Dong 18:6 - Iwo Surua Mua Wie Pha Bible

⁶ Hò-amuii è nathek shii khui pha duiine aishii de khui bo; Ho-amuii è rek pha zab shii nyirang è iidoh phi bo. Ai è nathek shii phuiikho saro pha duiine. Nathek ne ji è de weg phuiikho shii airo gog shii ley phi bo.

Dong 18:6 Iomraidhean Croise

2 Thimothi 4:14

Jabapho Alezendar è gu shii ne bajo boh diig phi; awai è nyie rek ruii pha ji è Ithong ne aishii lasen phi ruii phro.

Dong 13:10

Hanyie shii zum spho shii ne zum ruii phro; hanyie shii khamriie re-è ua spho ne khamriie re-è ua ruii phro. Jine Hamangkhung-aphuii ro branthek chiang shii ne zud nane migi ji um chid ro.”

Dong 14:10

awaithek ne Hamangkhung-aphuii ro phuii niing ruii phro, airo lijieg pha phuii, nyie yi ai è awairo ley chua ne awairo lijieg pha gog shii zan ro! Zab hanyie è jithek rek pho ne so hamangkhliiethek nane shiishaiduii moe shii ne bai nane barud re-è duhug phi ruii phro.

Dong 16:19

Boh rajan ne ichuathek uom shii chui dun ro, chiih-è zab sohthek pha rajanthek ne srobro rey dun ro. Hamangkhung-aphuii è boh Babylon ji nowkhlei, chiih-è aishii airo gog re-è phuii niing yi—Airo buii lijieg pha phuii ji ro.

Dong 17:2

Sohnyiak pha sajathek ne ai rog shii siulao rek muii ro, chiih-è sohjambling pha zab branthek ne airo siulao rek pha ji pha phuii niing ne phuiithiig muii ro.”

Dong 17:4

Hò-amuii jine iphi nane ishaig guii, chiih-è san pha mukhothek, igong lubaothek, nane mukho re-è guii ro. Hò-amuii ro wad shii ne ley awie pha miyao nane awie pha manathek san gog khoh ne awairo siulao rek pha iwoi ro.

Dong 18:20

Sang bo, hamangkhung, nyieliieshii ai ne mua dun ro! Sang bo, Hamangkhung-aphuii ro branthek nane guaphasamoythek chiih-è chaigthek! Hamangkhung-aphuii ne ai è nathek shii nyie rek pha ji shii the muii ro!