Dong 4:8 - Iwo Surua Mua Wie Pha Bible

⁸ Zab isieng miseyphothek wi ne jijia shii iyigthek riig um, chiih-è ithek ne iliing nane fuang shii zab imieg ley um ro. Inai nane habiu ithek ne athodang pha ibai bai: “So, so, so, ne Ithong Hamangkhung-aphuii Bohblu ro, hanyie ne umjong, hanyie ne um, hanyie yi wuiiramuii pha ji ro.”

Dong 4:8 Iomraidhean Croise

Bliathek 20:31

Ji-è, ji nowbthan ne rai bo, gune gu miegkhothek hanai habiu noi ne nathek shii idam uom yua ne rai noh jong ro.

2 Khorinthek 6:18

Gune nathek ro aphuii rey ruii phro, chiih-è nathek ne guro dufuii nane dimi rey ruii phro, Bohblu Ithong è yao.”

1 Thesalonithek 2:9

Zai nathek ne nowkhlei iwa, gathek ro khuiinothek nane bumuiithek, gathek è Hamangkhung-aphuii Mua Wie ji yua shii nathek shii nyie diig arey yi pha gathek ne inai nane habiu blia bajo diig rek!

1 Thimothi 4:16

Nawai shii riig ne nawai muyua ji shii riig bo. Hì pha bliathek shii rek ne rai bo, nyieliieshii nathek rek arone, nyimanyi nawai nane hanyie è na shii yoi pha ji shii de ragia rey ruii phro.

2 Thimothi 4:2

mua shii yua bo, ji shii ne din ne de yao bo (ishak khriig magunde akhriig magunde), na è zab shii liijiing è yua pha duiine nyu ne, phriie chiih-è lububo rek phi bo gu ne surua khung phro.

Hebriuthek 13:8

Isu Masi ne duyo, sdoh chiih-è idang ò ro.

Dong 1:4

Asia du-ùa pha miley charch shii Jon re-è: Bushun nane liijiing ne nathek shii Hamangkhung-aphuii re-è ro, hanyie yi um, hanyie yi umjong, chiih-è yi wuii ramuii pha ji, chiih-è airo biang moe shii è miley ragung um pha ji è,

Dong 1:8

“Gune igobi nane iidohè ro,” Hanyie yi um, hanyie yi umjong, chiih-è hanyie ne wuiiramuii ro Ithong Bohblu Hamangkhung-aphuii è yao ro.

Dong 11:17

yao: “Ithong Bohblu pha Hamangkhung-aphuii, jia hanyie um ne chiih-è hanyie ne umjong!” Gathek ne na shii laso phi nyieliieshii na è naro bajoboh blu yie srane khoh pha jao!

Dong 14:11

Bai mukham pha ithek ro duhug phi pha jine idang nane idang laziung khey ruii phro. Hanyie è buii ibeymuthung nane airo jangbang shii misiasia ne, chiih-è hanyie è airo ibeng shii cheb rek pho ne, thiisa hàne inai habiu them oi ro.”

Dong 14:3

144,000 branthek yi biang shii, Isieng misephothek wi, chiih-è dukhothek yi ibi shii riu; ithek ne ithek è nyie dab mua bie pha iwo ibai bai. Zab tharohthamang jad re-è hanyie shii iruii phi ne ragia ruii pha jine ithek bie ro.

Dong 15:3

chiih-è Hamangkhung-aphuii ro khiao Moses ro ibai nane shiishaiduii ro ibai bai ramuii ro: “Ithong Bohblu Hamangkhung-aphuii, naro bliathek ne Khinyama boh nane wieng ro! Sohthek pha Saja, Naro lumuiithek ne khama rangsua nane izai ro!

Dong 15:7

Chiihphado isieng miseypho wi ji è jia è hamangkhliiethek miley shii san shiikhiiakhjam miley phi ji shii ne idang è idang rai pha Hamangkhung-aphuii ro lijieg ne ley um.

