Dong 2:25 - Iwo Surua Mua Wie Pha Bible

²⁵ Jishii gu awuii ruii sapho, nathek ne nathek shii nyie um pha ji chuh khoh ne rai bo.

Dong 2:25 Iomraidhean Croise

JON ro Muawie 14:3

Chiih-è dun srane nathek ro ithua saro marui ne, gu iidoh wuii din ne nathek shii gui rog shii noh pha ro, chiih-è gu khi hà rai lei ne nathek de ji hà rai ruii phro.

Bliathek 11:28

Ji pha chaig phuii jia ne Agbus beng ro. Ai ne Luruak pha blu è riu srane yao, “Ichiih sohnyiak shii bajo chi-iy pha thog ramuii ro” (Ji pha diig cheo ne Khlaudius bisiu sieng pha ishak shii thog dun ro).

Romanthek 12:9

Miie pha ji ne zab wie è ruii bo. Awie pha blia shii amiie rabo, nyie wie pha ji shii khoh bo.

1 Khorinthek 11:26

Hì pha miyao è ne zab pha ishak nane hì pha iweb nane gog è niing shii ai awuii sapho shii Ithong iy pha ji khagi rek ro.

1 Khorinthek 4:5

Ji-è nathek ne chua pha ji ne khriig ishak athog ba shii ne hanyie jia shii de achua rabo. Idohhè pha chua pha ji ne Ithong wuii ruii pha ji khan bo; ai ne igiia ug pha ji shii ne isang yi phro chiih-è branthek khani shii ug ne now pha ji shii ne hong ruii phro. Chiih-è chiihphado ithek shii mua sapho pha chiong jine Hamangkhung-aphuii è mua ruii phro.

1 Thesalonithek 5:21

zab pha manathek shii chai bo: nyie yi wie ji ruii bo

Hebriuthek 10:23

Ji-è cho gethek ne gethek è rek pha gethek ro luthong chuh è kho rai haro, nyieliieshii gethek ai ro sbang rai rone Hamangkhung-aphuii shii migi rek mua ro.

Hebriuthek 3:6

Jishii Masi ne Hamangkhung-aphuii hò pha ilkhi rek shii Dufuii duiine isiie rek. Gethek è nyie shii luthong pha ji shii lububo rek ne migi rek arone gethek ne ai Hamangkhung-aphuii ro hò ro.

Hebriuthek 4:14

Ji-è gethek de gethek è yao pha migi shii wie è khoh ne ruii rai haro. Isu, ne Hamangkhung-aphuii pha Dufuii ro—Gethek shii ne Bajobo kho phabi um ro, hanyie yi Kho phabi Hamangkhung aphuii moe hà wuiijong ro.

2 Phithar 3:10

Jishii Ithong wuii pha inai shii ne mugopho duiine wuii ruii phro. Ji pha Inai shii ne hamangkhungthek ne awiedang pha ro srane san ruii phro, hamangkhung pha hasiang, habie nane dadiangthek ne hùb ne srobro rey ruii phro, chiih-è sohnyiak shii nyie um pha ji rog pha zab ne san ruii phro.

Dong 1:7

Riig bo, ai ne sakhamiingthek lakhung è wuiiramuii ro! Hanyie aishii giao pho è lao ne, zab aishii doh ruii phro. Sohnyiak pha zab branthek ne ai lakhung shii zo ruii phro. Ji-è ji rey ro!

Dong 22:20

Isu è hithek zab pha chiang shii awai è khagi phi ne yao, “Um zai ro! Gu ne khthiie wuii ruii ro!” Amen. Ithong Isu wuii ruii bo!

Dong 22:7

“Yoi bo!” Isu è yao. “Gu ne khthiie wuii ruii phro! Hanyie è hìpha jigi re-è chaig pha miyaogamthek shii nuii pho ne sang ro!”

Dong 3:11

Gu ne khthiie wuii ruii pha ro. Nathek shii nyie um pha ji ragia ruii bo, ji è nathek ro yang pha lasen shii ne ithek shii ariao yi rabo.

Dong 3:3

Chiihphado, nathek shii nyie yua chiih-è nathek è nyie yoi pha ji shii now bo, ji nuii srane nawaithek layogthek re-è khid bo. Nathek asieng arone, gu ne mugopho duiine nathek lakhung shii wuii ruii pha ro, chiih-è nathek ne gu khuchung wuii ruii pha ishak ji rangde athieg phro.