Dong 3:14 - Iwo Surua Mua Wie Pha Bible

¹⁴ “Laodisia hà, charch pha hamangkhliie shii zey bo: “Hì ne Amen re-è mua ro, hanyie ne Hamangkhung-aphuii è zen phi zab ro igobi ro chiih-è jine isiie nane izai khagi de ro.

Dong 3:14 Iomraidhean Croise

JON ro Muawie 1:3

Hamangkhung-aphuii è zab pha mana ne ai chiang è rab phro; jiè nyie um pha ji ne ai murab pha rangsua asi pha jia de oi dang phro.

JON ro Muawie 8:14

Asi, Isu è aishii chang, gui è gui chiang haro yao magungde, gu miyao jine izai chak ro, nyieliieshii gune khi è wuii chiih-è gu khi hà dun din ramuii pha ji ne gui thieg chak ro. Nathek ne gu khi è wuii pha ji nane gu khi hà dun ramuii pha ji ne athieg ro.

2 Khorinthek 1:20

Chiih-è ai ne Hamangkhung-aphuii pha zab sbang ne “Oh” ro. Hì ne nyieliieshii Isu Masi chiang è gethek ro “Amen” yao pha ji ne Hamangkhung-aphuii pha biisiie yao.

Kholosithek 1:15

Masi ne adoh pha Hamangkhung-aphuii shii doh pha mia ro. Ai ne igobi giak pha Dufuii ro, chiih-è nyie manathek rab pha ji shii zab è bo ro.

Kholosithek 1:18

Ai ne siu pha khrug charch ro; Ai ne siu pha chai ithua ro. Ai ne igobi giak pha Dufuii ro, nyieliieshii ai ne zab pha manathek è de ibi rai mua pha ai ne iy bsa è de hòi din.

Kholosithek 2:1

Ji-è gu è nathek chiih-è Laodisea pha bran nane zab gai hanyie gu shii athieg ba pho chiang gu ne khama diig blia rek pha ji gu nathek shii yao riig.

Kholosithek 4:16

Nathek hì pha jigigam tham ched pha idoh, Laodisea pha Charch pha migiphothek shii de tham yi bo. Ji pha ishak ò shii, Gu è thoh ge pha jigigam ji ne Laodisea pha migiphothek è na shii thoh ge shii na ne tham bo.

Dong 1:11

Ji è yao, “Na è nyie doh pha ji zey bo, chiih-è Jigigam yi rajan miley pha Charchthek: Iphisus, Smyrna, Phergamum, Thyathira, Sardis, Philadelphia, nane Laodisia shii thoh ge bo.”

Dong 1:5

chiih-è Isu Masi è, isiie khagi, igobi iy pha ji re-è hòi ne hanyie yi sohjambling pha sajathek lakhung shii khoh ro. Ai ne gethek shii miie ro, chiih-è airo iy ne zid pha ji è ai è gethek ro layogthek è ichad rek

Dong 19:11

Chiihphado hamangkhung hong pha gu è doh, chiih-è thiisa hàne sthuh imo um. Ji pha inpho ne isiie nane Izai ji ro; hìne rangsua rog shii ai è chua chiih-è awairo mak shii mak rek pha ji ro.

Dong 2:1

Charch pha hamangkhliie shii Iphisus hà zey: “Hì ne hanyie è awairo phazoi shii dadiang miley khoh ne hanyie è san miley bunthruak duchoi shii lua muii ro.”

Dong 21:6

Chiih-è ai è yao, “Hì ne rekjong ro! Gu ne igobi nane iidohè ro, jao pha nane jong pha ro. Hanyie magunde khahang-hang pho ne nyie de igong aphi chid pha chai pha khokhrug è niing yi pha rangsua phi ruii phro.

Dong 22:13

Gu ne igobi nane iidohè ro, chiih-è jao nane jong ro.”

Dong 22:6

Chiihphado hamangkhliie è gu shii yao, “Hì pha miyaogam ne izai nane migi rek mua ruii phro. Chiih-è Ithong Hamangkhung-aphuii, hanyie è awairo Ragung yi chaigthek shii phi, pha ji è awairo hamangkhliie ren gey ne khthiie nyie rey ruii pha ji awairo khiaothek shii doh yi.”

Dong 3:7

“Philadelphia hà, churh pha hamangkhliiethek shii zey: “Hì pha mua ne hanyie yi so nane izai pha jia ji è ro. Dawid shii um pha ziuwad ne aishii um ro, chiih-è ai habin hong mage shii, hanyie jia è abin mua phro, ai è bin mage shii hanyie è ahong mua ro.