Dong 1:11 - Iwo Surua Mua Wie Pha Bible

¹¹ Ji è yao, “Na è nyie doh pha ji zey bo, chiih-è Jigigam yi rajan miley pha Charchthek: Iphisus, Smyrna, Phergamum, Thyathira, Sardis, Philadelphia, nane Laodisia shii thoh ge bo.”

Dong 1:11 Iomraidhean Croise

Bliathek 16:14

Thiichiih shii hò-amuii jia nuii gieng phane Thyathira pha Lydia, yung chong rek pha hò-amuii ji ro. Ai ne Hamangkhung-aphuii shii sia ne rai pha hò-amuii ro, ji-è, Hamangkhung-aphuii è aishii hong phi ne Phaul è nyie yao ramuii pha ji wie nuii yi.

Bliathek 18:24

Ji pha ishak shii Alezendria hà giak pha Apholos beng pha Jew jia de Iphisus hà wuii thog ruii. Ai ne miyao bajo lie ne yao pha nane jigigam ji bajo thieg pha bran ro.

Bliathek 20:17

Michiyous hà Phaul è Iphisus shii mua jia thoh ge, Charch pha dukhothek shii aishii si iang bo.

1 Khorinthek 15:32

Gu è ichiih Iphisus hà jabiing pha ibeymuthung rog shii bran duiine now ne mak rek arone gune nyie phua mage phlei? “Jishii iy pha ji yi ahoì arone, chiihphado yao pha ji duiine rey dun,” thimiang ne gethek iy sha, jiè cho gethek ne chie-niing sha rai haro.

1 Khorinthek 16:8

Gu ichiih Iphisus shii Phenthekhosth pha inai thog pha rai pha ro.

Iphisithek 1:1

Phaul re-è, hanyie yi Hamangkhung-aphuii è yang pha Masi Isu ro guaphasamoy— Iphisus hà Hamangkhung-aphuii ro bran pha hanyie è ithek ro chai ne Isu Masi rog shii ò migi rek ro:

Kholosithek 2:1

Ji-è gu è nathek chiih-è Laodisea pha bran nane zab gai hanyie gu shii athieg ba pho chiang gu ne khama diig blia rek pha ji gu nathek shii yao riig.

1 Thimothi 1:3

Gu Mesidonia hà wuii shii gu è na shii khung ne yao pha ji duiine, gu ne na shii Iphisus hà rai bone yang muii ro. Giak bran è thiisa hàne biidiie pha muyuathek yua muii ro, chiih-è na ne ithek shii gak bo.

Dong 1:17

Gu aishii doh mage shii, gu ne ai lai shii bran iy duiine chiih dun. Airo phazoi wad è gu lakhung shii khoh srane yao, “Arum rabo!” Gu ne igobi nane iidohè ro.

Dong 1:19

Chiihphado, na è manathek doh pha, nyimanyi thuh shii um pha manathek nane iidoh shii rey ramuii pha manathek shii zey bo.

Dong 1:2

chiih-è Jon ai è nyie doh pha ji yaojong ro. Hì ne Hamangkhung-aphuii ro mua è ò chiih-è izai ne Isu Masi re-è dong phi rone hìne airo phosro ro.

Dong 1:20

Hì ne na è guro phazoi wad shii doh pha miley dadiangthek nane san pha miley bunthruakthek pha ug pha miyaosiu ro: Miley dadiangthek ne miley charch pha hamangkhliiethek ro, chiih-è miley san bunthruak ne miley charch ro.

Dong 1:4

Asia du-ùa pha miley charch shii Jon re-è: Bushun nane liijiing ne nathek shii Hamangkhung-aphuii re-è ro, hanyie yi um, hanyie yi umjong, chiih-è yi wuii ramuii pha ji, chiih-è airo biang moe shii è miley ragung um pha ji è,

Dong 1:8

“Gune igobi nane iidohè ro,” Hanyie yi um, hanyie yi umjong, chiih-è hanyie ne wuiiramuii ro Ithong Bohblu Hamangkhung-aphuii è yao ro.

