Dong 11:19 - Iwo Surua Mua Wie Pha Bible

¹⁹ Hamangkhung-aphuii ro misiahò ne hamangkhung hà hongjong ro, chiih-è Shiinyie Japho ne thiisa hà doh ro. Chiihphado thiisa hàne haliao bliak ne hakhliing pha jiriak yie rone, sajiib sam ne la è haben chiih ro.

Dong 11:19 Iomraidhean Croise

Dong 11:13

Ji pha ishak shii, thiihchiih ne awiedang pha sajiib sam ro, rajan suarang re-è jiarang ne mua dun ro, chiih-è itham miley branthek ne ua muii ro. Thiichiih khe pha branthek ne rum srane hamangkhung pha Hamangkhung-aphuii pha bajoboh shii chiong ro.

Dong 11:15

Chiihphado mileychiieng pha hamangkhliie re-è awairo thu-ung thud mage, chiih-è thiihchiih ne hamangkhung hà boh goh, è yao, “sohkhung shii khoh pha blu ne thuh gathek ro Ithong nane Masaiya airo rey dun ro, chiih-è ai ne idang nane idang khoh ruii phro!”

Dong 12:1

Chiihphado hamang hà boh nane bajoboh cheb agao mua pha jia doh. Thiisa hàne hò-amuii, hanyie yi hasiang guii srane hanyie shii ne ai lai iliing shii habie um chiih-è ai khrug shii ne dadiangthek snanyi pha rago um ro.

Dong 16:1

Chiihphado gu è misiahò re-è miley hamangkhliiethek shii goh gang re-è yao pha yoi: “Wuii srane Hamangkhung-aphuii ro lijieg pha shiikhiiakhjamthek miley shii sohnyiak shii thoi mage bo!”

Dong 16:18

Thiisa hàne haliao pha bliakthek um chiih-è hakhliing pha khliingthek roh ne, chiih-è buii sajiib sam ro. Thiisa hàne tharohthamang jad nyarab dang ne hì duiine pha sajiib arey ba ro; hìne zab re-è awiedang pha sajiib ji ro!

Dong 16:21

Boh habenthek, zab ne shiiriie saguii nyama ro, chiih-è hamang re-è branthek lakhung shii chiih, ji pha chiang branthek ne Hamangkhung-aphuii shii thamai ro, nyieliieshii hìne buii awie pha diig ro.

Dong 19:11

Chiihphado hamangkhung hong pha gu è doh, chiih-è thiisa hàne sthuh imo um. Ji pha inpho ne isiie nane Izai ji ro; hìne rangsua rog shii ai è chua chiih-è awairo mak shii mak rek pha ji ro.

Dong 4:1

Ji è rekdang pha ji shii yoh dong ne hamangkhung pha habin hong pha doh. Chiih-è goh yi thu-ung duiine, yoi, pha ibi shii gu shii yao, “Thawuii bo ichiih, chiih-è hìpha iidoh shii nyie rey ruii pha ji nathek riig yi pha ro.”

Dong 4:5

Biang è haliao khliingthek, bliakthek thog, ne hakhliing chiie. Biang pha ibi shii miley muchuangthek chuang pha ji hang ne um, nyie jine Hamangkhung-aphuii ro miley ragungthek ro.

Dong 7:15

Ji pha chiang è ithek ne Hamangkhung-aphuii ro biang pha ibi riu srane airo Jewthek misiahò shii hanai habiu blia rek ro. Hanyie biang shii dug pha ji ai ne awai um pha ji re-è ithek ragia rey ruii phro.

Dong 8:5

Chiihphado hamangkhliie è zang pha bisi jine yie, ne sraibao pha bai zan ne, chiih-è sohnyiak lakhung shii fen muii. Thiisa hàne hakhliing pha graingurung nane hakhliing, bliak pha ichuang, chiih-è sajiib sam.

Dong 8:7

Igobi pha hamangkhliie è awairo thu-ung thud. Thumluii nane bai, Ifai rog shii lao ne, sohnyiak shii shund mage. Uomrang pha sohnyiak re-è jiarang ne hùb dun, chiih-è uomrang pha hingmuiithek nane saing rey pha irab re-è ne jiarang ne hùb dun.