Dong 16:14

Ithek ne ibuiithek pha ragungthek ro ji re-è buangthek rek ro. Ji pha ragungthek uom è Bohblu Hamangkhung-aphuii ro boh Inai pha mak shii zab pha sajathek ò yi pha sohjambling hà wuii dun ro.

Dong 16:7

Chiihphado sraibao re-è goh yao pha gu è yoi, “Bohblu Ithong Hamangkhung-aphuii! Naro chuathek ne izai nane giang ro.”

Dong 19:15

Ai è hanyie sohthek shii yang pha ji rog shii airo sem re-è ikhire khamriie khiathog. Ai ne ithek rog shiie nane shiiesig rog khoh ruii phro, chiih-è ai ne Bohblu Hamangkhung-aphuii ro buii lijieg pha phuii shii ne angur chui pha iliing shii dia muii phro.

Dong 19:4

Ichiignawi dukhothek nane wi isieng misepho yi chiih-è hanyie yi biang shii dug pho ne Hamangkhung-aphuii shii misiasia muii ro. Ithek è yao, “Amen! Hamangkhung-aphuii shii chiong bo!”

Dong 21:22

Gu ne rajan shii misiahò adoh ro, nyieliieshii ji pha misiahò ne Ithong Hamangkhung-aphuii Bohblu nane shiishai duiine ro.

Dong 3:7

“Philadelphia hà, churh pha hamangkhliiethek shii zey: “Hì pha mua ne hanyie yi so nane izai pha jia ji è ro. Dawid shii um pha ziuwad ne aishii um ro, chiih-è ai habin hong mage shii, hanyie jia è abin mua phro, ai è bin mage shii hanyie è ahong mua ro.

Dong 4:4

Biang shii ne gai ichiignawi biangthek de shan ne um, ji shii yi ichiignawi dukhothek imo guii ne san pha ragothek khak ne dug ne um.

Dong 4:6

Biang pha ibi shii sasia pha khamuii duiine doh, jine sang khrysthal lubao duiine mia ro. Biang pha zab ithua shii ne isieng miseypho wi ibi iidoh imieg um pha è cheg muii.

Dong 4:9

Isieng wi ji è hanyie yi biang hà dug pha jia hanyie yi idang nane idang sieng pha ji shii, biisiie nane ilab chiih-è lasothek pha ibai bai muii ro. Ithek è rek mage shii,

Dong 5:6

Chiihphado Isieng miseypho nane dukhothek wi è shan pha biang duchoi shii shiishaiduii yi riu gu è doh. Shiishaiduii ne ua muii pha duiine doh. Aishii iriangthek miley nane imieg miley um, nyie jine Hamangkhung-aphuii ro miley ragungthek ro nyie jine zab pha sohnyiak hà thojong pha ji ro.

Dong 6:1

Chiihphado shiishaiduii yi chui srane miley pha ji re-è igobi pha chebthek yi hong pha doh, chiih-è isieng ibeymuthung pha wi è jia yi hakhliing duiine goh rone “Thawuii bo è yao!”

Dong 6:6

Gu è yoi shii Isieng ibeymuthung wi duchoi re-è goh ro, yao, “Inai jia pha riinangthek ne phiughàb briie jia ro, chiih-è briie uom barley ne inai jia pha riinangthek ro. Jishii sumaro imuiithek nane phuiithek raig ne amua rabo!”

Dong 7:11

Zab pha Hamangkhliiethek, dukhothek, chiih-è wi Isieng miseypho ne biang shii shan ne riu. Chiihphado ithek ne biang pha ibi awaithek mizia yi miemua srane Hamangkhung-aphuii shii misiasia ne,

Dong 7:15

Ji pha chiang è ithek ne Hamangkhung-aphuii ro biang pha ibi riu srane airo Jewthek misiahò shii hanai habiu blia rek ro. Hanyie biang shii dug pha ji ai ne awai um pha ji re-è ithek ragia rey ruii phro.