Dong 21:2 - Iwo Surua Mua Wie Pha Bible

² Chiih-è gu è So Rajan nyie yi iwo Jerusalem ji shii doh chiih-è Hamangkhung-aphuii re-è hamangkhung wuii ne, phiyiybimi ne awairo gey shii si pha chiakhua pha duiine saro ne khriig rek pha gu è doh ro.

Dong 21:2 Iomraidhean Croise

JON ro Muawie 3:29

Hanyie shii phiyiy bufuii um, ai ne phiyiy bimi pha ro, jishii phiyiy bufuii ro ijak ne hanyie è riu ne nuii shii phiyiy bufuii gow yoi mage shii bajo sang ruii phro: Hì duiine gu è sang pha ji ne zab rey ge ro.

2 Khorinthek 11:2

Hamangkhung-aphuii è rek pha duiine, gu nathek shii miegriie phro, chiih-è nathek ne igang gangbimi duiine ro hanyie shii gu è bran jia Masi rog shii yiygey phrone sbang rek.

Hebriuthek 11:10

Chiih-è Abraham ne Hamangkhung-aphuii è izey rab chiih-è idang pha sarong rog shii rajan rab pha ji shii khan muii ro.

Hebriuthek 11:16

Ji phachiang shii, hìne ithek è thoh marui pha ji è de bajo wie pha soh hamangkhung pha soh ji shii chid ro. Chiih-è ji è Hamangkhung-aphuii ne awai ne ithek ro Hamangkhung-aphuii rone yao phane awo ro, nyieliieshii ai ithek shii rajan saro phi ro.

Hebriuthek 12:22

Ji phachiang shii, na ne hamangkhung pha Jerusalem itham hamangkhliiethek rai pha Zion pha Phiing nane isieng Hamangkhung-aphuii ro rajan shii wuii.

Hebriuthek 13:14

Chiih-è ichiih sohnyiak shii ne gethek ro idang pha rajan ithua oi ro; gethek ne nyie thog ruii pha rajan shii khan ro.

Dong 1:1

Hì pha jigigam ne Isu Masi è dong pha miyaothek ji sasab rek ne ruii. Khthiie nyie rey ramuii pha jine awai khiaothek shii doh yi pha Hamangkhung-aphuii hìpha dong aishii phi. Masi è hì thek pha manathek airo khiao Jon shii thieg yi pha airo hamangkhliie yi aishii thoh ge,

Dong 1:4

Asia du-ùa pha miley charch shii Jon re-è: Bushun nane liijiing ne nathek shii Hamangkhung-aphuii re-è ro, hanyie yi um, hanyie yi umjong, chiih-è yi wuii ramuii pha ji, chiih-è airo biang moe shii è miley ragung um pha ji è,

Dong 1:9

Gu ne Jon, nathek ro khuiino, gu ne Isu rog luagieng chiih-è airo Sajathua è thog pha nathek ro diig shii lubu phiang rek ne zud pha gu ne nathek iijiiak ro. Gu shii ne Phathmos pha gachung shii ruii muii nyieliieshii gu ne Hamangkhung-aphuii ro miyaogam nane Isu è dong pha izai ji yao phi.

Dong 11:2

Jishii fuang pha sibiangthek shii sasab arek rabo, nyieliieshii ithek shii ne migi-arekpho shii phijong ro, hanyie shii ne So Rajan hà habiethek shawi-è nyi habie lai luii shii dia ruii phro.

Dong 21:10

Ragung è gu shii phrai dun, chiih-è hamangkhliie re-è gu shii ne bajo giu phiing lakhung hà noh dun. Ai è gu shii Jerusalem riig yi, jine So Rajan ro, jine Hamangkhung-aphuii re-è hamangkhung è thazam wuiiramuii ro.

Dong 21:9

Miley pha hamangkhliie yi hanyie shii iidohè pha miley muathek è ley pha miley shiikhiiakhjam um pha ji è jia è gu shii wuii ne yao, Thawuii bo, chiih-è gu ne shiishaiduii ro yiy ji pha phiyiybimi shii doh yi pha ro.

Dong 22:17

Ragung nane Phiyiybimi è yao, “Thawuii bo!” Zab hanyie yoi pho ne hì yao bo, “Thawuii bo!” Thawuii bo, Hanyie ne gahanghang pho ne; hanyie è chiid pho ne chai pha kho shii lasen duiine choi bo.

Dong 22:19

Chiih-è hanyie magunde hìpha jigi pha chaig ro miyaogamthek è nyiemagunde khia muii arone, jigi shii yao pha duiine Hamangkhung-aphuii è ithek ro mathang chai pha hingmuii iwoi è chiih-è, So Rajan re-è khia muii phro.

Dong 3:12

Gu ne hanyie è yangpho shii ne guro Hamangkhung-aphuii ro Jewthek misiahò pha sarongthek rab ruii phro, chiih-è ithek ne khuchungde athoh phro. Gu ne ithek lakhung shii guro Hamangkhung-aphuii ro ibeng zey pha ro chiih-è nyie yi guro Hamangkhung-aphuii pha hamangkhung re-è buzam wuii ruii pha, iwo Jerusalem, guro Hamangkhung-aphuii pha rajan beng zey pha ro. Gu ne ithek lakhung shii guro iwo ibeng de zey ruii phro.