Dong 13:3 - Iwo Surua Mua Wie Pha Bible

³ Buii ibeymuthung ro khrug jia shii ne awie pha saduii thoh dun pha duiine doh, jishii saduii jine gang ge. Zab pha sohnyiak ne anomuluii pha rey dun, chiih-è buii ibeymuthung rog shii luagieng dun ro.

Dong 13:3 Iomraidhean Croise

LUG ro Muawie 2:1

Ji pha ishak shii Bisiu Augusthus è Roman bukho boh thiig shii bran ibeng zey pha yung.

JON ro Muawie 12:19

Ji-è Pharisithek è gai jia shii yao, “Nathek riig mage bo! Gathek rone nyie de zab arey ro! Riigbo, sohjambling pha zab ne aishii luagieng dun ro!”

Bliathek 8:13

Simon awai de ji pha mua izai now ne khowo yie srane Philiph rog rai gieng. Ai ne Philiph rog shii rai gieng shii Philiph mirek pha buangthek pha bliathek doh mage ne awai de bajo wieng dun.

Dong 13:12

Ji è igobi pha buii ibeymuthung moe shii ai è airo boh riichai ji kho ro. Ji è sohnyiak nane zab hanyie jishii rai pho shii de saduii gangjong pha igobi pha buii ibeymuthung shii misiasia yie pha bangchiie rek.

Dong 13:14

Chiih-è buangthek ne igobi pha buii ibeymuthung moe shii rek srane ai è sohnyiak shii rai pha zab branthek shii khinrin rek. Buii ibeymuthung chiih-è khamriie re-è saduii rek muii pha jine thuh de isieng ro ai beng shii ilab rek pha ibeymuthung è ithek shii jangbang rab bone yung ro.

Dong 17:10

Guii ne chiihjong ro, jia ne kho bamuii ro, chiih-è gai jia ne thuh de awuii ba ro; ai wuii ruii mage shii, ai ne ìujia ishak kho bie ruii phro.

Dong 17:11

Chiih-è buii ibeymuthung ne luang jia shii ne isieng ro, jishii thuhchiih ne isieng asi sha ro, awai hanyie yi mileochiieng saja ro, hanyie yi miley re-è jia ro chiih-è awai shii srobro rey ruii phro.

Dong 17:13

Hì pha saja sua blia ne zab ò ro, chiih-è ithek è awaithek ro blu nane riichai ne buii ibeymuthung shii phi muii ro.

Dong 17:17

Chiih-è Hamangkhung-aphuii è awai è yang pha blia ji zab ò è rek yi pha ithek lubuthek hà yang ruii phi chiih-è Hamangkhung-aphuii ro miyaogamthek izai athog sapho shii kho yi pha awaithek ro blu ne buii ibeymuthung shii phi muii.

Dong 17:6

Chiih-è ji pha hò-amuii ne Hamangkhung-aphuii ro branthek nane nyieliieshii hanyie yi Isu shii migi rek pha chiang ne ua pha branthek ro ifai niing ne phuiithiig pha gu è doh ro. Gu è hò-amuii ji shii riig mage shii gu ne zab anomuluii pha rey dun.

Dong 17:8

Ji pha buii ibeymuthung ne luang jia shii ne isieng, jishii isieng asi sha ro; hìne bajo jam ihiung re-è wuii ruii srane srobro rey pha lakhung hà wuii pha rek pha ji ro. Branthek ichiih sohnyiak shii rai pho hanyie ro ibeng ne sohnyiak rab pha ji re-è yie ne isieng jigigam shii azey ba pho ne, ithek è buii ibeymuthung shii riig magey shii ithek ne anomuluii pha rey ruii phro. Hì ne luang jia ne isieng ro, thuh ne oi sha ro, jishii jine din ne khia ruii phro.