Dong 16:2 - Iwo Surua Mua Wie Pha Bible

² Igobi pha hamangkhliie è wuii srane awairo shiikhiiakhjam ji sohnyiak shii thoi mage. Diig nane riie saduiithek yi hanyie shii buii ibeymuthung pha cheb um pha nane ji pha jangbang shii misiasia pho shii khia yi.

Dong 16:2 Iomraidhean Croise

Bliathek 12:23

Ji è rek dang pha ji shii, Ithong pha jishii è Herod shii thab ne thud yi, nyieliieshii, ai ne Hamangkhung-aphuii shii ilab aphi. Ai ne phuyunthek è chie ne iy dun.

Dong 13:12

Ji è igobi pha buii ibeymuthung moe shii ai è airo boh riichai ji kho ro. Ji è sohnyiak nane zab hanyie jishii rai pho shii de saduii gangjong pha igobi pha buii ibeymuthung shii misiasia yie pha bangchiie rek.

Dong 14:16

Chiihphado hanyie è sakhamiing shii dug pha ji re-è awairo barai sohnyiak shii wieg mage, chiih-è sohnyiak pha yamiing shii riugjong ro.

Dong 14:9

Uomchiieng pha hamangkhliie è igobi pha nyi rog shii luagieng ne, gang goh re-è yao, “Hanyie magunde buii ibeymuthung shii nane ji pha jangbang shii misiasia chiih-è ithek khuwuang nane wad shii ne cheb choi pho

Dong 16:1

Chiihphado gu è misiahò re-è miley hamangkhliiethek shii goh gang re-è yao pha yoi: “Wuii srane Hamangkhung-aphuii ro lijieg pha shiikhiiakhjamthek miley shii sohnyiak shii thoi mage bo!”

Dong 16:11

chiih-è ithek ne awaithek ro riiethek nane saduiithek pha chiang re-è hamangkhung pha Hamangkhung-aphuii shii thamai. Jimagunde ithek ne awaithek ro awie pha lumuiithek re-è akhid ro.

Dong 8:7

Igobi pha hamangkhliie è awairo thu-ung thud. Thumluii nane bai, Ifai rog shii lao ne, sohnyiak shii shund mage. Uomrang pha sohnyiak re-è jiarang ne hùb dun, chiih-è uomrang pha hingmuiithek nane saing rey pha irab re-è ne jiarang ne hùb dun.