Dong 5:13 - Iwo Surua Mua Wie Pha Bible

¹³ Chiih-è hamangkhung pha zab zen, sohnyiak lakhung, sohjambling pha bucho, chiih-è khamuii hà—hamangnyiak pha zab shii chai um pha—thek ne bai ramuii pha jine gu è yoi: “Hanyie biang shii dug pha aishii chiih-è shiishaiduii shii ne, chiong nane ilab, biisiie ne idang nane idang pha ro!”

Dong 5:13 Iomraidhean Croise

Methiu 6:13

Gathek shii buii achai yi rabo, chiih-è, gathek shii Awie Jia è ragia rek phi bo.>

LUG ro Muawie 2:14

“Zab è giu pha Hamangkhung-aphuii shii hamangkhung hà biisiie rey bo, sohnyiak hà na è hanyie shii sang pha ji shii de liijiing phi bo!”

JON ro Muawie 1:29

Ji è rek ched pha thimiang shii Jon è Isu yi aishii wuii pha ji doh, ichiih shii ne hanyie sohjambling pha layog shii so rek phi pha Hamangkhung-aphuii pha shiishaiduii um ro.

Romanthek 11:36

Chiih-è zab pha manathek ne ai è rey phro, chiih-è zab pha manathek ne ai è khia ruii phro chiih-è zab ne airo ro. Hamangkhung-aphuii rone idang biisiie rey bo! Amen.

Romanthek 16:27

Hanyie shii khani ley um pha ne, Hamangkhung-aphuii awai bie ro, ji è Isu Masi chiang è idang biisiie rek ne rai bo! Amen.

Romanthek 9:5

ithek ne Hebriu bran pha zab è wie riingthek ro; chiih-è Masi de siu è ne ithek ro jad pha ro. Hanyie è zab shii khohthek muii pha, Hamangkhung-aphuii airo è biisiie rey bo! Amen.

Iphisithek 3:21

Hamangkhung-aphuii ro biisiie ne charch nane Masi Isu shii idang pha ishak um bo, chiih-è idang nane idang! Amen.

Philiphithek 2:10

Chiih-è ji è Isu beng shii hamangkhung shii um pha ji, sohjambling shii um pha ji, chiih-è sohniak pha ji shii ne ai lagiungthek shii niing ruii phro.

Kholosithek 1:23

Na ne athothang pha gang shii isiie rek ne chiih-è chuh rek ne rai bo, chiih-è na mua yoi mage shii nawai è yang pha luthong pha ji è nawai shii asid yi rabo. Hì ne ji pha mua ro gu, Phaul, nyie yi zab sohjambling shii yua muii pha khiao ji ro.

1 Thimothi 4:16

Nawai shii riig ne nawai muyua ji shii riig bo. Hì pha bliathek shii rek ne rai bo, nyieliieshii nathek rek arone, nyimanyi nawai nane hanyie è na shii yoi pha ji shii de ragia rey ruii phro.

1 Phithar 4:11

Hanyie yuapho ne Hamangkhung-aphuii ro muathek yua chid phro; hanyie è blia rekpho ne Hamangkhung-aphuii è ithek shii nyie phi pha ji shii chua rog shii blia rek chid phro, ji-è zab pha manathek ne hanyie shii biisiie nane blu idang nane idang um pha Isu Masi chiang è Hamangkhung-aphuii shii chiong mua phro. Amen.

1 Phithar 5:11

Aishii ne idang pha blu um bo! Amen.

JUD ro Jigigam 1:25

Gethek ro ragia Hamangkhung-aphuii ji bie, aishii ne gathek ro Ithong Isu Masi re-è, biisiie, saja shii ilab, bluthek, nane riichai phiang-phiang chiih-è thuh chiih-è idang è de idang pha airo rey bo! Amen.

Dong 1:6

chiih-è airo Hamangkhung-aphuii nane Aphuii ro blia rek pha gethek shii phabithek pha sajathua rab phi. Isu Masi shii biisiie nane blu ne idang nane idang rai bo! Amen.

Dong 13:8

Hanyie ro ibeng yi isieng jigigam shii sohjambling azen ba pha ibi shii zey ne, ua muii pha shiishaiduii ro rey pho asi bie pha zab sohnyiak shii rai pha branthek ne aishii misiasia.

Dong 5:1

Biang shii hanyie dug pha jia airo phazoi wad shii nim ne um pha doh; jine nyimanyi ithuathek zey pha ji re-è chaig srane chebthek miley rog shii nab rek ne ruii.

Dong 5:12

chiih-è goh gang re-è bai: “shiishaiduii hanyie shii ua muii pha ji shii ne blu, nuruii, khani nane chuh, ilab, biisiie, chiih-è chiong mua spho ro!”

Dong 5:3

Jishii hamangkhung hà dinne sohnyiak dinne sohjambling pha bucho hà ne hanyie nim shii hong ne iliing riig mua spho jia de oi ro.

Dong 5:6

Chiihphado Isieng miseypho nane dukhothek wi è shan pha biang duchoi shii shiishaiduii yi riu gu è doh. Shiishaiduii ne ua muii pha duiine doh. Aishii iriangthek miley nane imieg miley um, nyie jine Hamangkhung-aphuii ro miley ragungthek ro nyie jine zab pha sohnyiak hà thojong pha ji ro.

Dong 5:9

Ithek ne iwo ibai bai: “Nane nim shii yie ne nabthek shii hong mua spho ro. Chiih-è na shii ne uamuii, chiih-è naro iy pha khlem re-è zab pha iiriing, nyuakthek zab pha branthek shii chiih-è jad shii ne Hamangkhung-aphuii pha pheg phi ro.

Dong 6:16

Ithek è phiingthek nane sohthek ho ne, “hanyie jia yi biang hà dug pha ji ro mieg re-è nane shiishaiduii ro lijieg pha ji ug pha gathek lakhung shii chiih mage bo!