Dong 10:4

Ithek è yao ched shii, gu ne zey pha rek. Jimagunde hamangkhung è goh yao pha gu è yoi, “Miley hakhliingthek è nyie yao pha jine ug ne ruii bo; azey rabo!”

Dong 14:13

Chiihphado hamangkhung re-è goh yao pha gu è yoi, “Hì zey bo: Hanyie ne thuh re-è Ithong ro blia rek ne iy pho ne sang bo!” “Zai ro!” Ragung è chang. “Ithek ne awaithek ro lei blia shii thung pha ji shii ne lubo rek ruii phro, nyieliieshii ithek ro blia iwoi ne ithek rog shii dun ruii phro.”

Dong 19:9

Chiihphado hamangkhliie re-è gu shii yao “Hì zey bo: Hanyie shii shiishaiduii ro phiyiy michie shii ho pho ne sang ro.” Chiih-è hamangkhliie è chodo ne yao, “Hì ne Hamangkhung-aphuii ro izai miyaogamthek ro.”

Dong 2:1

Charch pha hamangkhliie shii Iphisus hà zey: “Hì ne hanyie è awairo phazoi shii dadiang miley khoh ne hanyie è san miley bunthruak duchoi shii lua muii ro.”

Dong 2:12

Phergamum hà charch pha hamangkhliie shii zey: “Hì ne hanyie shii khamriie irey nyi um pha airo mua ro.”

Dong 2:18

Thyathira hà charch pha hamangkhliie shii zey: “Hì pha mua ne Hamangkhung-aphuii ro Dufuii re-è ro, hanyie ro mieg ne bai duiine bliak muii ro, hanyie ro lai ne bala suang pha duiine ro.”

Dong 2:24

“Jishii ikhe Thyathirapho gai ne awie pha muyua shii aluagieng ro; nathek ne ‘Sakhathong ro jam ugthek’ Shii gai è ho pha jine adab ro.” Gu ne nathek shii yao gai miihan ne gu nathek lakhung shii aruii phro.

Dong 2:8

“Smyrna charch pha hamangkhliie shii zey: “Hì pha mua ne hanyie yi igobi nane iidohè chiih-è hanyie iy ne dinne sieng din pha ji re-è ro.

Dong 21:5

Chiihphado hanyie biang shii dug pha ji è yao, “Chiih-è thuh gu ne zab manathek shii iwo rab pha ro!” Ai è de gu shii yao, “Hì zey bo, nyieliieshii hìpha miyaogamthek ne izai nane migi rek mua ruii phro.”

Dong 22:10

Chiih-è ai è gu shii yao, “Hì pha jigi pha chaig miyaogamthek ne ug ne aruii rabo, nyieliieshii hì thek zab rey ruii pha ne ishak nui sha ro.

Dong 22:16

“Gu, Isu, charch hà jithek zab manathek nathek shii yao yi pha guro hamangkhliie shii thoh ge ro. Gu ne Dawid riing pha haliing re-è ro; gu ne hamiang khlieng pha dadiang ro.”

Dong 3:1

Sardis hà charch pha hamangkhliie shii zey: “Hì ne Hamangkhung-aphuii hanyie shii miley luruakthek nane miley dadiangthek um pha airo mua ro. Nathek nyie rek pha jine gu ne thieg; nathek ne isieng rone yao jishii nathek ne iyjong rone gu ne thieg!

Dong 3:14

“Laodisia hà, charch pha hamangkhliie shii zey bo: “Hì ne Amen re-è mua ro, hanyie ne Hamangkhung-aphuii è zen phi zab ro igobi ro chiih-è jine isiie nane izai khagi de ro.

Dong 3:4

Jishii Sardis hà giak ne nawaithek yungthek so ruiijong ro. Nathek ne imo guii ne, gu rog lua ruii phro, nyieliieshii nathek ne rek spho chak ro.

Dong 3:7

“Philadelphia hà, churh pha hamangkhliiethek shii zey: “Hì pha mua ne hanyie yi so nane izai pha jia ji è ro. Dawid shii um pha ziuwad ne aishii um ro, chiih-è ai habin hong mage shii, hanyie jia è abin mua phro, ai è bin mage shii hanyie è ahong mua ro.