Dong 13:5 - Iwo Surua Mua Wie Pha Bible

⁵ Buii ibeymuthung shii wiangwe yao yi srane Hamangkhung-aphuii shii makhak-riing rek yi, chiih-è riichai ne habie sawi nyi ne ai wad shii um yi pha phi muii.

Dong 13:5 Iomraidhean Croise

2 Thesalonithek 2:3

Hanyie jia è de nathek shii nyie lumuii hà de akhin-arin yi rabo. Awie pha jia hanyie yi thumluii hà dun pha sbang rekjong pha ji khia ne iidohè mak arek sapho shii ne ji pha Inai athog ruii phro.

2 Thesalonithek 2:4

Ai ne zab shii hamangkhung-aphuii rone ho pha ji shii chiih-è misiasia pha mana shii gak ruii phro chiih-è ithek zab pha lakhung dug ruii phro. Ai ne wuii srane Hamangkhung-aphuii ro Misiahò shii dug chiih-è Hamangkhung-aphuii ro è yao ruii phro.

2 Thesalonithek 2:8

Chiihphado Awie Jia jine dong ruii phro, jishii Ithong Isu wuii ruii shii, ai ne aishii ai sem pha misey è ua ne aishii ne airo wud pha moe è srobro rek ruii phro.

Dong 11:7

Ithek yi ithek ro mua ji yao ched mage shii, buii ibeymuthung jine bajo jam ihiung è ithek suang shii mak rek pha wuii ruii phro. Ai ne ithek shii yang srane ithek shii ne ua muii,

Dong 12:14

Aishii ne hakhliingmuii è luagieng pha ji shii ragia rek yi pha khi hà uom itham è khuyo gayiig rek pha ithua hà khey yi pha boh biichiing jia ro iyig nyi phi.

Dong 12:6

Hò-amuii ne Hamangkhung-aphuii è aishii saro phi pha ithua bali hà yodun, thiisa hà aishii ne itham jia è wieng nyi sariig inaithek gayiig rek ruii phro.

Dong 13:7

Chiih-è Hamangkhung-aphuii bran gidieg shii mak rek ne ithek shii yang pha phijong ro, chiih-è zab pha jad, sohthek, nyuak, nane iiriing lakhung shii riichai rek pha phijong ro.