Dong 5:5 - Iwo Surua Mua Wie Pha Bible

⁵ Chiihphado dukhothek pha è jia yi gu shii yao, “Acho rabo. Riig bo! Judah pha jad pha Bargi, Dawid ro boh riing, è ne yang pha ji shii muajong ro, chiih-è ai ne miley nabthek shii chui ne nim shii hong mua ruii phro.”

Dong 5:5 Iomraidhean Croise

LUG ro Muawie 23:28

Isu è iidoh rai srane ithek shii yao, “Jerusalem pha hò-amuiithek! Nathek gu chiang è achoh chid rabo, jimagunde nawaithek shii nane nawaithek aniphiingthek shii choh bo.

LUG ro Muawie 7:13

Ithong è hò-amuii shii ji è rey ramuii pha ji riig srane, ai lubu yi ji pha hò-amuii shii bajo bushun now dun, Ji è ai è hò-amuii shii yao, “Acho rabo.”

LUG ro Muawie 8:52

Thiichiih shii um pha branthek è ani chiang shii choh ramuii, Isu è yao, “Achoh rabo, ani ne a-iy ro ai ne men bamuii ro!”

JON ro Muawie 20:13

“Ai è hò-amuii ji de sai, nyie rek ne cho phlei?” “Hò-amuii jiè chang, ai è guro Ithong ne noh dun ro, chiih-è gune athieg ro ai è khi hà noh dun rai lei ne!”

Romanthek 1:3

Hì ne gathek ro Ithong Isu Masi, airo Dufuii chiang ro: ji duiine airo siu de, ai ne Dawid ro riing è giak;

Romanthek 15:12

Chiih-è dinne, Aijaya de yao, Jese pha riing ne dong ruii phro; Ai-ne Gaibranthek shii khohthek ruii phro, “Chiih-è ithek ne aishii luthong ruii phro.”

Hebriuthek 7:14

Hì ne wie thieg ai ne Judah jad pha bran rey ne giak ro; chiih-è Moses è phabithek pha yao magey shii ne hìpha jad shii ne ayao ro.

Dong 1:1

Hì pha jigigam ne Isu Masi è dong pha miyaothek ji sasab rek ne ruii. Khthiie nyie rey ramuii pha jine awai khiaothek shii doh yi pha Hamangkhung-aphuii hìpha dong aishii phi. Masi è hì thek pha manathek airo khiao Jon shii thieg yi pha airo hamangkhliie yi aishii thoh ge,

Dong 22:16

“Gu, Isu, charch hà jithek zab manathek nathek shii yao yi pha guro hamangkhliie shii thoh ge ro. Gu ne Dawid riing pha haliing re-è ro; gu ne hamiang khlieng pha dadiang ro.”

Dong 3:21

Gu ne yangthek shii mua srane gu è Aphuii airo biang shii dug pha duiine, hanyie è yang pha ji mua pho shii ne gu biang hà gu moe shii dug pha rangsua phi ruii phro.

Dong 4:10

ichiignawi dukhothek yi hanyie è biang shii dug muii pha moe shii chiih mage, chiih-è hanyie ne idang nane idang sieng pha aishii sia. Ithek è awaithek ro ragothek yi biang moe fen srane yao:

Dong 4:4

Biang shii ne gai ichiignawi biangthek de shan ne um, ji shii yi ichiignawi dukhothek imo guii ne san pha ragothek khak ne dug ne um.

Dong 5:4

Gu ne khiwegkho ne chomage nyieliieshii nim pha ji shii hong ne iliing hà riig mua spho hanyie jia shii de adoh ro.

Dong 6:1

Chiihphado shiishaiduii yi chui srane miley pha ji re-è igobi pha chebthek yi hong pha doh, chiih-è isieng ibeymuthung pha wi è jia yi hakhliing duiine goh rone “Thawuii bo è yao!”

Dong 7:13

Dukhothek jia è gu shii sai, “yung imothek guii pha branthek ne hanyie lei, chiih-è ithek ne khi è wuii phlei?”