Dong 3:8 - Iwo Surua Mua Wie Pha Bible

⁸ Nathek nyie rek pha jine gu ne thieg; nathek shii blu ìujia um pha ji gu ne thieg; nathek ne gu muyua shii luagieng chiih-è gu shii isiie rek. Gu ne nathek ibi shii, hanyie jia è abin mua pha habin hong phi ro.

Dong 3:8 Iomraidhean Croise

LUG ro Muawie 12:9

Jishii hanyie è branthek moe shii gu shii snai arone, Bran Dufuii è de Hamangkhung-aphuii hamangkhliie moe shii aishii de snai ruii phro.

JON ro Muawie 15:20

“Ji-è gu è nyie yao pha ji ne nowkhlei bo; khiao ne awai Ithong è ne boh asi phro.” Chiih-è bran è gu shii diig rek arone, nathek shii de bajo diigchio rek ruii phro; chiih-è ai gu miyao pha miyao ji nuii arone, ithek de nathek shii bajo nuii phi phro.

JON ro Muawie 17:6

Na è sohjambling è hanyie gu shii phi pho ithek na shii thieg yi. Ithek ne naro ro, chiih-è na è ithek shii ne gu shii phimuii. Ithek è na miyaogam nuii,

Bliathek 14:27

Ai Anthioch dun thogmage shii, isa è charch pha branthek shii khrab ne Hamangkhung-aphuii è isa rog shii nyie rek gieng nane khi-è rek ne Gaibranthek de migi now yi pha lumuii hong phajithek yao phi.

1 Khorinthek 16:9

Ji shii thiisa hà gidieg bajo um magunde thiisa hàne boh blia pha khriig chua um ro.

2 Khorinthek 2:12

Gu Throas hà thog shii Masi ro Mua Wie ji yua shii, Ithong è thiisa hà blia rekpha lumuii hong phi pha doh.

Philiphithek 4:13

Gu ne Masi è gu shii phi pha blu è zab shii nyarek mua.

Kholosithek 4:3

Ji-è Hamangkhung-aphuii è gu shii ne Masi pha ug pha airo mua ji yua mua wie chua phi yi pha ji pha ishak shii gathek shii de sia phi bo. Ji è gu ne phatheg shii ro.

1 Thimothi 5:8

Jishii hanyie jia de awaithek ro siangthang shii gayiig arek arone, nyayaochak shii ne awaithek ro haliing pha branthek shii arek arone ithek ne migi shii snai ne migi arekpho è de awiedang pha rey dun ro.

2 Thimothi 4:7

Gu ran muii pha ji shii, gu ne ranjong, gu ne khama ran chid pha ji shii ranjong ne, chiih-è gu ne migi shii ruiijong.

JUD ro Jigigam 1:4

Giak ne hamangkhung-aphuii oi pha bran ne hanyie de athieg pha gethek duchoi wuii ro, bran hanyie è awai ro awie pha lumuii shii khriig doh yi pha Hamangkhung-aphuii ro liijiing pha mua shii ne ithek è ikhliie rek muii ro, chiih-è gethek Masdo jia nane Ithong Isu Masi shii de snai ro. Ithek choi pha the ne buyo è jigi hà chaigjong ro.

Dong 2:13

Nathek khi hà rai pha jine gu ne thieg, thiisa hàne Sakhathong ro biang um ro. Nathek ne gu shii izai rek, chiih-è thiisa Sakhathong rai bsa hà guro migi khagi Anthiphas ua pha ishak shii de nathek è gu shii migi rek pha jine athoh ro.

Dong 2:2

Gu ne thieg nathek è nyie rekjong; gu ne thieg nathek ne khama thua re-è blia rek chiih-è nathek ne khama lubu phiang rek. Gu ne thieg nathek ne awie pha bran shii azud muii chiih-è ithek ne guaphasamoythek rone yao, jishii asi, pho shii de nathek è chua, chiih-è ithek ne biidiiethek ro.

Dong 22:7

“Yoi bo!” Isu è yao. “Gu ne khthiie wuii ruii phro! Hanyie è hìpha jigi re-è chaig pha miyaogamthek shii nuii pho ne sang ro!”

Dong 3:1

Sardis hà charch pha hamangkhliie shii zey: “Hì ne Hamangkhung-aphuii hanyie shii miley luruakthek nane miley dadiangthek um pha airo mua ro. Nathek nyie rek pha jine gu ne thieg; nathek ne isieng rone yao jishii nathek ne iyjong rone gu ne thieg!

Dong 3:10

Nyieliieshii nathek shii zud bo è yao pha guro muyung shii rek, sohnyiak pha zab branthek shii chai pha diig ishak thog ruii pha ji è gu ne nathek shii de ragia rek ruii phro.

Dong 3:15

Nathek è rek pha jine gu ne thieg; gu ne thieg nathek ne chaiy de asi lua de asi ro. Gu ne nathek yi chaiy magunde lua magunde jia rey bone yang ro!

Dong 3:7

“Philadelphia hà, churh pha hamangkhliiethek shii zey: “Hì pha mua ne hanyie yi so nane izai pha jia ji è ro. Dawid shii um pha ziuwad ne aishii um ro, chiih-è ai habin hong mage shii, hanyie jia è abin mua phro, ai è bin mage shii hanyie è ahong mua ro.