia.

Dong 14:1

Chiihphado thiisa gu è riig shii, thiichiih Zion Phiing hàne shiishaiduii riu ne um; chiih-è ai rog shii branthek 144,000 hanyie yi awaithek gadongthek shii airo ibeng nane airo Aphuii ro ibeng zey ne um ro.

Dong 17:14

Ithek ne shiishaiduii suang shii mak rek ruii phro; jishii shiishaiduii, ne ai è ho pha rog ò shii, guajong pha, chiih-è isiie luagiengphothek ne ithek re-è yang ruii phro, nyieliieshii ai ithongthek pha Ithong ro chiih-è sajathek pha Saja ro.”

Dong 21:22

Gu ne rajan shii misiahò adoh ro, nyieliieshii ji pha misiahò ne Ithong Hamangkhung-aphuii Bohblu nane shiishai duiine ro.

Dong 21:23

Rajan ne ai lakhung shii chuang pha hasiang nane habie ne achiid ro, nyieliieshii Hamangkhung-aphuii ro biisiie ne ai lakhung shii chuang ro, chiih-è Shiishaiduii awai ne muchuang ro.

Dong 22:1

Hamangkhliie è gu shii khoboh pha kho pha chai ne khrysthal duiine khlieng pha ji riig yi, chiih-è Hamangkhung-aphuii nane shiishaiduii ro biang re-è wuii ruii

Dong 22:3

Ji pha rajan shii ne Hamangkhung-aphuii è thamai pha adoh ruii phro. Hamangkhung-aphuii pha biang nane shiishaiduii ro biang ne ji pha rajan hà rey ruii phro, chiih-è airo khiaothek ne aishii misiasia ruii phro.

Dong 4:8

Zab isieng miseyphothek wi ne jijia shii iyigthek riig um, chiih-è ithek ne iliing nane fuang shii zab imieg ley um ro. Inai nane habiu ithek ne athodang pha ibai bai: “So, so, so, ne Ithong Hamangkhung-aphuii Bohblu ro, hanyie ne umjong, hanyie ne um, hanyie yi wuiiramuii pha ji ro.”

Dong 5:11

Din ne gu è riig, chiih-è gu è hamangkhliiethek shii yoi, ithek ne atham mua pha um ro! ithek ne biang shii isieng miseypho, chiih-è dukhothek shan ne riu,

Dong 5:12

chiih-è goh gang re-è bai: “shiishaiduii hanyie shii ua muii pha ji shii ne blu, nuruii, khani nane chuh, ilab, biisiie, chiih-è chiong mua spho ro!”

Dong 5:13

Chiih-è hamangkhung pha zab zen, sohnyiak lakhung, sohjambling pha bucho, chiih-è khamuii hà—hamangnyiak pha zab shii chai um pha—thek ne bai ramuii pha jine gu è yoi: “Hanyie biang shii dug pha aishii chiih-è shiishaiduii shii ne, chiong nane ilab, biisiie ne idang nane idang pha ro!”

Dong 5:14

Isieng ibeymuthung wi è chang, “Amen!” Chiih-è dukhothek lakhiung niing srane misiasia.

Dong 6:16

Ithek è phiingthek nane sohthek ho ne, “hanyie jia yi biang hà dug pha ji ro mieg re-è nane shiishaiduii ro lijieg pha ji ug pha gathek lakhung shii chiih mage bo!